عندى بولو 2001 ولسة شاريها قريب ظهر معايا من يومين اشارة تحت عداد الكيلوات بيقول oil service مش عارف دة معناة اية واعمل اية معاة؟
عرض للطباعة
عندى بولو 2001 ولسة شاريها قريب ظهر معايا من يومين اشارة تحت عداد الكيلوات بيقول oil service مش عارف دة معناة اية واعمل اية معاة؟
دية معناها انه جه ميعاد تغيير الزيت ، أو ممكن يكون الزيت لسه متغير وصاحب العربيه القديم نسي يغير العداد تاني
طيب انا لما غيرت الزيت دوست على الزرار لمدة ثانيتين وبعدين صفر معايا ولما عمل كدة دوست علية تانى وبعدين ادانى نفس الكتابة
اللى انت ظبطه ده عداد التريب عداد الزيت المفروض انك بتبقى قافل الكنتاك ودوس على الذرار وأفتح كونتاك وانت دايس حتلاقى قدامك كلمة اويل وتظبط أنت ، أنا مش عارف شكل الطابلوه اللي عندك أنا عندي بختار من الذرار الشمال واظبط العداد من الذرار اليمين
إيه دا هو مش فى عدادين للكيلوات عداد للكيلوات العامه للعربيه وعداد للمشاوير بيصفر لما انت تصفره من الزرار او برده بيصفر لما كابل البطاريه يتفصل ويرجع تانى فين بقى العداد الى بتقول عليه دا الى هو صاحب العربيه مكنش ظبطه دا ؟ تقصد بتاع المشاوير الى انا أقصده ولا فى عداد تالت ؟
ولو فى أجيبه أزاى عشان أعرف انا مغير الزيت من كام كيلو بالظبط ؟
بالطريقه بتاعة قفل الكونتاك والدوس على الزرار وفتحة تانى دى ولا إيه يا هشام ؟
لو ما اتمسحش معاك بالطريقه اللى قالهالك ميشو يبقى هتروح لما تروح لحد يحطلك العربيه على الجهاز
والله حلوة الطريقة دى هاجربها وأقولكو بس أنا عندى بتظهر Service insp:049:
طب يا رجاله انا عندى الزرار بتاع التصفير ده مش شغال بضغط عليه ولا حاجه
هو كان شغال وبعدين سكت مبقاش ينطق
لا أنا عندى زرار واحد فقط انا عربيتى بولو 2001 اظن ان دة فى الموديل الأقدم ...شكرااااا
يبقى الطريقه كلها من مفتاح واحد تقفل كونتاك ودوس على الذرار وافتح وانت دايس
يعنى الوقتى الى افهمه منك ان فى 2 تانيين غير الى بيبقوا ظاهريين فى عداد السرعه يعنى هما كلهم على بعضهم 4 عدادات ولا إيه ؟
ولو طلعوا أربعه يبقى هما كالتالى:
1/ الكيلوات العامه
2/ كيلوات المشاوير
3/ كيلوات الزيت ( ودا أكيد الخاص بتغييير الزيت الى انت بتظبطه على أد كيلوات الزيت الى انت جايبه صح كدا ؟ )
4/ كيلوات السيرفيس ( ودى فايدتها إيه ؟ هل هيه بتاعة تغير مثلاً طقم السيرفيس بتاع العربيه من سير كاتينه و دينمو وهكذا ولا حاجه تانيه ؟ )
لا لازم تكون العربيه متبطله وبعد كده تفتح كنتاك مش تدور
ماشى يا باشا الموضوع تحت التجربة
إليكم التالى !!!
