مطلوب نصائحكم ، و ميكانيكي فيليشيا بالهرم - فيصل - الجيزة - الدقي

**iammoslim** · 23-05-2010 12:05 AM

[overline]السادة الاعضاء الكرام،[/overline]

انا عضو جديد في المنتدى ، وبصدد شراء اول سيارة في حياتي خلال ايام قليلة ان شاء الله.
و في حدود المبلغ اللي معايا ، كنت بافاضل بين رينو رينبو و الفليشيا.
بقالي فترة بادور على رينو حالتها كويسة بس مش لاقي ، وبعد اللي قرأته من موضوعاتكم عن الفليشيا قررت ان شاء الله اني اشتريها اذا لقيت واحدة بحالة جيدة.

وفي سيارة هاعاينها خلال الاسبوع ده ان شاء الله ... فليشيا 96 بالتكييف . (مش عارف اذا بييجي معاها تكييف والا ده متركبلها؟)

و انا محتاج واحد ميكاني يكون أمين وبيفهم فعلا في الفليشيا ، و مش طماع .. يكون معايا ويعاين العربية ويدني رأية بامانة. وخصوصا موضوع دورة التبريد والحرارة ، والموتور ووش السلندر . لأن حسب ما فهمت من موضوعات حضارتكم ان دي الاجزاء اللي بيكون فيها معظم مشاكل الفليشيا.

انا ساكن في الهرم ، لو حد يعرف ميكانيكي بالمواصفات المطلوبة في الهرم ، فيصل ، الجيزة ، الدقي. يدلني على مكانه او تليفونة و أكون شاكر ليه جدا جدا.

و اي نصائح أخرى من حضراتكم ، محل ترحيب وشكر كبييييييير مني لصاحبها.

شكر الله لكم.

**nezamy71** · 24-05-2010 02:07 PM

نصيحة اكشف علي العربية كويس جدا في بنزينة متخصصة بالكشف بالاجهزة لان العربية الفليشيا بالذات لو مش تمام هاتبقي وقعت في فخ ولما بتصح بتكون ممتازة وياريت تعلي شوية في الموديل يعني من سبعة وتسعين وطالع

**DONYO** · 25-05-2010 08:38 AM

المشاركة الأصلية كتبت بواسطة iammoslim

[overline]السادة الاعضاء الكرام،[/overline]

انا عضو جديد في المنتدى ، وبصدد شراء اول سيارة في حياتي خلال ايام قليلة ان شاء الله.
و في حدود المبلغ اللي معايا ، كنت بافاضل بين رينو رينبو و الفليشيا.
بقالي فترة بادور على رينو حالتها كويسة بس مش لاقي ، وبعد اللي قرأته من موضوعاتكم عن الفليشيا قررت ان شاء الله اني اشتريها اذا لقيت واحدة بحالة جيدة.

وفي سيارة هاعاينها خلال الاسبوع ده ان شاء الله ... فليشيا 96 بالتكييف . (مش عارف اذا بييجي معاها تكييف والا ده متركبلها؟)

و انا محتاج واحد ميكاني يكون أمين وبيفهم فعلا في الفليشيا ، و مش طماع .. يكون معايا ويعاين العربية ويدني رأية بامانة. وخصوصا موضوع دورة التبريد والحرارة ، والموتور ووش السلندر . لأن حسب ما فهمت من موضوعات حضارتكم ان دي الاجزاء اللي بيكون فيها معظم مشاكل الفليشيا.

انا ساكن في الهرم ، لو حد يعرف ميكانيكي بالمواصفات المطلوبة في الهرم ، فيصل ، الجيزة ، الدقي. يدلني على مكانه او تليفونة و أكون شاكر ليه جدا جدا.

و اي نصائح أخرى من حضراتكم ، محل ترحيب وشكر كبييييييير مني لصاحبها.

شكر الله لكم.

بص يا باشا من الاخر كدة روح افحصها في بنزينة شل اللي في اول شارع الهرم دول ناس شاطرين جدا وبيقيسوا كبس الموتور بجهاز وبيدولك تقرير بحالة الشاسية والموتور والسيارة عامة

**iammoslim** · 26-05-2010 09:25 PM

متشكر جدا جدا لردود حضراتكم ...
وان شاء الله هاعمل بنصيحتكم وهافحصها في بنزينة "شيل" lاللي في أول الهرم. وربنا يسترها معايا.

واذا السيارة دي ماطلعتش تمام هادور بعد كدا على موديلات ما فوق ال 97.

بس استجدت من كلام حضراتكم استفسارات:
1- بيتكلف كام الفحص في البنزينة ؟ وحسب العرف السائد بيكون تكلفته عليا والا على صاحب السيارة والا مناصفة ؟
2- هل الموديل ده (96) فيه مشاكل محددة يعني والا التكنولوجيا اللي بعد كدا افضل بكتير؟ خصوصا ان صاحبها طالب 32000 لأن حسب كلامه حالة السيارة ممتازة !

**hamahomo** · 26-05-2010 11:22 PM

الكشف في البنزينة لا يتعدي 100 جنية

**mazenossama** · 27-05-2010 05:56 AM

[Q7UOTE=iammoslim;3872699942]متشكر جدا جدا لردود حضراتكم ...
وان شاء الله هاعمل بنصيحتكم وهافحصها في بنزينة "شيل" lاللي في أول الهرم. وربنا يسترها معايا.

واذا السيارة دي ماطلعتش تمام هادور بعد كدا على موديلات ما فوق ال 97.

بس استجدت من كلام حضراتكم استفسارات:
1- بيتكلف كام الفحص في البنزينة ؟ وحسب العرف السائد بيكون تكلفته عليا والا على صاحب السيارة والا مناصفة ؟
2- هل الموديل ده (96) فيه مشاكل محددة يعني والا التكنولوجيا اللي بعد كدا افضل بكتير؟ خصوصا ان صاحبها طالب 32000 لأن حسب كلامه حالة السيارة ممتازة ![/QUOTE]

1 الفحص 100 جنية 50 متور 50 شاسية وفحص جسم العرف ليك لو تاخدها عليه لو طلعت زبالة
2- مفيهوش مشاكل طالما حالة العربية جيدة 97 افضل موديل عشان مفيهوش موضوع السخونية ده نهائي
3- من حيث الموديل في lx و glx طبعا الاخير افضل بيبقي تكييف كشافات ضباب امامي وخلفي وكونسول وعداد اربي ام ولمبة شنطة و ساعة ديجيتال في اختلاف كبير من الاخر

السعر طبعا عالي وغالبا نص كلام الناس بيبقي مبالغة فخلي بالك بس بتوع بنزينة شل هيكسروا في العربية لدرجة ان صاحبها هينزل في تمنها ومش هيقاوح خصوصا لو طلع في حاجة في المتور او الشاسية

التقرير وافي متقلقش وهو هيفهمك بيعمل ايه وده حلو وده وحش يعني لو العربية كلملة ومشية قليل ممكن تتكلم معاه في الف او اتنين لكن لو حالتها جيدة تتكلم معة في 26 27 وكده

**iammoslim** · 31-05-2010 09:36 PM

استاذ [OVERLINE]"mazenossama"[/OVERLINE] انا عاجز عن الشكر بجد بجد.
اجابت حضرتك كافية ووافية و فعلا هاتكون عون كبير ليا.

شكرا مرة أخرى لك وشكرا لكل من ساهم باي معلومة.