هل لجرابات المحمول المغناطيسية تأثير سلبي على المحمول

السلام عليكم ورحمه الله وبركاته
ازيكم يا جماعه
اخيرا وبعد لف كتير و طويل لقيت جراب شيك و كويس ونظيف (بيتقفل بمغناطيس) لتليفونى ال n97 mini و يا دوبك بدأت استعمله الا انى لاحظت وانا حاطط الموبايل فى الجراب ان مغناطيس الجراب بيمسك فى اى سطح معدنى و قوه مغناطيسية شديده حتى انى كنت بستغلها فى انى اثبت بيها سماعه البلوتوث بدل ما اشيلها فى حته تانيه ومن هنا بدئت افكر هل المغناطيسية دي ممكن يكون ليها تأثير سلبي على الجهاز مثلا
انا بفكر فى حته اننا لو سبنا مسمار جنب مغناطيس المسمار هيتمغنط فكده ممكن جسم الموبايل يتمغنط وخصوصا ان الموبايل عندى غطا البطارية معدن وكمان فكرت اكتر ان ده ممكن يأثر على البورده او اى تكوين داخلى فى الجهاز و يسبب تعطيله
وهل ان اشتريت الجراب الاصلى له هيكون احسن ( سعره 250 جنيه)
ده طبعا غير ان ممكن المغناطيس يأثر فى قوه اشارة الشبكه اللى واصله للجهاز

معتقدش لان فيه تليفونات نازله بنفس الفكره

انت فين يا عم مجدي مختفي لية

لا أعتقد أنه ضار .. أنا عندي في الموبايل القلم ممغنط عشان ميقعش ، والمغناطيس جنب الشاشة

وفيه بعض الموبايلات الـ Flip بتستخدم مغناطيس لإغلاق الجهاز

إلى جانب إن الموبايل كله عبارة عن شبه موصلات Semi-Conductors ، ودي لا تتأثر بالمجال المغناطيسي

الي بيتأثر بالمجال المغناطيسي الهارد ديسك و الـ Floppy Disk ، والتلفيزيونات القديمة CRT

والي حصل عندك في الموبايل إن فيه أجزاء معدنية في جسم الموبايل واتمغنطت

لكن مغناطيس صغير زي ده ميضرش الجهاز في حاجة

فإن شاء الله الجراب ده مفهوش مشكلة

اقتباس:

---

المشاركة الأصلية كتبت بواسطة hesham_7amza

معتقدش لان فيه تليفونات نازله بنفس الفكره

---

اقتباس:

---

المشاركة الأصلية كتبت بواسطة abdo_eldesokey

لا أعتقد أنه ضار .. أنا عندي في الموبايل القلم ممغنط عشان ميقعش ، والمغناطيس جنب الشاشة

وفيه بعض الموبايلات الـ flip بتستخدم مغناطيس لإغلاق الجهاز

إلى جانب إن الموبايل كله عبارة عن شبه موصلات semi-conductors ، ودي لا تتأثر بالمجال المغناطيسي

الي بيتأثر بالمجال المغناطيسي الهارد ديسك و الـ floppy disk ، والتلفيزيونات القديمة crt

والي حصل عندك في الموبايل إن فيه أجزاء معدنية في جسم الموبايل واتمغنطت

لكن مغناطيس صغير زي ده ميضرش الجهاز في حاجة

فإن شاء الله الجراب ده مفهوش مشكلة

---

اللى عندى لسه متمغنطش و اللى خلانى اشك فى ان المغناطيس بياثر على الجهاز انى جيت اشغل برنامج تحديد اتجاه القبله لقيت المؤشر بيلف بشكل جنونى و اتعدل اول ما فكيت الجراب فالقصد انى خايف احسن يكون له تأثير على الجهاز

اقتباس:

---

المشاركة الأصلية كتبت بواسطة pro_samir

انت فين يا عم مجدي مختفي لية

---

اهه فى الدنيا والله و فى الشغل طول النهار والليل (بصلى اربع فروض فى الشغل) هوا القطاع الخاص كده بزنقاته و مشاكله انما منقولش غير الحمد لله وربنا يطلعنا منها على خير
كان نفسي اجى معاكم فى غارة فيلا الطويل بس مينفعش لانى شغال كل ايام الاسبوع مفيش اجازات

آه صحيح .. انت عندك في الـ n97 بوصلة ، يبقى كده المغناطيس أكيد هيأثر عليها

طب هل فى تاثير للمغناطيس على سماعات الموبايل ممكن مثلا يمغنطها او يسبب اى ضرر لانه ان كان بيأثر على البوصله فانا خايف يبقى ف تاثير ع مكونات الجهاز

اقتباس:

