انا سمعت افتكاسات كتير و قليل
جه فى دماغى اسمع الأفتكاسات اللى سمعتوها و مدى اقتناعكم بيها
و ياريت تبقى على شكل سؤال و جواب
يعنى
لو حصل معاك كذا يبقى الحل ايه او تعمل ايه
عرض للطباعة
انا سمعت افتكاسات كتير و قليل
جه فى دماغى اسمع الأفتكاسات اللى سمعتوها و مدى اقتناعكم بيها
و ياريت تبقى على شكل سؤال و جواب
يعنى
لو حصل معاك كذا يبقى الحل ايه او تعمل ايه
حصلت مع صاحبي معاه ١٢٨ و الامبير بتاع السرعه واقف علي ٢٠ مش صفر رحت معاه للكهربائي
سؤال : صباح الفل ياسطي العداد واقف علي ٢٠ و العربيه واقفه عايزين نعمله بس فس الانجاز
(يرد الكهربائي بكل سخريه )
العربيه دب ١٢٨ ايطالي مممم يا باشا هي الفابريكه بتاعها كده الخواجه منزلها كده
طبعا انا قلتله سلام عليكم بيقولي رايح فين قولتلوا رايح اطلع ...... الخواجه الي عملها كده
هما 3 مواقف مش هنساهم
أولهم العربيه كانت واقفه بقالها إسبوع وكنت بجيبلها كل يوم الميكانيكي يجي يبص عليها شويه ,,,
قالي في الأول دي رشاش إنجكشن بايظ ,,,روحت فكيت من ناس قرايبنا رشاش لوحده وبكده بوظت وش المكنه للناس
ركب الرشاش وتمام العربيه نفس العيب ,,,قالي دي كونترول
روحت جبت 14 كونترول (ماشي بشنطه بحوالي 4 الاف جنيه ) من قرايبنا ولا واحد منهم دور العربيه
قالي روح هات 14غيرهم ههههههههههههههههههه وقالي هاتلك اسبراتير بالمره
وبعدين بالصدفه البحته لقيت سلك تخين طرفه دايب وعليه ملح بطاريه
بقوله ده سلك ايه ده ,,,قالي إستني كده ,,,قام مشعر السلك ووصله بالبطاريه ,,,كل حاجه إشتغلت بعدها ,,,طلمبه البنزين رشاش الإنجكشن وكل حاجه ,,,,والعربيه دارت وبعدين ال 14 كونترول كلهم اشتغلو ومنهم الأصلي
قالي ده سلك موصل بكل حساسات العربيه
بكره أكمل المواقف عشان محدش يزهق
ههههههههههههههههههههههههه هههه
مش عارف ابدا منين و لا منين
لان العربية بتاعتى فى سنين صرفت 14000 جنية
و الغريب ان اخرها اصلا لو حد بيفهم ممكن بالكتير يكون 6000 جنية
اول افتكاسة :
رحت شحنت التكيف من سنة و نص كدة و بعدين الراجل كشف على الدورة و طلعت مسربة و غير الورد الجلد اللى فى المواسير " وردتين ب 40 جنية " و تغيير حساس الضغوط ب 190 و تمن الشحن 120 جنية
بعدها بشهر لقيت التكيف وحش فرحتلة
قالى التكيف ناقص فريون
فبقالة طب ازاى انا لسة شاحنة من شهر
قالى اصلك مش بتشغلة
قلتلة انا كنت مسافر اسبوع بس و باقى الفترة انا بشغلة
قالى يبقى الاسبوع دة من عدم تشغيلة الفريون اتسرب من التكييف
تانى افتكاسة :
اول ما اشتريت العربية لقيت فيها رزعة جامدة فى المرسدير - المهم قالت للبايع يالا بينا على ميكانيكى محترم نسالة على الرزعة - و فعلا رحنا و سالناه و الراجل مشكورا رد علينا و قال دة من عزم الفتيس الاتوماتيك اول ما بيجيب مرشدير يعمل كدة و دة كويس
و فى الاخر اكتشفت انها عيب كبالن داخلية
الافتكاسة التالتة :
العربية كنت عامل طقم سرفيس و مغير كل السيور " العمومى و الكتينة " و بعد كدة العربية كانت مش مظبوطة و رحت للراجل تانى راجعنا على التقسيمة و طلع كله تمام - امال اية سبب النفضة دى اللى على السلانسية
رحت لحمار تانى قالى دى نضافة رشاشات و فعلا نضفناهم الترا سونيك ب 150 جنية و تغيير طقم اسلاك البوجيهات ب 250 جنية و تغير الجلدة اللى واصلة من الماف الى بوابة الانجكشن ب 140 جنية
