الكاريــــــــنز - تغيير جنوط الكارينز
السلام عليكم ورحمة الله وبركاته
من مواضيع الكارينز الموجودة فى مجموعة Carens Owners
#0000ff
اقتباس:
المشاركة الأصلية كتبت بواسطة abohagar2001
السلام عليكم ورحمة الله
كنت عاوز اخد رأى الشباب فى تغيير الجنوط ال15 ب 17 او 18 هل دا هيبقى له تأثير ملحوظ على ارتفاع السيارة والا لا وهل له اى اضرار اخرى ام لا
وتكلفته تقريبا كام
#0000ff
اقتباس:
المشاركة الأصلية كتبت بواسطة ahmedrashed
#0000ff
اقتباس:
المشاركة الأصلية كتبت بواسطة abohagar2001
هو الصراحة انا عايز اغيره لان حاسس ان نفسى اعلى العربية شوية فهل هو هيفرق
#0000ff
اقتباس:
المشاركة الأصلية كتبت بواسطة Khaled_Nowaihy
#0000ff
اقتباس:
المشاركة الأصلية كتبت بواسطة shamiam
يـــااااااااااااه يا أبــو هاجر.. سبقتني بســـاعة واحدة في طرح الموضوع.. الموضوع دة كان لازم يكون أول موضوع يتفتــح هنا في الرابطـــة.. بالذات مع الكارينــز.. مش عارف ليــه كل ما أبصلهــا أفتكـــر الديناصـــور.. جســم عملاق و رجلين رفيعـــة.. فعــلاً، أنـــا رايي كــ ((شاب روش)) سابقــاً إن عجل العربيـــة محتـــاج يكبــر شويــة عن الـــ 15 ((شكلاً لا مضمونــاً)).. و تصدق بالله.. أنــا لسة راكنهـا في جراج السيــد الوالد من يوم ما رخصــت عشان أحــافظ على الجنوط و الكاوتـــش لغايــة ما آخـــد قرار نهائي في التغييـــر.. و للعلـــم، أنـــا قطعــت شوط في العمليـــة ممكن أنقل النتــايج ليك::
• مانيــوال العربيـــة بيقول يا 15 يا 16 يا 17، و لو هتغيـر لــ 17، يبقى لازم 225/50.. و بتـوع الجنوط الكبــار في إسكندريــة كلهـــم بيقولوا 45 كفــاية أوي لإن 50 متعــب و مش متوفــر قد كـــدة..
• متوســط سعـــر طقـــم الجنوط الإندونيسي 3000 جنيــه، و متوســط سعــر الكاوتش 225/50 هـــو 500 جنيــــه.. يعني العمليـــة محتــاجــة 5 بواكــي..
بالنسبـــة لجنــط العربية الأصلي، كل بتوع الجنوط بيقولولي هـــات العربية و تعالى عشـــان نتمن الجنوط بالكاوتــــش.. و أنـــا مستني يوم أجـــازة عشان ألف عليهـــم واحد ورا التاني.. لكن فيــــه معلومتين مهمتين::
- ســـامي الخواجـــة أكبر واحد في إسكندريـــة بيبيع جنوط السيراتـــو الأصلي بــــ 4700.. و رغـــم كدة، أنـــا متـــأكد إنهـــم لما ييجوا يتمنــوا الجنوط، أكيـــد هيبخســوك على الأقل نص الرقــم دة..
- التوكيل بيبيــــع طقــــم جنوط الكارينز الـــ 15 ((زي اللي راكبـــة)) بــــ ألف جنيه للفردة.. يعني 4000 جنيـــه الطقـــــم..
يعني أنـــا أقدر أستنتج من كدة، إنه أقل من 3 و نص.. ما أبيعــــش..
لكن المشكلـــة بقى.. إني لفيت منتدى الكيــــا من أول صفحـــة لآخـــر صفحـــة.. و المفاجـــأة إن كل الآراء سلبيـــة في الجنـــط الــــ 17.. طبعــاً من حيث الأداء لا الشكل.. كدة كدة الشبــاب الروش بيحــب الجنط الكبير.. لكن الكل بيتكلّـــم عن دبدبـــة العفشـــة من أقل مطب أو نقـــرة أو بلاعـــــة.. و دة السبب الرئيسي اللي مخليني متردد.. غيــر طبعاً الرأي اللي بيقولّك:: " هـــات آخر الكاوتش الأول.. و لمـــا تيجي تغير الكاوتش إجبـــاري.. إبقى غير ساعتهـــا الجنـــط.. عشان ما تخسرش فيهـــم جامد لو بعتهــــم دلوقتي.. كدة كدة هيبخسوك تمنهـــم سواء جداد لانـــج أو إستعمـــال 5 سنين"
المهــــم، إنتظـــرني قريبـــاً.. و أنـــا أعرف هيشتروا مني الجنوط الـــ 15 بالكاوتش بكـــــام.. و على فكرة، إنــــت اللي هتشجعنــــي على تنفيــذ العمليـــة أو هتثبطنــــي..
