هو ايه اضرار مطبات عين القط على السيارة لما تاخدها بسرعة ؟؟؟
عرض للطباعة
هو ايه اضرار مطبات عين القط على السيارة لما تاخدها بسرعة ؟؟؟
اخف بكتير من ضررها لما تاخدها ببطيء
هو كده كده مش هنقدر ننكر ان ليها ضرر سواء بسرعة او ببطيء
بس وانت بسرعة ضررها بيبقي اقل بكتير
والصح الي هو اقل ضررا
ياما تاخدها بسرعة او بطيء
ضررها بيبقي علي العفشة
وعلي الكاوتش نفسه
بيتأثر عليه جامد اوي
لدرجة ان في ناس بتقول ان عين القطة دي بمثابة منشار للكاوتش
( والله اعلم طبعا )
لا حول ولا قوة الا بالله
فكرتني بعين القط الي فصلاح سالم قبل نفق يوسف عباس
حاجة تقرف
السلام عليكم
يعني هي جت على عين القط يا صديقي؟ سيبك منها كل يوم بدوس عليها وطاير عادي المهم الحفر والبلاعات والمطبات 2 متر ههههه
عين القط حتى موجوده في شوارع دبي واوروبا عادي ملهاش تأثير زي ما انت متخيل ولو ليها هانعمل ايه مضطرين, وزي ما قالو الاخوه لما تاخدها وانت مسرع افضل لان العربيه بتكون اخف, غير لو اخدتها وانت ماشي ببطئ العربيه بتكون بكل وزنها والكاوتش على العين.
تحياتي
و الله لو عليا باخدها واحدة واحدة و براحة جدا و من على اليمين و بدى انتظار كمان
______________________________
يرجى مراعاة الدقه فى كتابة لفظ الجلاله بشكل صحيح
مشرف القسم التعليمى
علي فكره هي علميا ملهاش حل غير انها تتاخد ابطا ما يكون لان في حاجه سمها الصدم (impact)
دي عكسيا مع الوقت بمعني كل مايزيد الوقت الصدم يقل جدا و العكس صحيح
يمكن احنا احساسنا و احنا بسرعه انها خفيفه بس ده علميا اظن غلط
مثال كده لو بتدق علي مسمار انك تدق دقه في بسرعه تخطفها كده اقوي 100 مره ما تضربها ببطء
او تشوط كوره نفس الكلام
والله الكلام ده اللي درسنا في ميكانيكا :ma:
عامة ربنا ياخد البتوع دول لحسن العربيه اتبهدلت منهم و احساس غبي قوي و انت بتعدي و للاسف مفيش مجال تهدي
اسوء و حده اللي في صلاح سالم بعد ما تطلع من النفق و انت رايح علي الحرس الجمهوري و عمارات العبور
عملين علي كورنيش المعادي كتير وكمان مطبات صغيرة كتير ورا بعض يعني هتموت هتموت
حاجه من الاتنين ,,يا تاخدها بسرعه فوق ال 80 مثلا يا تاخدها على الهادى اقل من 30 مثلا ونفس الكلام بالنسبه لفواصل الكبارى
احسن حاجه تتاخد براحه
المشكلة انهم عاملين منها جدبد على الكورنيش في اسكندرة عندنا وفظيعة جدا انا طول عمري بعدي عليها عادي بس الجديدة دي احساسها فظيع في العربية بحس ان العربية دخلت في زلزال وحتفكك 100 حتة والمشكلة الاكبر ان ماينفعش اهدي لان كل الناس ماشية طايرة على البحر ولما الطريق بيبقى زحمة بعدي عليه على سرعة 60 مثلا بحس ان المساعدين حتضرب والعفشة بتنهار ده حتى مراية الصالون والله بلاقيها من كتر الهزة الرؤية فيها بتختلف وتبقى عاوزة تتظبط بعد كل مطب منهم .
انا كان عندي فردتين كاوتش قدام شوية الاتنين فرقعوا في نفس الاسبوع على البحر لما حطوا المطبات الجديدة .
انا مش عارف ايه الحل بصراحة وماحدش عاوز يهدي وانا بحاول اني اهدي واخدهم ببطء من على اليمين بس ساعات مش بينفع يعني في يوتيرن عندنا قبله عاملين المطبات دي عشان الناس تهدي المشكلة انهم عاملين المطبات جامدة جدا يعني لازم تتاخد اقل من 20 وبعيدة حوالي 100 متر عن اليوتيرن يعني في المسافة دي تقريبا ببقى ماشي على 60 او 70 وعلى الشمال وبهدي عن المطب لغاية سرعة مابين 30-40 وبلاقي العربية بتنهار ومش حينفع اني اهدي اكتر من كدة والا حلاقي كل اللي ورايا في الشنطة عندي
بجد تعبت.......
