فاكرين حكاية العربية التويوتا كورولا 1996 !!!!
السلام عليكم
انا قبلت كدة كنت قالتلك على عربية كورولا 1996 " الملكة " لونها فيرانى عاملة 196000 كم و صاحبها هيبعها
المهم هو مدير منطقة بشركة ادوية باسيوط
و العربية بيتى جدا يعنى فى اليوم بالكتير بتعمل 20 كم
الشركة بتاعته طلبت منة لازم يكون معاه عربية مش اقل من 2008 . اوك ففكر يشد العربية بتاعته علشان يبعها و يشترى عربية 2008 او 2009 او 2010
المهم قابلتة النهاردة و هو عند السمكرى
طبعا السمكرى دة فنان فوق ما تتخيلوا
راح مطلع الرفرفين و دقهم على ايدو - و الله العظيم السوكة بتاعة الرفرف كانه جاي من اليابان و وش العربية اتلم و بقيت تحفة
نفس الكلام مع الكبود
و نقى كل اللى فى العربية من سمكرة و عملة
اللى فقع مرارتى بقا
ان الدكتور زميلى دة راح القاهرة يوم الخميس اللى فات علشان عنده اجتماع و بالمرة اشترى شوية حاجات للعربية من التوفيقية
شوية اسعار - انا اتعقدت منها
الشبكة بـ 30 جنية تايوانى و زى الفل و مظبوطة على وش العربية
الفانوس الورانى يمين بـ 100 جنية و اول ما شفته فعلا فى غاية من الجمال و برضوا مظبوط فى مكانة
العربية هتطلع بسم الله ما شاء الله
و الراجل بيقول كلمة حلوة
انة يضمن العربية 3 سنين من العيوب التالية " البطارية - الكاوتش - الموتور - التكييف "
و بيقول لو المشترى عايز الكلام دة يتكتب فى العقد هو موافق
بصراحة العربية زغللة فى عينى
بس اعمل اية - الكلبة اللى معايا مصيرى و صارف عليها اد كدة
و استحالة اصرف عليها لحد ما بقيت كويسة و فى الاخر ابيعها و ابقى صرفت للمشترى اللى هيشترى منى
على العموم برضوا نفس الكلام
اللى لية رغبة فى العربية ممكن يكلمنى على الخاص و انا اديلة نمرة الراجل
و ابقى وفقت راسين فى الحلال
و سلام يا رجالة
