اسئله بيكانتاويه

**sara2001** · 22-05-2010 10:20 PM

بما انكم مفتقدين المواضيع البيكانتاويه
لو تسمحولي اسئلكم شوية اسئله

كنت عايزه اعرف إذا كانت مرآة المنتصف مريحه بالنسبه لكم في الإستخدام ولا لأ
انا بحس ان ارتفاعها او بمعنى اصح سقوطها لأسفل مش مناسب وغيرت الزاويه بتاعتها لأسفل وأوضح شويه بس مازالت مش مريحه بالنسبه لى
اوقات احس انها جايبه الأسفلت زياده عن اللزوم ولو رفعتها سنه اشوف ظهر العربيه

وهل ممكن تحويل المرايات الجانبيه الى مرايات كهرباء (ده طبعا علشان الناحيه اليمين)

كنت عايزه اعرف كمان لمبة البنزين بتنور امتى؟ وأقدر امشي كام كيلو بعد ما تنور اللمبه
في حاجه تانيه بس مش متأكده منها هي لمبة البنزين بتدي alarm في الأول وتنور بلون اصفر وبعدين قرب الإنتهاء تنور بلون احمر

لو بستخدم العربيه مرتين بس في الإسبوع ممكن البطاريه تنام؟

كفايه كده احسن تخرجوني من المجتمع البيكانتوتي

**MOSTAFABASAL** · 24-05-2010 10:47 AM

المرايه بتاعتها علي مفصلين خللي الدراع اللي ماسك المرايه نازل شويه زغيره مش لازق لفوق واتحكمي في زاويه المرايه بعد كده وحاولي تثبتي كرسي السواق على وضع ثابت المرايات ممكن تبقى كهربا بس فين المكن بتاع المرايات و الزرار بتاعها

**sara2001** · 24-05-2010 03:59 PM

المشاركة الأصلية كتبت بواسطة ahmedezar

ممكن تجربي أستخدام مراة أكبر توضع فوق الأصلية
أو تجربي ظبط ميل الكرسي

شكرا لمرورك
خايفه يبقى شكلها عامل زي مرايات الميكروباصات وبعدين في ناس بتقول انها بتدي ابعاد غير حقيقيه للعربيات علشان مش اصليه

**sara2001** · 24-05-2010 04:08 PM

المشاركة الأصلية كتبت بواسطة mostafabasal

المرايه بتاعتها علي مفصلين خللي الدراع اللي ماسك المرايه نازل شويه زغيره مش لازق لفوق واتحكمي في زاويه المرايه بعد كده وحاولي تثبتي كرسي السواق على وضع ثابت المرايات ممكن تبقى كهربا بس فين المكن بتاع المرايات و الزرار بتاعها

متشكره جدا لحضرتك
دراع المرايه ثابت مش بينزل لتحت التحكم بس فى زاوية المرايه
هو عند حضرتك بينفع تنزله لتحت؟
هجرب اعدل وضع الكرسى تاني النهارده
انا بعدل وضعه كل شويه لأن كل واحد بيركب مكان السواق بيعدله وعلشان كده مش قادره اثبته على وضع ثابت

**sara2001** · 24-05-2010 11:40 PM

المشاركة الأصلية كتبت بواسطة M.ABDEEN

المراية عادية ومفيهاش مشكلة بالنسبة لي ........
مرتيين مشي بالعربية في الاسبوع مفيهوش مشاكل على البطارية
يفضل دايما ما تسيبيش البنزين للاخر ومرة انا اللمبة نورت اصفر مني في طريق السخنة ومشيت عليها حوالي 45 كيلو لغاية ما لقيت بنزينة

المشاركة الأصلية كتبت بواسطة MOSTAFABASAL

ما تخليش البنزين يخلص منك وخللي التفويل دايما عند نص التنك عشان طرمبه البنزين ما تسحبش وساخه من التانك و يضربلك طرمبه البنزين و مبتديش انذار ولا حاجه بتنور اصفر في التابلوه بس

متشكره جدا لمروركم
عدلت وضع ظهر الكرسي وخليت الميل أقل وكده وضع المرايه احسن
بس الدراع عندي مش بيتحرك
مش عارفه استاذ مصطفي حضرتك بتحركه لتحت ازاي

بخصوص البنزين حصل معايا مرتين ان اللمبه نورت بس في مره انا شفتها بلون اصفر ومره بلون احمر

وعلشان كده اعتقدت ان لما تنور باللون الأصفر بيكون لسه عندي وقت شويه خصوصا ان اللمبه ساعتها بتنور بصوره متقطعه ( بتنور شويه وتطفي شويه)
ولما كانت منوره باللون الأحمر كان نور ثابت من غير ما يختفي وده معناه لازم احط بنزين فورا
ياترى بيحصل عندكم كده؟

**NoRmAl** · 25-05-2010 01:58 AM

المشاركة الأصلية كتبت بواسطة sara2001

متشكره جدا لمروركم
عدلت وضع ظهر الكرسي وخليت الميل أقل وكده وضع المرايه احسن
بس الدراع عندي مش بيتحرك
مش عارفه استاذ مصطفي حضرتك بتحركه لتحت ازاي

بخصوص البنزين حصل معايا مرتين ان اللمبه نورت بس في مره انا شفتها بلون اصفر ومره بلون احمر

وعلشان كده اعتقدت ان لما تنور باللون الأصفر بيكون لسه عندي وقت شويه خصوصا ان اللمبه ساعتها بتنور بصوره متقطعه ( بتنور شويه وتطفي شويه)
ولما كانت منوره باللون الأحمر كان نور ثابت من غير ما يختفي وده معناه لازم احط بنزين فورا
ياترى بيحصل عندكم كده؟

لا مفيش أصفر وأحمر دى هو لون واحد :))
لما تنور متقطعه دى أكيد وأنى على منحنى فالبنزين كله بيروح فى حته واحده علشان القوه الطارده
بيخلى القاريه مذبذبه
لكن دا معناه أنك عايزه تمونى بردو