---

المشاركة الأصلية كتبت بواسطة michohat

طب هل فى تاثير للمغناطيس على سماعات الموبايل ممكن مثلا يمغنطها او يسبب اى ضرر لانه ان كان بيأثر على البوصله فانا خايف يبقى ف تاثير ع مكونات الجهاز

---

طبعاً السماعات فيها ملف لكنه صغير جداً ومش شرط يكون ممغنط ، إلى جانب المايك بردوا ساعات بيكون فيه ملف

لكن معظم الناس بيقولوا إنه مش بيتأثر

الموضوع فيه اختلافات كتيرة في الآراء على جوجل

بس أنا خلصت من البحث إن طالما المغناطيس مش كبير يبقى مش هيأثر على التليفون

طب بقولك يامجدي
ماتيجي نروح سوا أنا وإنت..عند الطويل

هتبقا هيصة ....هناااااااااااكل لحمة يامعلم

بس فعلا فيه موبايلات نازلة بالجراب وبيكون فيه المغناطيس

اقتباس:

---

المشاركة الأصلية كتبت بواسطة abdo_eldesokey

طبعاً السماعات فيها ملف لكنه صغير جداً ومش شرط يكون ممغنط ، إلى جانب المايك بردوا ساعات بيكون فيه ملف

لكن معظم الناس بيقولوا إنه مش بيتأثر

الموضوع فيه اختلافات كتيرة في الآراء على جوجل

بس أنا خلصت من البحث إن طالما المغناطيس مش كبير يبقى مش هيأثر على التليفون

---

اقتباس:

---

المشاركة الأصلية كتبت بواسطة karim_mohy

بس فعلا فيه موبايلات نازلة بالجراب وبيكون فيه المغناطيس

---

الحقيقة انا مقلق من الجراب لان المغناطيس بيشيل سلسله المفاتيح (قوته جامده) فكده هركنه واشوف غيرة من غير مغناطيس اسلم برضه ولا ايه رايكم

اقتباس:

---

المشاركة الأصلية كتبت بواسطة a7med_pharma

طب بقولك يامجدي
ماتيجي نروح سوا أنا وإنت..عند الطويل

هتبقا هيصة ....هناااااااااااكل لحمة يامعلم

---

الحقيقة كان نفسي اجي بس ظروف الشغل الايام دى ملخبطه فاغلب الظن انى مش هقدر اجي للاسف ومش تنسونا من التغطيات الحصرية

من يومين حصل لى موقف خلانى على طول مركب الجراب المغناطيسي فى الموبيل
نزلت زى كل يوم رايح الشغل شيكت على العربية زيت وميه و كاوتش وكله تمام وطلعت على الشغل لما وصلت بلم حاجتى من العربية ونازل ادور على الموبيل مش لاقيه وانا كنت فاكر انى نازل بيه من البيت وحتى عملت بيه مكالمات وانا فى الجراج رنيت عليه من التليفون التانى سمعت صوت الموبايل ادور عليه مش لاقيه ركزت لقيت الصوت جاي من بره العربية ببص لقيته محطوط على الكبوت تحت دراعات مساحات المطر
اتارينى سبته فى المكان ده وانا بشيك على الزيت
لولا ستر ربنا و المغناطيس اللى فى الجراب كان الموبايل ضاع و اتكسر تحت كاوتش العربيات

اقتباس:

---

المشاركة الأصلية كتبت بواسطة michohat

من يومين حصل لى موقف خلانى على طول مركب الجراب المغناطيسي فى الموبيل
نزلت زى كل يوم رايح الشغل شيكت على العربية زيت وميه و كاوتش وكله تمام وطلعت على الشغل لما وصلت بلم حاجتى من العربية ونازل ادور على الموبيل مش لاقيه وانا كنت فاكر انى نازل بيه من البيت وحتى عملت بيه مكالمات وانا فى الجراج رنيت عليه من التليفون التانى سمعت صوت الموبايل ادور عليه مش لاقيه ركزت لقيت الصوت جاي من بره العربية ببص لقيته محطوط على الكبوت تحت دراعات مساحات المطر
اتارينى سبته فى المكان ده وانا بشيك على الزيت
لولا ستر ربنا و المغناطيس اللى فى الجراب كان الموبايل ضاع و اتكسر تحت كاوتش العربيات

---

يا سبحاان الله........ده انت تحمد ربنا....المال الحلااااال:E_braces[1]:

طبعا الحمد لله والشكر لله ومن يومها والجراب لازق فى الموبيل ( بس لسه مقلق من حكايه المغناطيس دى)

هوا انا الصراحه مره كان معايا جراب موبايل وكنت كل ما استخدمه الاقي الكي لوك فتح لوحده
اشيله من الجراب الاقيه بقي كويس
كانت حاجه غريبه جدا
بس انا بستخدم جراب لللموبايل بتاعي دلوتقي وبالمغناطيس بقالي سنه ونص
وولا الدموع
مفيش حاجه خالص