رجة فى الموتور

**battot_2010** · 22-05-2010 03:59 PM

مساء الخير ياجماعة انا عندى مشكلة مش عارف سببها لحد دلوقتى
اولا العربية بتتأخر فى الدوارة وبالذات لما بتكون سخنة لكن لو سبتها مثلا يومين وجيت ادور تدور عادىورحت لكذا واحد قلولى احتمال تكون رشاشات
تانى حاجى اول لما بادور العربية الموتور بيترج جامد و بعدين يبقى عادى وكمان صوته عالى شوية وكان فيه خشونة وكمان لما باجى اطفيها الموتور بيتهز برده شوية و فيه اصوات كدة ناحية الرشاشات كان حاجات بتتحرك كدة

ارجوكم ياجماعة ساعدونى انا مابفهمش فى العربيات خالص شكرا
العربية بقالها معايا سنة وبصراحة زهقت منها لانوس 99

**M.Zaher** · 22-05-2010 05:31 PM

الرشاشات عندك بتسيل
غيرها برشاشات البي ام m40 سعرها 200 جنيه

**samirayad** · 22-05-2010 06:49 PM

فعلا

أصابع الأتهام بتشير بقوه جهة الرشاشات

**battot_2010** · 23-05-2010 11:09 AM

يعنى موضوع رجة الموتور ديه والتأخير كل ده سببه الرشاشات ؟؟
معلش ياجماعة انا مشابفهمش فى العربيات زيكوا كدة او تقريبا مفهمش خالص
فى حاجة تانية كنت قرأتها عن تنضيف حاجة اسمها ايدل ؟؟هل ديه لو عملتها ممكن نستغنى عن موضوع تغيير الرشاشات ده
معلش حاجة كمان اجيب رشاشات ال bm ولا هيونداى؟؟؟
شكرا بجد ياجماعة على سرعة الرد

**hobaz** · 23-05-2010 11:23 AM

انا عايز اعرف بعد اذنكوا ايه اللي بيبوظ الرشاشات ده......

**MMamdouh** · 23-05-2010 01:05 PM

مشكلة فى تصميم الرشاشات الروشستر... الرشاش جواة صباع بيقفل على فتحة دائرية و بمرور الوقت و مع الاجهاد و الحرارة الصباع دة بيبقى مش مستقيم و بالتالى مش بيقفل الفتحة باحكام و بالتالى الرشاش بيسيل

الرشاشات البوش جواها ابرة بتدخل جوة فتحة البخ و بتسدها تماما و بالتالى بتعيش سنين و سنين

MMamdouh

**tuttoo** · 23-05-2010 02:27 PM

المشاركة الأصلية كتبت بواسطة mmamdouh

مشكلة فى تصميم الرشاشات الروشستر... الرشاش جواة صباع بيقفل على فتحة دائرية و بمرور الوقت و مع الاجهاد و الحرارة الصباع دة بيبقى مش مستقيم و بالتالى مش بيقفل الفتحة باحكام و بالتالى الرشاش بيسيل

الرشاشات البوش جواها ابرة بتدخل جوة فتحة البخ و بتسدها تماما و بالتالى بتعيش سنين و سنين

