حل بسيط للزحام امام الجامعه

**أبو إياد** · 31-10-2011 04:24 PM

المشاركة الأصلية كتبت بواسطة sara2001

ياريت بس يمشي
انا باخد في الطريق ده من بعد مطلع كوبري اكتوبر في البطل لغاية حديقة الأورمان مش اقل من ساعه يومياً
والمهم ان الطريق بيقفل تلقائي في اتجاه محور صفط ومع ذلك مش بيفتحوا المرور في الإشاره للإتجاه التاني

عاوز اقولك ان مش المحور هو اللى موقف الدنيا لان اغلب اللى بيطلع المحور بيطلع من مقار اللى موقف الحته دى بالذات هو المشاه والصف التانى والتالت بدليل انك اول ما توصلى لشارع المرور سبحان الله الطريق بيكون فااااااااااااضى ومحدش بيطلع المحور اغلبهم داخل شارع المرور والسودان

لو عاوزه اختصار معظم الوقت بيكون فاضى انزلى من اكتوبر على كورنيش اعجوزه اتجاه الشيراتون ماتنزليش النفق كملى من فوق وعدى ميدان الجلاء وخلى الشيراتون على شيمالك وقسم الدقى على يمينك هتلاقى قبل ما توصلى لاخر النفق شارع على اليمين بتاع فندق براميزا ادخلى فيه وبعدين اول شمال امشى فيه للاخر هتلاقى الشارع ده موازى لشارع الكورنيش وشارع الدقى اخره هتلاقى حديقه الاورمان

**sara2001** · 31-10-2011 05:04 PM

المشاركة الأصلية كتبت بواسطة أبو إياد

عاوز اقولك ان مش المحور هو اللى موقف الدنيا لان اغلب اللى بيطلع المحور بيطلع من مقار اللى موقف الحته دى بالذات هو المشاه والصف التانى والتالت بدليل انك اول ما توصلى لشارع المرور سبحان الله الطريق بيكون فااااااااااااضى ومحدش بيطلع المحور اغلبهم داخل شارع المرور والسودان

لو عاوزه اختصار معظم الوقت بيكون فاضى انزلى من اكتوبر على كورنيش اعجوزه اتجاه الشيراتون ماتنزليش النفق كملى من فوق وعدى ميدان الجلاء وخلى الشيراتون على شيمالك وقسم الدقى على يمينك هتلاقى قبل ما توصلى لاخر النفق شارع على اليمين بتاع فندق براميزا ادخلى فيه وبعدين اول شمال امشى فيه للاخر هتلاقى الشارع ده موازى لشارع الكورنيش وشارع الدقى اخره هتلاقى حديقه الاورمان

انا مش بدخل لغاية شارع المرور انا بكون في الدقي واكمل على مديرية الأمن وبيبقى ظاهر الشارع مقفول من الدقي ماقدرش احدد الزحمه بتكون من مطلع المحور ولا من المشاه بس الطريق ده ماكانش بيبقى بالزحمه دي قبل كده

شكراً على الوصفه
انا باخد دلوقتي طريق اكتشفته قريب موازي للبطل احمد وباكمل منه على المصل واللقاح وبعد كده الكورنيش