الموضوع: بعمل مشروعي الخاص ومحتاج دعواتكم وزيارتكم

السلام عليكم ورحمه الله
النهاردة هاكلمكم في حاجة ومحتاج منكم دعواتكم بالتوفيق
ان شاء الله من اول الشهر داخل شريك في مشروع صغير
غسيل سيارات وكار كير
ورغم ان حصتي في المشروع صغيرة الا ان اللي مشجعني عليها كذا حاجة
اولا الاشخاص اللي معايا ما شاء الله عليهم زي الفل
هما اللي في الموضوع ده
http://www.nilemotors.net/Nile/94994-a.html
محمد ومحمد اللي حكيتلكم عليهم
ثانيا اني كنت عايز ابدء المشروع ده في بنزينة وليس محل او جراج
وبالفعل عثرت على بنزينة يمكن تكون مش شغالة من فترة طويلة يجي من اكتر من سنتين وهي بنزينة التعاون اللي في اول طريق مصر اسماعيلية الصحراوي تحت كوبري الهايكستب وقبل بنزينة موبيل
في وش الحرفيين
يعني لو داخل تعمل اي حاجة في عربيتك وعربيتك اتبهدلت جوة سواء من شوارع الحرفيين اللي زي الزفت او من اي صنايعي
نضافة عربيتك عندي بعد ماتكون خرجت من الحرفيين
البنزينة كبيرة جدا وفيها مطلعين كبار كل مطلع ياخد عربيتين وفيها مساحة كبيرة للغسيل والتنشيف والمكنسة
وجاري اعداد قسم كار كير ان شاء الله
وتم الاتفاق على صنايعي محترف كار كير
سيتم الافتتاح التجريبي من اول يونيه القادم اي خلال ثمانية ايام
لمعرفة اليات تشغيل المكان
والافتتاح الرسمي ان شاء الرحمن منتصف يونيه مع بدء تشغيل طلبمات البنزين والسولار بالبنزينة
موقع البنزينة اكثر من هايل
جاي من دائري اسكندرية الزراعي هاتنزل مخرج المطار وتلف من تحت الكوبري تلاقيها في وشك
جاي من دائري المعادي تنزي منزل السلام(ماتنزلش نزل طريق اسماعيلية عشان زحمة)وتدخ شمال وتخليك مع العربيات لغاية برة الحرفيين هاتلاقيها في وشك
جاي من طريق المطار وجوزيف تيتو تخلص طريق المطار ماتطلعش الكوبري تعدي المزلقان تلاقيها منورة على يمينك
جاي من جسر السويس تخلصه للاخر واول ماتدخل اسماعيلية الحراوي تلاقيها على يمينك
وباذن الله هاعمل اسار خاصة جدا للافتاح
والخدمة ان شاء الله مفيش زيها
وفي مكان مكيف للانتظار عشان الجو الحر
وصاحب البنزينة بيجهز كافيتريا محترمة جدا جدا جنب البنزينة
محتاج زيارتكم تنوروني
خاصة اننا كنايل موتورز تقريبا اول مرة هايكون لينا مكان ثابت نقدر نتجمع فيه ونلتقي فيه دايما
محتاج دعواتكم الصادقة
تحياتي
اخوكم كريم منير

بعون الله فى خلال سنة هتكون البنزينة دى بتاعتك يا كريم كفاية بس اعضاء المنتدى مش عاوزين حد تانى من بره

الف مليون مبروك وانا عن نفسى هجيلك من الهرم مخصوص على الاقل اضمن العروسة ليها معاملة خاصة