عرض للطباعة
السلام عليكم,
أنا كنت مسافر بالعربيه و زودتها ميه و نسيت غطاء الرادياتير مفتوح, العربيه سخنت جامد خاصة انى مشيت على 150 و مره واحد عداد rpm وصل ل4500 و بعدين شميت ريحة شياط. وقفت العربيه و نزلت, زودتلها ميه و كانت طبعا مولعه, و بعدين مشيت لكن المشكله ان الفتيس حصل في حاجه, مبقاش يجيب مارشدير و لا بقى ينقل للرابع, و لما بطلع بالعربيه الغزم بيبقى قليل جدا كأنى طالع على التالت, أرجو الأفاده
شكرا
ابراهيم
العربيه نوعها ايه و موديل كام؟
نوع و موديل العربية ايه
العربيه لانوس 1 موديل 99...
حضرتك محتاج لمتخصص يكشفلك وطمنك بس حضرتك محددش انت منين
انا من القاهره......شارع شبرا.
أتأكد برضه من لون زيت الفتيساقتباس:
و بعدين شميت ريحة شياط. وقفت العربيه و نزلت
أصل موضوع الشياط ده يقلق
لو الزيت أسود يبقى الفتيس فيه كلاتشات باظت (لاقدر الله )
طب و معنى كده انى لازم أغيره , و لا ايه؟؟
لو الزيت أسود مع الوضع اللى بتقول عليه
يبقى حتغير الفتيس كله للأسف
لأن الصيانه صعبه عندنا جدا
غير موضوع عدم توافر قطع الغيار وغلوها للأوتو بالذات
فى قفله حصلت فى كهربه الفتيس
و دائره الحمايه تشتغل و الفتيس واخد غيار تالت فقط
أو الدايودات اللى على الخريطه عايزين يتغيروا
جرب اول حاجة تنقل عصاية الفتيس علي الاول وشوف السحبة هاتتحسن معاك............ لو المشكلة اتحلت يبقي المشكلة في كهربة او كمبيوتر الفتيس بتخلي العربية تطلع علي التاني او ال3 وحصلت معايا قبل كده في تيوتا سيلكا (كمبيوتر)وكمان في الجيب(تبديل كامل)..........بس حكاية انه مابيجبش مارشدير تقلق شويتين وفي الاغلب الكلاتشات اتحرقت وهاتحتاج تبدله كله.....وربنا يسترها معاك
السؤال هل الفتيس غالي ؟
تقريب 1650 جنيه وربنا يستراقتباس:
المشاركة الأصلية كتبت بواسطة د.محمود صلاح
مساء الخير الكلام دة مش صح الفتيس دة كبيره 800 لما ينطق واعرف انة ف القاهرة ارخص من اسكندريةاقتباس:
المشاركة الأصلية كتبت بواسطة alynubira;387268961ع 1
انا متشكر لكل الردود يا جماعه
بعد ما سبت العربيه أسبوع فى التوكيل و قالولى هيجيبو فتيس مستعمل ب 3500 و ضمان سنه, رحت لاقيت العربيه زى ما هيه و بسأل على الضمان قالولى هيبقى شهر.
خت العربيه منهم و وديتها لواحد اسمه رجب أوتوماتيك فى شارع أحمد سعيد, فكها و بصينا على التروس لاقيناها متكله خالص , سنون التروس كلها (بتاعة ترس المارشدير, المهم انه هيصلحا ب 2000 جنيه بس, و هستلمها النهارده ان شاء الله.
جربت أعمل كده, لكن السحب كان بطئ برضهاقتباس:
جرب اول حاجة تنقل عصاية الفتيس علي الاول وشوف السحبة هاتتحسن معاك
كده عندك حاجة من اتنين العربية بتطلع علي نقلة غير الاول 2 أو 3 او الكلاتشات تعبانة.............لازم تعرف الميكانيكي الكلام ده علشان يحطه في الاعتبار وهو فاكك مش يصلحلك المارشدير وتلاقي العربية زي ماهي سحبتها وحشة.اقتباس:
المشاركة الأصلية كتبت بواسطة ebrahimelshafaie