mmamdouh

السلام عليكم مع كامل احترامي للباشمهندس محمد ممدوح مش دة سبب تلف رشاشات الانوس سبق ليا وكنت سعيد الحظ بأني اخت تدريب ( تريننج ) علي اعطال الرشاشات ف الدايو كان الكلام دة سنة 2002 اسف للاطالة ... السبب ف تلف رشاشات الدايو هو الكونترول يونت نفسه (الكمبيوتر) لان السوفت بتاعه متخلف وعشان ميبقاش( كلام والسلام واللي ميعرفش يقول هجس) هحاول اوضح: اي كنترول عادي بيتعامل مع 4 رشاشات يدي اشارة لرشاش ويقفل ال 3 الباقين عادي كفكرة طبيعية الرشاش اللي علية الدور يفتح والباقي يقفل... الا كنترول الدايو العجيب..... دة يفتح اتنين ويقفل اتنين وهكذا يفتح اتنين ويقفل اتنين مرة 1و2 ومرة3و4 ودة يخلي الرشاشات تفتح وتقفل اثناء شغلها50% علي الفاضي ينتج عنة استهلاك بنزين وفتح وقفل للرشاش علي الفاضي.. الدليل علي كلامي باشمهنس محمد انك ممكن فاي عربية دايو تبدل فيش الرشاشات 1مكان 2 وتلاقي العربية عادي جدا وممكن تبدل فيش 3مكان 4 تلاقي العربية مش متاثرة خالص وممكن تتاكد بنفشك ....... و دة راجع لان الكونترول بيعت اشارتين اشارتين مع بعض لانة مصنع بتكنولجي قديم شوية يارب اكون قدرت اوضح ...... يهمني رايك جدا وكمان مستني راي استاذنا الكبير المهندس سمير ..... علي فكرة دي تاني مشاركة ليا صديق ليا تنازل لياعن الايميل بحالة ليا عشان اتشرف واكون معاكو واكون معاكو

**MMamdouh** · 23-05-2010 02:41 PM

معلش مع احترامى ليك و للtraning بتاعك...الكلام دة مش صح خالص

اولا لو كلامك صح كان لازم يبقى رشاش الدايو معدل سريانة نص العربيات ال 1500 او ال1600 العادية لانة بيبخ بنزين مرتين كل دورة مش مرة واحدة بالتالى لازم يبخ بنزين اقل لانة بيبخ مرتين... دة مش صحيح لان معدل السريان زى اى عربية 1500 او 1600 تانية و فى نفس الوقت استهلاك البنزين مش ضعف اى عربية 1600 او 1500

ثانيا التجربة اللى بتقول عليها بتاعت عكس ترتيب الفيش حصلت معايا بالغلط و انا بركب طقم رشاشات للنوبيرا ال2000 و العربية مرضيتش تدور اساسا

ثالثا و دى اهم نقطة... حتى لو فرضنا ان الرشاشات فعلا بتشتغل مرتين فى الدورة مش مرة واحدة.... دة لا يفسر على الاطلاق سبب تلف الرشاشات... لو كلامك صح كانت الرشاشات الرفيعة اللى فى اللانوس من موديل 2002 و انت طالع باظت برضة... و الرشاشات البوش اللى عندى باظت و الرشاشات الهيونداى اللى عند الزملاء باظت

نظرية ان الكونترول مسؤل عن تلف الرشاشات غير صحيحة

MMamdouh

**samirayad** · 23-05-2010 02:56 PM

الا كنترول الدايو العجيب..... دة يفتح اتنين ويقفل اتنين وهكذا يفتح اتنين ويقفل اتنين مرة 1و2 ومرة3و4 ودة يخلي الرشاشات تفتح وتقفل اثناء شغلها50% علي الفاضي ينتج عنة استهلاك بنزين وفتح وقفل للرشاش علي الفاضي

الكلام ده مش مظبوط يا أخى

أنت دخلت دورة الأشعال بتاعتنا والمعتمده على نظرية ( الشراره الشارده أو الخاسره ) waste spark

فى دورة البنزين

يعنى دخلت الأمور فى بعضها بطريقه غير مباشره

ومستحيل يحصل الكلام اللى بتقول عليه فى أى دورة بنزين

الموضوع: رجة فى الموتور

LinkBack

أدوات الموضوع

عرض

-

-

-

-

المواضيع المتشابهه

الحل السحري لحماية الموتور الجديد و لتجديد الموتور بدون عمره

برجاء تعرييف الفرق بين الموتور الأسود و الموتور الكاربيرتير

الموتور بيطلع دخنه بيضه عايز اغير الموتور

ما سبب تأخير او عدم بدء تشغيل الموتور (دوارة الموتور) صباحا؟

تفصيص الموتور او فتح الموتور - استفسار للمتأكدين فقط -

الكلمات الدلالية لهذا الموضوع

المفضلات

المفضلات

ضوابط المشاركة