الموضوع: إزاي ممكن تحوش صح

المشاركة الأصلية كتبت بواسطة tifana2010

بأمانة ونصيحة من أخت أكبر منك لو عايز تحوش صح



1 - حدد لنفسك اهداف عايز تحققها علشان تشجعك على التحويش زى مثلاً

• انك عايز تعمل مشروع ما
• انك عايز تتجوز ولازم تحوش مصاريف الجواز
• انك عايز تشترى شقة أو عربية أو كمبيوتر أو.................الخ

2 - احسب احتياجاتك ومصاريفك الاساسية اللى ما تقدرش تستغنى عنها واعمل حسابها من مصروفك اذا كنت طالب او مرتبك اذا كنت موظف

3 - الاقتصاد ...يعنى شوف الحاجات اللى انت ممكن تأجلها أو تستغنى عنها زى ايه... لو مثلا بتخرج كل يوم تتفسح و تصرف مبلغ وقدرة خلى الفسحة يومين فى الاسبوع وهكذا ..........يعنى فى اولويات اهم ولو مؤقتا



4 - حدد الطريقة المناسبه لك عشان تحوش :

• افتح دفتر توفير مثلا و ضع فيه مبلغ ولو قليل كل شهر لو تقدر تلتزم بكده
• لو صعب عليك انك تلتزم فى التحويش و بتصرف كل اللى معاك عليك وعلى الجمعيات
• ممكن تبدا تشترى حاجة بالتقسيط وتدفع المبلغ الصغير اللى معاك كمقدم (و دى طريقة انا شخصيا ما بحبهاش بس للضرورة احكام) حتى لو كان القسط حيضاعف ثمن الحاجة

5 - خليك فاكر دايما ( وما نيل المطالب بالتمنى ولكن تأخذ الدنيا غلابة)

معلش طولت عليك
ربنا يوفقك و يكرمك ان شاء الله

أنا مع الرأي ده وفعلا جزاك الله الف خير....

نسيت أقولك حاجة مهمة جداً
الصدقة بتطهر الرزق و تباركه تزوده بطريقة لا توصف وعن تجربة مهما كانت صغيرة
(مثلا 2.5% زى الزكاة عن اى دخل يجيلك (يعنى ربع جنية عن 10جنية مثلا))
بس المهم الالتزام " احب العبادات لله ادومها وان قلت"

انا الحمد الله بعرف اصرف بس

فعلا الحل الجمعيات
علشان تلتزم بدفعها

+1111111111111

انا بقالى 4 سنين متجوز ومش عارف احوش , مفيش فلوس لو حصل اى حاج لقدر الله كل الفلوس رايحه .. فى ايه الله اعلم

بس الواحد مضبط نفسه ان المرتب يخلص وخلاص

بس دا انا مطلعتش لوحدى بقى احسن مراتى بتقولى كل الناس ناصحه الا احنا بنصرف وخلاص , اقولها هو احنا هانعيش كام مره :)

والله ثبت علميا ان الجمعيات افضل وعاء ادخارى
تخيل لو انت عايز مبلغ معين لشراء شئ ياما تستعجل وتشتريه قسط وتدفع تنمه مرتين او انك تدخل جمعية بنفس القيمة وتشترى الحاجة بتمنها الاصلى
لكن لو تقصد التحويش لمدى بعيد انصحك عن تجربة انك تفتح دفتر توفير وصدقنى هاتفكر الف مرة قبل ماتسحب منه مليم وهاتحس بسعادة رهيبة كل مرة تروح تزود رصيدك
وربنا يوفقك

المشاركة الأصلية كتبت بواسطة dolly13

والله ثبت علميا ان الجمعيات افضل وعاء ادخارى
تخيل لو انت عايز مبلغ معين لشراء شئ ياما تستعجل وتشتريه قسط وتدفع تنمه مرتين او انك تدخل جمعية بنفس القيمة وتشترى الحاجة بتمنها الاصلى
لكن لو تقصد التحويش لمدى بعيد انصحك عن تجربة انك تفتح دفتر توفير وصدقنى هاتفكر الف مرة قبل ماتسحب منه مليم وهاتحس بسعادة رهيبة كل مرة تروح تزود رصيدك
وربنا يوفقك

هو دفتر التوفير ده بتاع البريد .... بتاع زمان ده .... بس اكيد اجراءات حكوميه وقرف لما اعمل ايداع او سحب

الكلام النظري زي الفل
ولكن لو جيت للتطبيق العملي فربنا يقدرك ويثبتك
ولو تحب اقرى الاقتباس ده للرائع الأستاذ رؤوف شبايك في عرضه لكتاب اسمه "أغنى رجل في بابل" لمؤلف أمريكي اسمه جورج صامويل كلاسون:

سبع وسائل لتتحول من مدين إلى دائن
نشر جورج صامويل كلاسون كتابه “أغنى رجل في بابل” في عام 1926 م وروى فيه حكايات على لسان مجموعة من الشخصيات العامة (أو ما نسميهم بلغة اليوم خبراء اقتصاديين) عاشت في مدينة بابل، والتي تعتبر (بابل) أغنى حضارة قديمة في تاريخ العالم. قبل نشر الكتاب كان جورج يكتب مقالات قصيرة عن طرق النجاح وينشرها في وريقات صغيرة يتناقلها الناس، حتى جمع أشهر هذه الوريقات ووضعها في كتابه هذا. أُعيد نشر هذا الكتب في عام 2002، وحمل على غلافه جملة تقول أن مبيعات الكتاب فاقت مليوني نسخة.

