وبعدين في موضوع الصفارة دة ؟؟؟؟
صباح الفل علي الرجالة
انا كنت سالت عن الموضوع دة قبل كدة في المنتدي وفي ناس قالتلي انة عندها كمان بس الغريبة انها زادت وبقي صوتها سخيف وانا واقف في اشارة وراكب زيرو وبتصفر
عشان الناس تعرف بس ومتهاجمش العربية
الصفارة زي صوت تنفيس هوا رفيع جدا - في صوت معاها زي ميكون خرم بسيط قوي في الشكمان (ترتيلة صوت )
الصوت بيظهر بعد سخونة العربية ومشوار مش قليل او شد وحرق علي العربية او تحميل التكيف
الصوت عبارة عن تسسسسسسيييييييييييييييييي ت ( صوت نفخ هوا في شفاطة او شالموه :)
ومش منتظم او صوت مسمار فاكك وعمال يزن
الغريبة ان اي حد سمعة قالي انة من الشكمان ( ممكن يكون جلبة الشكمان او جوان الشكمان من عند الموتور مثلا - بس انا مخدتش مطب او حاجة ممكن تضر الشكمان
انا عارف اني لازم اروح التوكيل بس مستني صيانة ال 10000 ومش عايز اروح روكسي لان الناس قالت انة مش قد كدة - ودي واضح انها محتاجة فني كويس عشان يعرف منين الصوت دة
معلش انا بفضفض معاكو لاني بجد زهقت من الصفارة ( حاسس اني مركب صرصار الغيط اللي بيقعد يصفر طول اليل ) - هوا فعلا صوتة كدة