طيب قول على اى مشكله كنت بتقابلها فى التورنت وانا اقولك ان كان بقا ليها علاج ولا لا
بص هو نظام الرقابه واحد , صحيح فعلا شديد شويه على الاعضاء الجديده بس بيفضل شديد بشكل عام على اى IP جاى من بلاد عربيه لأن سمعتنا برا فى الفيك ابلوود سبقانا
بس الفيك ابلوود صنعه وليه طرق واساليب تخليه مستحيل يتعرف , انا الحمد لله بتعامل مع مواقع كبيره ونزلت منها مئات الجيجات من المحتوى ومتمسكتش ولا مره , هى بس كل المشكله ان الناس بتعمل فيك ابلوود من غير ما تفهم اليه متابعه المواقع للموضوع ده ومجرد ما فهمت هما شغالين ازاى مش هيعرفوا يمسكوك ابدا
دى شويه ملاحظات لو اخدت بالك منها بنسبه 70% مش هتتمسك
1 - متعملش فييك ابلود على اكونت بقاله اقل من شهر متسجل
2 - متعملش فييك ابلوود اول ما تدخل الموقع , حمل الاول كذا حاجه كانك لسه بتتصفح المحتوى وبعدين لما الراشيو تنزل ابدا اعمل الابلوود
3 - مش اول ما تعمل ابلوود تضرب الراشيو فى 3 ولا 4 علشان ده وش بيبقى اتعرف انه بيغش
4 - خلى الفييك ابلوود بتاعك متقطع ومتناسب مع تحميلك , يعنى مترفعش كل يوم ومترفعش كتير وتنزل قليل خليك بنفس معدل ساعات التحميل بترفع او اكتر حاجه بسيطه مش مثلا 4 ايام فى الاسبوع بترفع ويوم بس بتنزل
5 - بلاش تعيش دور الباور يوزر قوى , يعنى بلاش كومنتات ومشاركه فى المنتدى علشان دى بتلفت النظر ليك واحسن لك تفضل فى الظل
والنقط الجايه دى بقا مهمه قوى قوى
6 - متعملش فييك ابلود على تورنتايه مساحتها صغيره علشان دى سهل قوى تتقفش فيها , وده بسبب انك مثلا التورنتايه 100 ميجا وانت بتعمل فيك البرنامج سجل عليها 700 ميجا واساسا التورنتايه غرقانه سيدرز وانت رقمك متأخر فى ترتيب السيدرز دول والليتشرز قليلين قوى اى مود هيفتح الجدول هيقفشك متلبس فى وقتها
7 - متعملش تورنتايه عليها ليتشرز قليلين او مفيش عليها خالص , علشان اى حد هيفتح الجدول هيلاقى انك رفعت كتير واساسا الناس اللى معاك قليله او مفيش ناس بتاخد منك خالص يبقى انت بتغش
وعلى العكس لو تورنتايه عليها سيدر واحد بس لكن عليها ليتش كتير دى هدف سهل عيش عليها حياتك
8 - مترفعش بأى حال من الاحوال اكتر من 2 جيجا فى اليوم , خليك عارف ان الاستف هناك مش داقين عصافير وعارفين سرعات النت فى مصر كويس
9 - حاول دايما يبقى الراشيو بتاعك طالع نازل او على الاقل ثابت بلاش طالع بس علشان كدا انت هتدخل نفسك فى قائمه احسن السيدرز وبرده هتلفت النظر ليك , يعنى يكفى قوى تكون يادوب بعد حدود الباور يوزر بحاجه بسيطه بحيث تستفاد بكل مميزات العضويه وفى نفس الوقت تفضل فى الظل
10 - نفس الكلام لو البرنامج اللى بترفع بيه بيشتغل براشيو ثابته زى ال Ratio Faker غير الراشيو بتاعته كل فتره ومتخليهوش ثابت ويفضل تخليها رقم عميق شويه بلاش الارقام الصحيحه
يعنى خليها مثلا 1.47 أو 2.19 وبلاش تبقى 1 أو 1.5
10 - لو لأى سبب من الاسباب كلمت حد من الاستف تسأل على اى حاجه او حصل مشكله وقف الفييك ابلود بتاعك شهر على الاقل علشان هو هيتابعك بعد ما تكلمه شويه
بس ده اللى انا فاكره دلوقتى , لو فى حاجه تانى جت فى دماغى هقولك عليها وياريت لو حد يعرف حاجه تانى يقولنا عليها
اسهل برنامج ممكن تتعامل معاه كمبتدئ فى الموضوع ده وهو فعلا فعال قوى قوى
Ratio Faker
هتلاقى شورحات على النت كتيره جدا عنه وعن ازاى تستخدمه صح علشان متتمسكش , وهو المميز فيه انك بتظبط اعداداته مره واحده وتنساه
زمان ايام ما كنا بنعمل فيك أبلوود على ال Azureus كنا بنقعد باليوم على موقع واحد نعدل الراشيو :) , دلوقتى الحياه بقت اسهل كتير
بس بقولك هو اللى جالك عليه دعوه TVTorrents دوت ايه ؟
المفضلات