يدعي الكتاب – والعهدة عليه- أنه عند التنقيب في الصحراء العربية، عثر المنقبون والباحثون على ألواح حملت كتابات باللغة التي كان أهل بابل يتحدثون بها، تلك الألواح كانت بمثابة مذكرات كتبها رجل أسرف في الديون، ثم فكر كيف يخرج من مأزقه المالي هذا، وهو خرج بسبع قواعد سار عليها واستمر حتى توقف عن الكتابة بعدما سدد ديونه وربحت تجارته وتمول وتأثل (=استحكمت تجارته وربحت).

هذا الكتاب موجه بالأكثر لفئة المنفقين لإجمالي دخلهم – الغارقين في الديون، ولا يعرفون من أين يبدؤون للخروج من دائرة الديون والتحول منها إلى الادخار.

الوصفة البابلية للخروج من الأزمات المالية:

1- ابدأ تكوين محفظة مالية لتنميها

مقابل كل 10 دراهم/ريالات/دنانير/قروش/عملات تحصل عليها من دخلك، لا تنفق منها إلا تسعاً، وبهذا تدخر العُشر ويصبح لديك محفظة مالية توجهها للاستثمار. وجود هذه المحفظة الاستثمارية لديك سيجعلك تشعر بالرضا النفسي الداخلي.

2- تحكم في مصروفاتك وفق المعادلة التالية:

10% تذهب للادخار، 20% لسداد الديون، 70% لحاجات الحياة لك ولأسرتك ولأولادك. وما أن تسدد جميع ديونك، حتى ترفع السبعين إلى تسعين بالمائة. أما إذا أمكنك ادخار أكثر من 10% فبها ونِعم، ولكن لا تقل بأي حال من الأحوال عن 10%.

3- اجعل المال يتضاعف

اجعل كل درهم مدخر عندك يعمل من أجلك ويدر لك العوائد والأرباح، من خلال استثماره في مصارف استثمارية محدودة المخاطر. تذكر أن غنى المرء ليس فيما لديه من مال، بل في مصادر الدخل التي لديه، وصنعه لها.

4- احم مالك من الخسائر

حماية المال تأتي من استثماره في مصارف مأمونة المخاطر، محمية من شرور العواقب، يمكن استرداد المال المستثمر فيها وقت الحاجة لذلك. استثمر فقط في النواحي التي لك بعض الإلمام بها، ولذا استشر الرجال الثقات، وحكماء العلماء، وناجحين المستثمرين، ودع حكمتهم وخبرتهم تقيك الخسائر.

5- استثمر الاستثمار الأمثل

اشتر منزلك ومسكنك واتركه لأبنائك. اشتر بيتك وأرضك. استثمر في الأرض (الأصل الثابت الوحيد الذي لا ينخفض سعره مع استهلاكه ومرور الزمن عليه). تذكر أنه لا ملكية لمستأجر!

6- احرص على مصدر دخل لمستقبلك وهِرمك وكبر سنك

اقتطع جزءاً من أرباحك ليوم تعجز فيه لكبر سنك عن العمل، وليوم تمرض فيه فتنقطع عن العمل، ولتضمن حياة كريمة لأهلك من بعدك. نعم، لا يمكن أن نأمن غدر الأيام، لكن يمكننا تقليل الآثار السلبية لهذه الأيام الغادرة.

7- زد من قدرتك على التكسب والتمول

نمِ معلوماتك وتدرب وتعلم، زد من حكمتك وخبرتك واستخدمها لزيادة مصادر دخلك. كن خبيراً حكيماً حاذقاً ضليعاً عليماً. لا تقلل من قيمة تحويل هوايتك أو مهارتك إلى مصدر دخل إضافي لك.

أمامك الآن عدة اختيارات:

عدم التصديق، أو قبول الأمر دون يقين، أو تجربة الوصفة البابلية ولعلها تفلح فيما فشلت فيه الوصفات الاقتصادية. لكنك حتماً ملزم بترك مشاركتك معبراً فيها عن رأيك، لمساعدتي على انتقاء الكتب التي سألخصها لك في المستقبل. أنت ما تختاره!

التطبيق العملي الذي أنصح به الايجابيين منكم:

انسخ هذه النصائح السبعة لبرنامج تحرير النصوص الخاص بك، زينها، احفظها، اطبعها، أرسلها لمن تهتم لأمرهم، فلربما صادفت هذه النصائح من يستفيد منها!