مشكلة بماكينة الجين 2 ، أرجو المساعدة ؛

**privilege** · 23-05-2010 06:06 AM

إخوانى بالمنتدى
السلام عليكم ورحمه الله وبركاته ،،،
أنا عندي مشكلة بماكينة الجين 2 موديل 2007
السيارة عاملة حوالي 83000 كيلو متر
(( كانت مشكلتى إنها بتاكل بنزين كثير ولم أجد لها حلا فعلا حقيقيا ، بس إتعودت ))
لكن إن الماكينة تاكل زيت ده فعلا كده حاجة تزعل
أنا كان لى موضوع سابق اسمه ( حكايتى مع بروتون جين 2 )
وكنت كتبت عن مشكلة الزيت وإنه إكتشفت حل لها ..... بس طلع حل مؤقت ولم يستمر

أرجو من السادة إل عندهم فكرة أو خبرة عن مشكلتى يفيدنى بحل لهذا الأمر

لأنه كل الناس إل إتكلمت معاهم عن هذة المشكلة كان حلهم إني أغير الماكينة بالكامل
أو إن أنا بالبلدي (( أعمر الماكينة )

وإذا كانت السيارات الجديدة بنعمر ليها ماكينة يبأى حال السيارات القديمة إيه ؟

طبعا الماكينة عبارة عن ماكينة ميتسوبيشى لانسر ماعدا الكارتيرة
وماكينة البروتون إستيراد تعمل 7000 جنية من الحرفيين .... وطبعا على التجربة

ولا أعرف بالتوكيل تعمل كام لأني لم أسأل بعد .

ـــــــــــــــــــــــــ ـــــــــــــــــــــــــ ـــــــ
أسعار بعض قطع الغيار

بالحرفيين جديد
فانوس الشبورة : 250 جنيه
فلتر هواء : 100 جنيه
مقص شمال : 600 جنيه

بالحرفيين استيراد
فانوس شبورة بالخوص : 550 جنيه
فلتر تكييف : 50 جنيه

ـــــــــــــــــــــــــ ـــــــــــــــــــــــــ ــــــ
وشكراً

**Ayman_52** · 23-05-2010 06:35 AM

طب حضرتك روحت التوكيل ؟؟؟

وهل حضرتك عامل صيانات العربيه فى التوكيل ؟؟؟

**khpopo** · 23-05-2010 10:23 AM

المشاركة الأصلية كتبت بواسطة ayman_52

طب حضرتك روحت التوكيل ؟؟؟

وهل حضرتك عامل صيانات العربيه فى التوكيل ؟؟؟

+111
لان ممكن يكون لى حق فى الضمان مع الوكيل

شكرااا للاسعار

ربنا يوفق

**أبومعاذ** · 24-05-2010 03:43 PM

ياريت حضرتك تقولي فلتر التكييف الاقيه فين بالسعر ده

**hobaz** · 26-05-2010 11:14 PM

ممكن يكون في تسريب من احد الخراطيم لأسفل السيارة خاصة انها مش متصفحة من تحت..........
لو بتاكل زيت كان لازم يكون في دخان ده اللي اعرفه والله اعلم.........
عالعموم متابع معاك....

**ramyar** · 27-05-2010 01:28 AM

يا ريت حضرتك تروح اي بنزينه كبيره او مركز خدمه وتخليهم يقيسوا كبس الموتور كمان لو في اي تاكل في الشنابر او الاويل سيلات بتاعت الصبابات ودول الي ممكن يكونوا السبب في نقص الزيت بيصاحب معاهم دخانه زرقاء مائله للابيض من الشكمان

**Mohamed.Kader** · 27-05-2010 02:12 PM

السلام عليكم
أنا كنت متابع مواضيعك من فترة من ساعة موضوع قطع الغيار لأن بلدياتك بس عايش فالقاهرة المهم لو العملية محتاجة تظبيط بساتم وشمايز وكلام من دا أنا سمعت عن مركز في أكتوبر بجهاز يتوصل على بيوت البساتم بيعمل ملئ للأماكن التالفة المهم هحاول أوصلك لرقم المركز دا بس أديني شوية وقت
الفكرة بتاعت الموضوع دا هيا
في مادة أسمها سيرمايزر(أن بصراحة مش عارف أية معنا الكلمة) بس المهم أن أنها مادة ألمانية سائلة بيحطوا زيت جديد تماما فالمتور ويضيف المادة اللي قولت عليها ويخلي الماتور داير نصف يوم و بعدها يبطل ويغير الويت بزيت تاني جديد
التفاصيل هي أن المادة دي لما بتضاف على الزيت مع الحرارة وتشغيل الماتور تتقوم بملئ الفراغات اللي تأكلت من بيت البستم وعلى حد كلامهم أن العنلية دي جيدة لدرجة أنهم بيقولوا أن ممكن العربية اللي تخوظ العملية دي ممكن تمشي 60 ألف كم من غير نقطة زيت زيادة تأكيد لجودة العملية وهحاول أجبلكوا تفاصيل أكتر عن الموضوع

**hobaz** · 27-05-2010 02:39 PM

مستني التفاصيل ياباشا.......

**privilege** · 29-05-2010 10:31 PM

أشكركم يا جماعة على مروركم الكريم ومحاولاتكم فى إفادتى

ومستنى يا بلدياتى إنك تتوصل لرقم المركز ده يمكن يكون سبب فى تظبيط الماكينة

-

الموضوع: مشكلة بماكينة الجين 2 ، أرجو المساعدة ؛

LinkBack

أدوات الموضوع

عرض

مشكلة بماكينة الجين 2 ، أرجو المساعدة ؛ - انشر الموضوع فى :

-

-

-

-

-

-

المواضيع المتشابهه

مشكلة في المساعدين أرجو المساعدة

عندى مشكلة بماكينة الزجاج

مشكلة فى البطارية أرجو المساعدة

مشكلة أرجو المساعدة

مشكلة فى النوبيرا (أرجو المساعدة)

الكلمات الدلالية لهذا الموضوع

المفضلات

المفضلات

ضوابط المشاركة