السلام عليكم يا شباب
امبارح كنت في مشوار وكنت واقف عند اشارة حديقة الحيوان عند كوبري الجامعة والباشا امين الشرطة مطنش ومش عايز يفتح الطريق بتاعنا ... بيمشي التقاطعات التانية واحنا لأ ... المهم الناس فضلت تزمر وتزمر وهو ولا هنا لغاية واحد ما نزل واتخانق معاه لقيت الباشا امين الشرطة المحترم بيقوله (وحياه امي ما فاتح الاشارة دي ولو جت على رفدي ) , وفضل فعلا اكتر من ربع ساعة قافل الأشارة لغاية ما حن علينا اخيراً ورضي عننا وفتح الأشارة .

طبعا الناس كلها نزلت تتخانق معاه عشان بفتح الأشارة والموضوع كان حيتطور اكتر من كده واللي يغيظ انه بصراحة كان عنده كمية لا مبالاة بالناس رهيبة ...
لغاية امتى حنفضل تحت رحمه الناس دول كأننا رعاع ومش من البلد دي ؟؟
هل ممكن يحصل كده في اي بلد تانية حتى لو بلد متخلفة ؟؟
مستحيـــــــــــــــل