السلام عليكم، انا عضو جديد فى الموقع واول مرة اعمل عضوية فى اى موقع او منتدى،بس الحقيقة انا معجب جداً بالموقع علشان فيى اجوبة على كل الاسئلة البتدور فى دماغى عن البيرسونا الاليجنس وعملت مقارنات كتير بس لاقيت انها اكتر واحدة عجبانى.اناكلمت أ/محسن صالح وسالتة هتيجى امتة فقال ان ممكن احجزها والمفروض توصل شهر 11 (نوفمبر)السنة دى،بس السعر مش معروف؟؟؟وكنت بسأل لو رحت احجز ممكن ياجماعة تشوفلوى إن كان ينفع يتعملى خصم عن السعر الهينزل بية العربية؟؟؟ معلش تاعبكو معايا من اول يوم....... وبالتوفيق والنجاح
وعليكم السلام ورحمة الله وبركاته
اهلا بحضرتـك ...
بخصوص الاليجانس لسه ماحدش عارف امتى بالضبط نازله , وماحدش يعرف سعرها كام وبالتالى موضوع التخفيض بدرى عليه ... بس اكيد هنحاول نضبط تخفيض لاعضاء المنتدى وان شاء الله حضرتك تستفاد بيه .
الف مبروك عالحجز مقدما , وتستلم على الف خير ان شاء الله
واحنــا تحت امرك فى اى استفســـار
تحيــــــــــــــــاتــىhttp://i122.photobucket.com/albums/o.../th_eclown.gif
لو قالولك في التوكيل شهر 11 يبقى مش قبل شهر 2 أو 3 2011 :))
مع إحترامي لمحسن صالح راجل محترم وذوق جدا بس أعمل حسابك على كده عشان متضايقش ..
بالتوفيق ان شاء الله .... ما أعتقدشس هيكون فيه خصم لأنها لسه ما نزلتش وظروف السوق مجهولة في الفترة دي
اللة يطمنكوا،بس عاوز اعرف حاجتين
1- لو حجزت دلوقتى هينفع اخد الخصم بعد كدة لما يكون فية Deal ولاهيقولولى ماينفعش؟
2-لو العربية نزلت غالية وكنت عاوز اسحب مقم الحجز(1000)جنيهاً هينفع ولا هيضيع علية؟
والف الف شكر على اهتمامكم وعايز اشكر أيمن على الرد السريع
وليه تحجز دلوقت حاجه لسه مش معروف تنزل امتى استنى لما تبقى العربيه جايه اكيد وبعد كده احجز اكيد هاينزل اعلانها في الجرايد
انا من رأيي ان حضرتك تستنى لغاية متنزل احسن منعا لحدوث المفاجأت مش اكتر وربنا يعمل اللي فيه خير........