ايه الى بيتم بعد تغير البطارية فى الميجان 2 لضبط كود الكاسيت و زجا الابواب؟؟

**hamata** · 24-05-2010 02:17 AM

المشاركة الأصلية كتبت بواسطة elsarrawy

أنا غيرتها بره التوكيل عادي جداً وبتبيع القديمة كمان للي بتشتري منه البطاريه الجديدة وبتفاصل كمان اهم حاجه تكون نفس الامبير على ما اتذكر 70 امبير وتكان نفس الحجم علشان تركب في نفس المكان بالظبط لان في حديدة بمسمار بتقفل عليها علشان ماتتحركش من مكانها اثناء سير العربية، وبعد التغير تعمل اللي في المشاركات اللي في الموضوع ده وغالباً الكهربائي اللي هاتركب عنده البطارية بيبقى عارفعها انت بس هادخل كود الكاسيت زي ما في الكتالوج وبالتوفيق

الف شكر يا باشا على اهتمامك

**chato_eg** · 24-05-2010 09:45 PM

أنا غيرت البطارية بره التوكيل...مافيش مشاكل خالص
كانت فارتا جافة ب 600 جنيه

**ecybrarian** · 25-05-2010 12:19 PM

المشاركة الأصلية كتبت بواسطة ahmed a.maksoud

لتفعيل ال one touch فى النوافذ بعد تغيير البطارية

تنزل الزجاج لحد الأخر......هينزل بطريقة متقطعة...تفضل دايس على الزرار حتى بعد النزول للأخر لمدة حوالى 10 ثوانى
و بعد كده تعمل نفس القصة بس بتطلع الزجاج للأخر و برضه هيطلع بطريقة متقطعة....و تفضل دايس بعد لما يوصل للأخر لمدة 10 ثوانى و بعد كده تجرب.

أدخال كود الكاسيت هتلاقيه موجود فى المانيوال بتاع الكاسيت

أخفاء الرسالة زى ما قال العضو elsarrawy

ايه يا عم ابو حميد كل دا؟؟؟!!! والزجاج مقفول على الآخر، اضغط (تكة) لفوق كمان..بس خلاص.. جبت الدودج ولا لسه :-)))

**Ahmed Selim** · 25-05-2010 03:43 PM

المشاركة الأصلية كتبت بواسطة ecybrarian

ايه يا عم ابو حميد كل دا؟؟؟!!! والزجاج مقفول على الآخر، اضغط (تكة) لفوق كمان..بس خلاص.. جبت الدودج ولا لسه :-)))

من غير ما تنزله لتحت كمان و لا قصدك تكة لفوق و بعد كده ينزله لتحت ؟؟؟؟

الدودج دى كانت أقتراح محمد مصطفى......بس غالباً هترسى على نيسان باثفايندر أو فورد أكسبلورر

ده أنا متراقب بقى و مش واخد بالى :)