في ناس هتقولك ده موجودة في كل الدول وعادي بس اللي عندنا ده مش عيون ده مطباط قط والمصيبة انها حادة جدا ولو الكوتش مش تمام ممكن يفرقع لاقدر الله....
يارب ارحمنا من المطبات والبلاعات والحفر وعيون القط......
إيه رأيكم في آخر نكتة في الموضوع دة . . .
بيقولوا إن إللي دخل عين القط والمطبات العرضية المتكررة في الشوارع والطرق المصرية بيشتغل عفشجي بعد الظهر
ههههههههههههههههههههههههه هه
لازم تتاخد ببطؤ وعلى مهلك خالص وخد آخر يمينك لو ناوي على كده ,,, ده بتبهدل الكاوتش والعربية
يا سلام على صفوف عين القط اللى عند مطبات المحور.... لوووووز..... بتخشتق العربية خشتقة جامدة جدا..... و كل شوية يزودوها..... ربنا يرحمنا
[quoteإيه رأيكم في آخر نكتة في الموضوع دة . . .
بيقولوا إن إللي دخل عين القط والمطبات العرضية المتكررة في الشوارع والطرق المصرية بيشتغل عفشجي بعد الظهر
ههههههههههههههههههههههههه هه
quote]
ههههههههههه فعلا مالهاش تفسير تاني غير كدة .
أنا آسف يا جماعة
بس ايه المقصود بمطبات عين القط
وشكرا
ديه احد انجازات العصر الحديث
بعد فشل الناس التانيين فى تعليم المواطنين اداب المرور لجأوا لحل يجيب اجل العربيه و العفشه او يؤدى الى حوادث من القادم من الخلف
و هى عباره عن خوازيق صغيره الحجم عليها ماده عاكسه او بلاستك عاكس و المفروض ان هيه توضع على جوانب الطريق او على حدود الحارات و لكن تفتف الذهن المصرى العتيد عن هذا الاختراع الشيطانى و هو وضع صفوف عريضه كتيره بعرض الطريق من هذه الخوازيق القادره على تدمير اى عفشه سياره
اهم حاجه البرنامج
تصدق والله التفكير ده دار فى دماغى فترهاقتباس:
إيه رأيكم في آخر نكتة في الموضوع دة . . .
بيقولوا إن إللي دخل عين القط والمطبات العرضية المتكررة في الشوارع والطرق المصرية بيشتغل عفشجي بعد الظهر
ههههههههههههههههههههههههه هه
بجد و الله عشان ما شاء الله متعرفش مدى الابداع الموجود و الدقه المتانهيه فى وضع المطبات بهدف تكسير العربيات
و الفيرسك انهم بيحولوا يعملوا المطبات من غير علمات عشان العربيه تلبسها
و كأنهم بيضحكوا بقه قصاد بعض و يمسكوا طبشيره و يعلموا قصاد بعض على خشبه هاهاااااااي واحد صفر
ترهنى العربيه اللى جايه هتلبس المطب
الاولانى هتجيب كوتش بس
التانى لالالا كوتش و تيش اسكترا تراهن اه اراهن
لو هاتقدر تاخدها ببطء
او تاخدها من اقصى اليمين او الشمال لانها بتكون فى الجنبين اهدى شوية من النص
و لو قفلت خالص يبقا باقصى سرعة
بس المشكلة الاكبر فى عين القط المتعددة زى اللى فى الطريق الزراعى كذا صف ورا بعض
و فى جميع الاحوال ربنا ينتقم من اللى استخدمها كمطب و لو طولته هاخليه يخلعها بسنانه لانها بتبهدل العفشة و الكوتش و العربية
ههههاقتباس:
او تاخدها من اقصى اليمين او الشمال لانها بتكون فى الجنبين اهدى شوية من النص
و لو قفلت خالص يبقا باقصى سرعة
بعد اذنك يا باشا انا كنت بعمل كده برضه
على اساس ان الترابه بتبقى مقربه المسافه وكده
بس اكتشفت ان النص احسن حاجه
عشان 98 % بيخدوها من النص و النقل والاتوبيس بياخدوها برضه من النص و الاسفلت بيبقى سخن فبتغرز
بس الحكومه ناصحه بتشيله تانى و تركب جديد
كلها محاولات للهروب من افخاخ الطريق بس حاليا فى صلاح سالم هاتلاقى اللى فى الجوانب اهدى من النص و كمان حولين القصر الجمهورى بالقبة و عند الخليفة المامون كل دول يمين و شمال هاديين و ياريت نعمل هنا خريطة للحتت اللى عين القط هبطت فيها فى النص او اقصى الناحييتين و الواحد يمشى عليها هههههههههههه