الموضوع: حل بسيط للزحام امام الجامعه

دلوقتى محور صفط هايتفتح فى القريب باذن الله وهو فعلا ممتاز جدا لتخفيف الضغط على الدائرى والمحور وكمان شارع فيصل

انما لو جينا نبص على الطرق المؤديه للمحور ده هنلاقى انه ليه مدخلين
الاولى من عند مقار شارع السودان وعلى ما اعتقد مش هايكون فى مشكله للجاى من شارع التحرير واللى جاى من شارع السودان هو اللى هيواجه مشكله الزحام بسبب الميكروباصات ودى حلها مع رجال المرور

الثانى القادم من الدقى ومن مديريه امن الجيزه فى اتجاه كوبرى ثروت هيواجه زحام شديد جدااااااااااااااا طوال فتره الدراسه الجامعيه بسبب عبور الطلاب والمشاه من باب كليه تجاره الى الاتجاه الاخر للمحلات التجاريه والمكتبات مما يعيق حركه سير السيارات بشكل نهائى بالاضافه الى مطب صناعى بالاضافه الى عدم وجود احد رجال المرور لتنظيم المشاه والسيارات

وانا شايف ان حلها بسيط ومش مكلف ولا عبء على المحافظه وهو عمل كوبرى مشاااااااااه فى هذه النقطه وامداد سور فى الجزيره الوسطى لمنع المشاه بشكل نهائى من العبور الا من خلال الكوبرى والغاء المطب الموجود فى هذا الاتجاه