اضرار مطبات عين القط ؟؟؟؟

**ramyworm** · 23-05-2010 02:05 PM

المشكلة انهم عاملين منها جدبد على الكورنيش في اسكندرة عندنا وفظيعة جدا انا طول عمري بعدي عليها عادي بس الجديدة دي احساسها فظيع في العربية بحس ان العربية دخلت في زلزال وحتفكك 100 حتة والمشكلة الاكبر ان ماينفعش اهدي لان كل الناس ماشية طايرة على البحر ولما الطريق بيبقى زحمة بعدي عليه على سرعة 60 مثلا بحس ان المساعدين حتضرب والعفشة بتنهار ده حتى مراية الصالون والله بلاقيها من كتر الهزة الرؤية فيها بتختلف وتبقى عاوزة تتظبط بعد كل مطب منهم .
انا كان عندي فردتين كاوتش قدام شوية الاتنين فرقعوا في نفس الاسبوع على البحر لما حطوا المطبات الجديدة .
انا مش عارف ايه الحل بصراحة وماحدش عاوز يهدي وانا بحاول اني اهدي واخدهم ببطء من على اليمين بس ساعات مش بينفع يعني في يوتيرن عندنا قبله عاملين المطبات دي عشان الناس تهدي المشكلة انهم عاملين المطبات جامدة جدا يعني لازم تتاخد اقل من 20 وبعيدة حوالي 100 متر عن اليوتيرن يعني في المسافة دي تقريبا ببقى ماشي على 60 او 70 وعلى الشمال وبهدي عن المطب لغاية سرعة مابين 30-40 وبلاقي العربية بتنهار ومش حينفع اني اهدي اكتر من كدة والا حلاقي كل اللي ورايا في الشنطة عندي
بجد تعبت.......

**hobaz** · 23-05-2010 02:17 PM

في ناس هتقولك ده موجودة في كل الدول وعادي بس اللي عندنا ده مش عيون ده مطباط قط والمصيبة انها حادة جدا ولو الكوتش مش تمام ممكن يفرقع لاقدر الله....
يارب ارحمنا من المطبات والبلاعات والحفر وعيون القط......

**agwaa** · 23-05-2010 02:24 PM

إيه رأيكم في آخر نكتة في الموضوع دة . . .
بيقولوا إن إللي دخل عين القط والمطبات العرضية المتكررة في الشوارع والطرق المصرية بيشتغل عفشجي بعد الظهر
ههههههههههههههههههههههههه هه

**د.محمود صلاح** · 23-05-2010 05:45 PM

لازم تتاخد ببطؤ وعلى مهلك خالص وخد آخر يمينك لو ناوي على كده ,,, ده بتبهدل الكاوتش والعربية

**ramyworm** · 23-05-2010 06:33 PM

[quoteإيه رأيكم في آخر نكتة في الموضوع دة . . .
بيقولوا إن إللي دخل عين القط والمطبات العرضية المتكررة في الشوارع والطرق المصرية بيشتغل عفشجي بعد الظهر
ههههههههههههههههههههههههه هه

quote]
ههههههههههه فعلا مالهاش تفسير تاني غير كدة .

**semsem_inside** · 23-05-2010 09:10 PM

أنا آسف يا جماعة
بس ايه المقصود بمطبات عين القط
وشكرا

**human** · 23-05-2010 09:22 PM

المشاركة الأصلية كتبت بواسطة semsem_inside

أنا آسف يا جماعة
بس ايه المقصود بمطبات عين القط
وشكرا

ديه احد انجازات العصر الحديث

بعد فشل الناس التانيين فى تعليم المواطنين اداب المرور لجأوا لحل يجيب اجل العربيه و العفشه او يؤدى الى حوادث من القادم من الخلف
و هى عباره عن خوازيق صغيره الحجم عليها ماده عاكسه او بلاستك عاكس و المفروض ان هيه توضع على جوانب الطريق او على حدود الحارات و لكن تفتف الذهن المصرى العتيد عن هذا الاختراع الشيطانى و هو وضع صفوف عريضه كتيره بعرض الطريق من هذه الخوازيق القادره على تدمير اى عفشه سياره

اهم حاجه البرنامج

**omdaz_5538** · 23-05-2010 10:09 PM

إيه رأيكم في آخر نكتة في الموضوع دة . . .
بيقولوا إن إللي دخل عين القط والمطبات العرضية المتكررة في الشوارع والطرق المصرية بيشتغل عفشجي بعد الظهر
ههههههههههههههههههههههههه هه

تصدق والله التفكير ده دار فى دماغى فتره
بجد و الله عشان ما شاء الله متعرفش مدى الابداع الموجود و الدقه المتانهيه فى وضع المطبات بهدف تكسير العربيات
و الفيرسك انهم بيحولوا يعملوا المطبات من غير علمات عشان العربيه تلبسها
و كأنهم بيضحكوا بقه قصاد بعض و يمسكوا طبشيره و يعلموا قصاد بعض على خشبه هاهاااااااي واحد صفر
ترهنى العربيه اللى جايه هتلبس المطب
الاولانى هتجيب كوتش بس
التانى لالالا كوتش و تيش اسكترا تراهن اه اراهن

**Ahmed Galal** · 23-05-2010 10:14 PM

لو هاتقدر تاخدها ببطء
او تاخدها من اقصى اليمين او الشمال لانها بتكون فى الجنبين اهدى شوية من النص
و لو قفلت خالص يبقا باقصى سرعة
بس المشكلة الاكبر فى عين القط المتعددة زى اللى فى الطريق الزراعى كذا صف ورا بعض
و فى جميع الاحوال ربنا ينتقم من اللى استخدمها كمطب و لو طولته هاخليه يخلعها بسنانه لانها بتبهدل العفشة و الكوتش و العربية

الموضوع: اضرار مطبات عين القط ؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

مطبات جديدة !

القط بتاعي

القط يريد أن يأكل الجيش

مطبات

عيون القط و المطبات

الكلمات الدلالية لهذا الموضوع

المفضلات

المفضلات

ضوابط المشاركة