الموضوع: مطلوب مساعدة لتقييم النترا 2010

بص يا باشا انا عندي اول فئة منها مانيوال وكيل مصري و اداء العربية ماشء الله و معتقدش يعني ان الخليجي هيقل كفاءة عنها لا دة هيزيد اكيد بس خلي بالك من موضوع الضمان دة و شوف هتعمل فيه اية قبل ماتشتري بس في عيب بصراحة حاسه فيها و مش عارف راي بقية الناس اية ان البوية بتاعتها حاسسها ضعيفة اوي و من اقلل حاجة بتتخدش

السلام عليكم انا معايا خليجي 2010 ما شاء الله العربية 100 % عيوبها في الاتي :
1- السحب بطيء بعد تشغيل التكييف
2- عدم وجود مؤشر حرارة يقلق اثناء القيادة الطويلة ( مفيش مشكلة لغاية دلوقتي والحمد لله في الحرارة )
3- استهلاك البنزين عالي اثناء تشغيل التكييف
4- العفشة ناشفة قليلا ( بقول قليلا )
5- بتحتاج قرصة بنزين في المطالع .
6- انا عامل 3700 كم لغاية دلوقتي.
عموما العربية ممتازة في باقي المميزات

الاستاذ على حسين حضرتك بتقول ان السحب بطئ مع التكييف ده على المطالع ولا فى الطرق المستقيمة ، بالنسبة لموضوع الحرارة فده اغلب الموديلات الحديثة بدات تنزل بلمية مؤشر بحيث أن بمجرد ما اللمبة تنور يباه فى مشكلة ودى ميزة وعيب لان ممكن يكون فى مؤشر بس انت مشغول بالطريق مش تاخد بالك من ارتفاع المؤشر .

بالمناسبة العربية اللى شفتها فيها abs وجنوط سبور بس مش فيها فتحة سقف والتكييف بتاعها بكر مش تاتش

السحب بطيئ مع التكييف في الطرق المسنقيمة والمنحنيات + عربيتي بدون abs + التكييف بكر + بدون فتحة سقف

شفت عربية النترا فى احد المعارض بمواصفات غريبة العربية خليجى فرش جلد و 5 جنوط سبور وتكييف تاتش وabs واير باج واشارات فى المرايات ويعد كل ده مفتاحها عادى مش ريموت ( غريبة اوى يعنى الريموت هو اللى كان هيغلى العربية) وفيها كمان فتحة سقف عايز اعرف رايكم فى العربية دى