ايه الى بيتم بعد تغير البطارية فى الميجان 2 لضبط كود الكاسيت و زجاج الابواب؟؟
وكمان سؤال تانى فيه علامة مفتاح فى العدادات دى معناها ايه وتروح ازاى ؟؟
وكمان ايه الى بيتعمل عشان كلمة change oil تروح بعد تغير الزيت؟؟
معلش كترت الاسئلة
ايه الى بيتم بعد تغير البطارية فى الميجان 2 لضبط كود الكاسيت و زجاج الابواب؟؟
وكمان سؤال تانى فيه علامة مفتاح فى العدادات دى معناها ايه وتروح ازاى ؟؟
وكمان ايه الى بيتعمل عشان كلمة change oil تروح بعد تغير الزيت؟؟
معلش كترت الاسئلة
هو إدخال الكود و تفعيل ال One-Touch Function للزجاج..مافيش حاجة تانية
علامة المفتاح مرتبطة بمواعيد الصيانة كل 20 ألف كيلو
فى طريقة لعمل Reset لل Trip Computer لتصفير بعض البيانات زى المسافات و متوسط السرعة و استهلاك البنزين
لكن علشان تعمل Reset للرسائل الخاصة بالصيانة زى علامة المفتاح و رسالة Change Oil دى أعتقد بتتعمل عند وضع السيارة على ال scanner مش عن طريق الضغط على مفاتيح و أزرار داخل السيارة
لذلك التوكيل و مراكز الخدمة هما إللى بيعرفوا يعملوا ال Resetting ده
بالنسبة لموضوع البطارية حضرتك ممكن تغير البطارية والسيارة دايرة وبالتالي مش هاتحتاج إعادة ادخال كود الكاسيت ولا تعيد شحن مواتير رفع الزجاج.
أما بالنسبة لموضوع رسالة Change oil فبتضفل دايس على زرار reset لمدة تقريباً 15 ثانية ودا عند وجود رسالة change oil على شاشة المعلومات اللي في بين العدادات
وأنا جربت الموضوعين قبل كده بسهولة جداً وبدون أي مشاكل لا في البطارية ولا في الreset
وبالتوفيق
لتفعيل ال one touch فى النوافذ بعد تغيير البطارية
تنزل الزجاج لحد الأخر......هينزل بطريقة متقطعة...تفضل دايس على الزرار حتى بعد النزول للأخر لمدة حوالى 10 ثوانى
و بعد كده تعمل نفس القصة بس بتطلع الزجاج للأخر و برضه هيطلع بطريقة متقطعة....و تفضل دايس بعد لما يوصل للأخر لمدة 10 ثوانى و بعد كده تجرب.
أدخال كود الكاسيت هتلاقيه موجود فى المانيوال بتاع الكاسيت
أخفاء الرسالة زى ما قال العضو Elsarrawy
انا اللي بشكرك على احترامك وذوقك
علامة المفتاح بتروح مع علامة ريسيت الزيت لو ظهرت لسبب قرب تغيير الزيت لكن لو ظهرت لسبب تاني بتروح عن معالجة مشكلة هذا السبب وماتقلقش خالص الناس هنا في المنتدى ماخلوش حاجه في الميجان ولا مشكله غير لما تكلموا عنها بالتفصيل وطريقة حلها وعند مين كمان اطمن واستمتع بعربيتك
شكرا جزيلا
سؤال صغير يا رجالة عشان انا المرة اللى فاتت غيرت البطارية فى التوكيل عشان الضمان ميضعش .... هو ممكن اى حد بتاع بطاريات يغيرلى البطارية و لاممكن يبوظ السيستم او السوفت وير ؟؟؟
محتاج كتالوج ميجان 2 بشرط يكون عربى
ولكم جزيل الشكر
أنا غيرتها بره التوكيل عادي جداً وبتبيع القديمة كمان للي بتشتري منه البطاريه الجديدة وبتفاصل كمان اهم حاجه تكون نفس الامبير على ما اتذكر 70 امبير وتكان نفس الحجم علشان تركب في نفس المكان بالظبط لان في حديدة بمسمار بتقفل عليها علشان ماتتحركش من مكانها اثناء سير العربية، وبعد التغير تعمل اللي في المشاركات اللي في الموضوع ده وغالباً الكهربائي اللي هاتركب عنده البطارية بيبقى عارفعها انت بس هادخل كود الكاسيت زي ما في الكتالوج وبالتوفيق