#0000ff
اقتباس:
المشاركة الأصلية كتبت بواسطة HSultan
المقاس المناسب لسيارتك من جدول تحويلات مقاس الكاوتش هو
205/60R16 or 245/45R17 or 245/40R18
equal 25.7 Overall Diameter
ومن وجهة نظري مقاس 17 مناسب للكارينز من ناحية إرتفاع جانب الكاوتش لأن قطر العجلة كبير أصلا
#0000ff
اقتباس:
المشاركة الأصلية كتبت بواسطة shamiam
يعنى مع احترامى طبعا للاراء ( الروشة بالذات ) بس ماحدش ريحنى برضه هل الموضوع دا هيبيقى له تأثير ملحوظ على ارتفاع العربية والا اللى هيزيد فى الجانط هيتاكل فى الكاوتش
#0000ff
اقتباس:
المشاركة الأصلية كتبت بواسطة solly76
انا عندى العربيه نازله بجنوط 16 و كاوتش 205/60r16
شوف عندك مع الجنط ال 15 الكاوتش نازل كام و قولنا اذا كانت عربيتى اعلى من عربيتك ولا لأ و بناء عليه تعرف لو غيرت للجنط ال17 العربيه هتعلى ولا لأ
#0000ff
اقتباس:
المشاركة الأصلية كتبت بواسطة abohagar2001
العربيه نازله بجنوط 15 و كاوتش 205/65r15
#0000ff
اقتباس:
المشاركة الأصلية كتبت بواسطة Ahmad Mahfouz
خلي بالك لأن اللى هيزيد فى الجنط هيتاكل فى الكاوتش
15 --> 65
16 --> 60
17 --> 45
18 --> 40
الخلاصه أنه منظر فقط ولن تستفيد من إرتفاع للسيارة.
#0000ff
اقتباس:
المشاركة الأصلية كتبت بواسطة shamiam
... و آخــــــرك - حسب مانيــوال العربيــــة - 225/50r17 .. لإنك لو غيـــرت لأكتر من كدة تبقى ((مستهتــــر)) بالمانيــوال..
لكن واضـــح إن مفيش حـــد مأيدني في حيثيـــاتي.. أنـــا لسة ما جربتش العربية في المطبـــات و في الحمولــة الزايـــدة.. يعني لســـة ماقدرش أحـــدد واطيـــة ولا لأ.. لكن اللي متــــأكد منــــه إنهــــا شبه الديناصــور.. شاسيـــة ضخــــم.. و عجل رفيـــع ((بالنسبـــة للشاسيـــة أكيــــــد))..
#0000ff
اقتباس:
المشاركة الأصلية كتبت بواسطة Khaled_Nowaihy
طيب يا جماعة حد يقول لنا لو غيرنا لمقاس كام حا يدى زيادة فى الارتفاع كام ؟
انا تهت فى الأرقام اللى بتقولوها-وعاوز اجيب من الآخر
لو حطينا 16 ارتفاعها حيزيد كام ؟ ولو 17 حيزيد كام ؟
#0000ff
اقتباس:
المشاركة الأصلية كتبت بواسطة heshamsalah
لا أعتقد أنه يفرق كثيرا فى الارتغاع بس هو الشكل والإتزان ممكن
أنصح اللى عايز يغير الجنط بحاجتين
1- يحاول مع الوكيل يبدلوا بالأصلى. أنا سألت قبل كدة قالوا لو لازم تسأل مدير قطع الغيار وكان ساعتها الجنط مش موجود أصلا فكبرت بس قال لى هيجيلى. يعنى السؤال مش هتخسر حاجة.
وسيبك من 19kia عشان مالهومش لازمة. كلم أبو رواش على النمرة دى وقل لهم ممكن أكلم قطع الغيار. 35391480
2- التزم بالمقاسات الموجودة فى الكاتلوج وعلى القايم بتاع باب السائق ومتسمعش كلام بتوع الكاوتش. التغيير عنها بيخلى السيارة مش مظبوطة وده عن تجربة
والله أعلم