انا عملت الحركة بتاعة انى ادوس على الزرار وأفضل دايس وأفتح كونتاك دى عشان يغيرلى كلمة (service insp) كتييييير ولا حاجه يا معلم المهم كنت انا لاحظت فى الكام مره دول إن الكلمه بتقف لما بكون دايس وانا فاتح الكونتاك وبترجع تانى تروح وتيجى لما بشيل إيدى , قولت أجرب كدا أخلى إيدى فتره لاقيتها فعلا قامت الكلمه قالبة ل oil وقومت شايل إيدى بسرعه , فأصبح الوقتى الى بقت تروح وتيجى هى oil بدل service insp , قولت طب انا أظبطها أزاى دلوقت ! قومت عايد الحركه دى تانى قامت كلمة الزيت قلبت لـــ 3 شورط جنب بعض ( زى نقط كدا ) , شلت إيدى قاموا رايحيين , بعد كدا بقى عينك ما تشوف الاا النور عداد التريب صفر و الساعه راحت و أقفل الكونتاك وأفتحه لا عاد بيجبلى oil ولا حتى service insp إلى كانت بتيجى فى الاول مجرد عداد التريب مصفر وثابت و ولا حياةً لمن تنادى يا معلم والكهربه لاقيتها هنجت كدا والبطارية لاقيتها بتاخد وتدى ( هو فى إيه )
حد يعرف بقى يظبط أزاااااااااى عداد الزيت والسيرفس دا يا جماعه ولا محدش عنده فكره ؟
و إزاى أساساً أكتب الأرقام فى الشرط إلى كانت ظهرتلى وراحت دى لانهم كمان 3 مش أكتر يعنى ميكتبش فيهم ألافات ولا إيه بالظبط انا مش فاهم حاجه ؟؟؟
كده العداد اتصفر والبطاريه هنجت بسبب انك كنت فاتح كنتاك لفترات طويله بدون تشغيل خدها مشوار والدنيا حتتظبط عن نفسي بظبط الكيلوات وكله فى التمام وفاضل على العداد ين عندى كل عداد 700 كيلو وحجيبلك النتائج كامله
إيه يا دكتور !!!
بقى دا كلام يا راجل وانا أعد أدح من ساعتها فى تفسير المشكلة الى واجهتنى و الواضح انك مفمهتنيش او فهمتنى و فكرتنى مثلا بيتهيقلى انها ظهرتلى !!!
يا باشا انا ظهرتلى بقى كلمة oil دى بس بعد ما دوست على الزرار وفتحت كونتاك( الكهربة عنى ) وفضلت دايس لمده مثلاً 10 ثوانى فقامت كلمة service insp متغيرة لـــ oil وبعدين قومت منفذها تانى الحركة دى قامت ظاهرلى 3 شرط على أساس أنى أرقمهم بس معرفتش بصراحه يتركموا أزاى فلما شيلت إيدى عشان اضغط مثلاً كذا ضغطه فمن خلال عدد مرت الضغط دا يرقم لاقيت كله أختفى بقى ومعتش غير عداد التريب هو الى فاضل مصفر وفقط لا غير ومعتش بقى ولا كلمه بتيجى ساعتها يعنى سواء service insp الى كل اما كنت أفتح كهربة الكونتاك ألاقيها بتيجى كدا على هيئة فلاشر بتروح وتيجى ولا حتى كلمة الــ oil !!!
هــــــــــــــــــــــــ ـــــــاه ؟؟؟
وصـــلــــــت ؟
- هو تقريباً دا إلى حصل , مع أنى كنت مسخنها قبل ما أعمل الموضوع دا بتاع تلت ساعه بس جايز عشان الدينامو كان فضى شحن كمان لأنى كنت راكنها 6 أيام :E_braces[1]: لان تانى يوم دورتها و سخنت وكله تمام جيت أمشى بيها لاقيتها يا معلم قامت واقفه وقفه عسل , البطارية قامت فاصلة خالص , أضطريت أفك ناحية من كبل البطارية وأركبة تانى قامت شغاله معايه وعال العال ( مع أنى كنت لسه بفكر أوقف حد أعرفه أخد منه لقطة كهرباء بكابل التدوير , الحمد لله )
- طيب بس برده انت عندك النظام مختلف عن عندى يعنى برده بعد ما تجيبلى النتائج الكامله مش هستفيد حاجه لان انا عندى زرار واحد وانت أتنين , بس هو الموضوع على فكره بده واحد بروفيشنال فى الـــ 2001 :11:
