انا لازم انزل اتابع بنفسى
عرض للطباعة
انا لازم انزل اتابع بنفسى
البلد دي تخلي الواحد عنده 10 عيون علشان ياخد باله
الغش فى البنزين كتير وبيبان لما لوحه العدادات ينور فيها لمبه صفراء تدل على عدم اكتمال احتراق البنزين دا طبعا غير صوت الفرقعه وهزه العربيه.وانا اكتشفت بنزيمتين بتحط ميه على البنزين اولهم شل فى امتداد شارع النصر والثانيه موبي على طريق الكورنيش قبل ابراج اغاخان.
وربنا يسلمها اهم هيغلوا البنزين كمان...........
انا مرره قولتله حطلى 20 لتر وبعدين الموبايل رن دخلت اجيبه وطلعت لاقيت البيه خلص وصفر العداد قبل ماشوف هو حط كام لتر
قولتله انت لحقت .قالى تمام يابيه وانا متوقع انه ماكملش 10 لتر اساسا لان الماكنه لو كانت صاروخ مش هاتملى 20 لتر فى 4 ثوانى
المهم رجعت اشتكيته للمدير بتاع البنزينه بعد مالاقيت البنزين خلص هوا فقالى حاجه فعلا فاتت عليا وهو انى ماكنتش ادفعله ولا مليم غير لمما اشوف القرايه بعينى
لااااازم أنزل اتابع بنفسي وعيني عليه بعد ما قرأت مشاركاتكم هنا عن نفس الموضوع من سنين
انا مرة دخلت بنزينه شل اللى جنب نادى السكه وقولتله فول التانك بيشيل 42 لتر وانا على طول بدخل البنزينه والعربيه فيها 5 لتر
هتقولو ازاى بعرف انه 5 لتر انا معايا تويوتا يارس العداد بتاع البنزين عداد ديجيتال بشراط كله شرطه 5لتر ماعادا الاولى 7 لتر انا بستنى الشرطه الاخيرة تنور وتطفى بدخل امون بيبقى العربيه على طول فيها 5لتر وعن تجربه افول تاخد 37 لتر على طول فى البنزينه دى بقه اجى افول القيها بتاخد 41 لتر مع العلم الشرطه الاخيرة تكون لسه منورة مفيش 500 متر مثلا قولت اول مرة صدفه اجرب مع كل بنزينه القيها حساب معاها 37 لتر واكون ماشى كتير بالشرطه الاخيرة ادخل افول 37 او 38 بالكتير اوى الا البنزينه دى لغايه اخر مرة فول 43 لتر قولتله نديلى مدير المحطه واتخانقت قولتله العربيه التانك 42 ازاى تاخد 43 كان مصمم انها 45 لتر قولتله عربيتى ولا عربيتك اتصلك بتويوتا وعلى حسابى من موبيلى واسال على تانك اليارس كام لتر واتصل بالفعل وبعدين اعتذر ونقص من الحساب 5لتر ومشيت وقولت مش هاخش البنزينه دى تانى
معلومة هامة
الغش في الديجتال زي الغش في الانالوج
صعب شوية في الديجتل لكن مش مستحيل
الغش اساسا بيكون في ترحيل بكرة لف البنزين
بمعني
ان لما البكرة تلف لفة كاملة يكون عدت 1 ليتر
هما بيعملو انها لما تلف لفة كاملة تكون عملت 0.96 او 0.97
ال3 من ميه دول مش هاتحس بيهم
لكن بيعملو معاهم فلوس كويسة قوي
عشان كدة خليك دايما في البنزينات الكبيرة واللي على طرق سريعة بيكون عليها رقابة شديدة
البنزينات الفرعية محدش بيعبرها
وابقي بص على ختم مصلحة الموازين على الطربمة شوفوة ميعاده قريب او بيعد
ولو شكيت ادخل لمدير المحطة فورا