عملت صيانة ال10000 + شكرا للباشمهندس سمير
انهاردة عملت صيانة ال 10000 في مركز ايليت اوتو في قويسنا
هو المركز كويسة وعنده اجهزة وصنايعية كويسين بس انهاردة كان زحمة ومسالونيش ايه ال في العربية انا ال كنت بقولهم غير كدا المركز كويس"المرة ال فاتت قعدوا يسالوني"
انا كان عندي 3 مشاكل
1-الار بي ام بيعلى اوي في وضع المور
2- في صوت وانا بجيب المارشدير كاني مش دايس دبرياج
3-الاريال بيطقطق
بالنسبة للار بي ام انا كنت سالت والباشمهندس سمير قالي نضف البوابة وسلك الاكسراتير
روحت قلتله كدا طبعا في المركز ونضفهم والار بي ام بقى بتمام جدا
بالنسبة للماشدير معرفش بصراحة عملو ايه بس هو اتظبط وبقى شغال كويس
الاريال قالولي عايز قواعد ومش موجودة نحجزلك معاد ونجبهالك قولتلو لا افصله خالص انا مش عايزة لانه مزهقني وانا مبشغلش الراديو
انا عامل الموضوع دا مخصوص عشان اشكر الباشمهندس سمير وانا عملت زي ما هو قالي ووقفت فوق دماغ الصنايعي:colsmil: وهو بينضف البوابة وسلك الاكسراتير وعرفت بتتعمل ازاي وهبقى اعملها انا بعد كدا ان شاء الله
وبرضو عشان ال كان بيسال على مشكلة الار بي ام عشان يعرف حلها