ها ياشباب هل فى حد وصل لأى حاجة ؟؟؟؟؟؟؟؟؟؟
راحو لأنك بكل بساطه فى أخر حركه عملتها لما فضلت دايس على الزرار وفتحت الكونتاكت وظهرتلك الشرط اتمسح تسجيل طلب تغيير الزيت ومعاد الصيانه من على كنترول العربيه وبالتالى مش هيظهرولك
وعمتا هما عاملين الأوبشن دا كنوع من التذكره لينا بمواعيد الصيانه وتغيير الزيت
صباح الفل (تشرب شاى ولا انتش كييف ههههههههههههههههههههههه )
صباح الخييييييييييير ( الولية أم قورنى ........ مسكنة عنب )
ألوووووووووووو ههههههههههههههههههه
يا حلااوه طيب بس فى حاجه انت بتقول ان تسجيل مواعيد الصيانة وتغيير الزيت انا وديتهم طيب اساسا إذا مكنش اصلا حد كان ظبط مواعيد لتغيرهم يبقى ازاى بقى انا مسحتهم دا انا كنت عايز انا الى أظبطهم مش أضيعهم , بس مش مشكله خيرها فى غيرها , طيب لما أجى أغير الزيت المرة الجاية إن شاء الله أظبط الحوار دا أزاى بحيث اما عدد كيلوات الزيت تخلص الأاقى كلمة oil دى ظهرتلى ( دا على أساس فهمى لكلامك ) وكذلك service insp ؟
وهل معنى إن كلمة service insp انها كانت بتظهرلى بشكل يروح ويجى كدا ان كان بينوه لإنتهاء عمر طقم السيرفيس مثلا ولا إيه ( وانا كمان قومت ماسحها )
أعتقد أنى كده الحل العربيه تتحط على الجهاز وتظبط الارقام اللي انت عايزها بس غريبه أنك متقدرش تظبط بنفسك دية ، ميزة العدادين دول اساساً أنى لو فصلت البطاريه ودية حصلت معايا العداد مبيصفرش لأنى كذا مره أصفر العداد بتاع الرحلات من غير ما اٌقصد أو اشيل سيلك البطاريه وكنت بنسي انا عامل كام كيلو فا العدادين دول بينفعوا ميه ميه
سؤال غتيت كده... هو الموضوع ده فى بولو 99 برضه ولا لأ... معلش علامى على قدى
هاجرب تانى وقولكوا بس ربنا يسترها ...........
فى الغالب الموضوع ده مش موجود غير فى العربيات الفوكس اللى هى عدادها الخصاص بالبنزين والحراره على يمين وشمال الأر بى ام والكيلو متر أما العداد اللى بيبقى العدادين دول فيهم فى النص مفيهمش الموضوع ده
وعشان تظبطهم لازم العربيه تتحط على الجهاز
ما هى دى المشكله يا عم هشام
إن إلى أتضح الوقتى من الموضوع دا كله إن انا كنت مفكر إن زى ما أنت بتعرف تظبط العدادات انا كمان هعرف بس للأسف منفعش , هما شكلهم اما طوروا العربية طوروا تظبيط العدادات كمان خلوها عن طريق الدخول على الجهاز
وأنا إلى كنت مفكر إن هحل مشكلة تصفير عداد التريب وأنى هعرف العربيه عملت كام كيلو من ساعة ما غيرت الزيت او لما العربية عداد التريب بتاعها أتصفر غصبن عنى ألااقى بديل
أذن يبقى الكلام دا معناه الأتى :-
- إن موضوع تظبيط عدادات الزيت والسيرفيس دا يمكن عمله مانيوال عن طريق الزرارين اليمين والشمال الى فى عداد الكيلوات الخاص بموديل الفوكس فقط
- أما بالنسبة لما هو موديلاته فوق ذلك إلى هو تقريباً أبتداء من 97 إلى الأن بيتم تظبيطه عن طريق دخوله على الجهاز
وبكدا يبقى زيادة التكنولوجيا فى الموديلاات الأحدث سببت لأصحابها مشكلة زياده فى انهم برده هيضطروا انهم يدخلوا العربية على الجهاز عشان يظبطوها , يعنى بمعنى أصح التكنولوجيا كل اما علت بقت تتعب صاحبها مش تريحه :N_no[1]:
وانا أقدر أزعل منك برده يا حماده دا انت حبيبى :033102bigblink_1_pr