و فى الاخر العربية زى ما هى و بعد ما رحت عند حمار تالت قالى الخرطومين دول راكبين غلط و بدل اماكنهم و العربية اتظبطت بعد كل المصاريف دى
الافتكاسة الرابعة :
العربية بتاكل بنزين بغبا
رحت لواحد قالى حساس كولانت و غيرناة و طلع نفس الحكاية
واحد تانى غير البوجيهات و برضوا نفس الحكاية
واحد تالت قالى فلتر و غيرناه و نفس الحكاية
و واحد رابع و قالى حساس الكولانت اللى جايبة بايظ و غيرة تانى ب 100 جنية استيراد
بعدها العربية يومين و بطلت تدور خالص
رحت للخامس و من هنا و من هنا طلعت فى الاخر سلك البوبينة و غيرتة بحتة سلك استيراد ب 30 جنية و العربية زى الفل
ههههههههههههههههههههههههه هههههههههههههه
كفاية كدة علشان انا تعب من كتر الافتكاسات و من كتر الكتابة
و كل اللى اتكتب دة عبارة عن 1/10 من اللى حصل معايا فعلا من ولاد ....................................... المكانيكية فى اسيوط
ايوه كده عايزين افتكاسات اكتر
و فين الباقى عايز اكتر
و هاعيد الأفتكاسه دى لغاية ما حد يوصل لحل
لو خرطوم الفرامل هرب زيت و قدرت تحكمه و واقف فى و سط الصحرا تعوض زيت الفرامل بايه ( مش عايز ذكاء معكش زيت تانى فى الشنطه و السكه مقطوعه و اعتمادك على مواردك الذاتية ) ؟؟؟؟؟؟؟؟؟؟؟؟؟؟؟؟؟؟؟؟؟
يا دكتور عايز صور الخرطومين دول عشان مجيش اخف العربية و امشى
صورتهم او مكانهم و واصلين بايه
طيب يا طنانى ما إنت قدرت تحكمه هتعوز تعمل إيه تانى
يعنى توصل لحتة فيها بشر وتغير خرطوم عشان تبقى فى السليم وميعملهاش معاك تانى
]ده حل منطقى
عايز حل افتكاسه عالم الصنايعية الحشاشين
و العربية الزيت اللى فيها نزل من الفرامل هتمشى بيها ازاى بقى
مرة كنت فى الحرفيين وكنت بسأل على مرايات ضم للفيكترا
راح الراجل مطلع لى مرايات تيجرا فأنا بقولو دول مش بتوع فيكترا قالى لا بتوع فيكترا (اللى يحرق الدم إن هوا معاه فيكترا ومش عارف شكل مرايتها)
المهم أقوله يا عم دى بتاعت تيجرا راح قالى إنت هتعرف أكتر منى يا عم دى شغلتى قولتله طب فين باقية المرايا قالى يعنى إيه
قولتله مرايا الفيكترا حتتين واحدة صغيرة (اللى مع الكبوت) وواحدة كبيرة (اللى فيها المرايا)
قالى لا دى مش محتاجة الحتة الصغيرة طبعا أنا ماسك نفسى من الضحك بيقولى هه إيه رأيك تأخدها قلتله لا مش عايز
قالى يا باشا مش هتلاقى زيها قلتله معلش أصل مش معايا فلوس دلوقتى المهم قالى إنت شكلك مش مقتنع قلتله مش شكلى لا أنا بالفعل مش مقتنع قالى طب تعالى نجربها على العربية عندك لو طلعت نفس الشكل يبقى إيه الحل (قلتله هديك أد تمنهم مرتين ) وكلمت كلامى وقلتله طب ولو مش نفس الشكل قالى يبقى أنا مش بفهم حاجة المهم خدته ورحت عند العربية بقولو إيه رأيك قالى عندك حق هه إقتنعت قالى يس ممكن تعديل وتركب وتبقى زى الفل (رحت سايبه وماشى)
وقبليها عايز يبيع لى تابلوة عدادت 260 يمين ومش مقتنع إنه مش هيركب عندى بقوله هيركب إزاى يقولى زى الناس اقولو دة يمين يقولى يا بيه مش هتفرق فى العدادات إذا كانت يمين أو شمال اللى يفرق علبة الدركسيون بس
(بقيت أقول فى بالى موافقين حمار وعامل فيها مستر أوبل ذات نفسه)ومرضيتش أخد من عنده أى حاجة
طبعا دة ميجيش حاجة من الى بشوفه من الميكانيكيه
ههههههههههههه لو حد من الصنايعية الحشاشين
ممكن يقولك ياباشا العربية بتمشى بالبنزين مش بالفرامل