المشاركة الأصلية كتبت بواسطة hamadahosni
و الله يا باشا أعتقد انه ضابط ذوق و راعى الظروف و إنك نزلت بسرعة علشان تشيل العربية
على فكرة فيه ضباط كتير كده بيراعوا ظروف الناس ,مش كلهم بيرخموا
أنا مرة كنت ماشي و معايا والدتي و اخواتي و مكنتش لابس الحزام و كمان رخصتي كانت مسحوبة بقالها أكتر من شهر و انا مكسل أروح أجيبها و في الطريق لقيت لجنة واقف فيها عميد
قاللي رخصك , إديتله رخصة العربية و الوصل بتاع رخصتي المسحوبة
قاللي يعني رخصتك بقالها شهر مسحوبة و انت ماشي كده
قولتله مكنش فيه وقت اجيبها
قاللي طيب انا مش هديلك مخالفة تاني دلوقتي بس تروح تجيب رخصتك بسرعة لحسن لو حد تاني وقفك هيبقى فيها مخالفة كبيرة
قلتله شكرا و خدت ورقي و مشيت