بعد ما ربنا كرمنا بدور الأربعه تفتكروا هانعدى من الأفيال ؟
طب و لو عدينا تفتكروا هانرجع بالكاس؟؟ ولا بالفضة ؟
كل واحد يقول توقوعاته و ربنا يسترها معانا بكره إن شاء الله :)
أنا أتوقع نعدى ماتش بكره و حاسس إن هاناخد مركز تانى مش عارف ليه ؟
بعد ما ربنا كرمنا بدور الأربعه تفتكروا هانعدى من الأفيال ؟
طب و لو عدينا تفتكروا هانرجع بالكاس؟؟ ولا بالفضة ؟
كل واحد يقول توقوعاته و ربنا يسترها معانا بكره إن شاء الله :)
أنا أتوقع نعدى ماتش بكره و حاسس إن هاناخد مركز تانى مش عارف ليه ؟
احساسك خاطيء !اقتباس:
المشاركة الأصلية كتبت بواسطة memo_hefnawy
الكاس لينا إن شاء الله !
و افيال و ابقار و حيتان علي نفسهم هناك !!
احنا احفاد بناة الاهرام .. الي ان شاء الله شكلنا حنهدها :P
lol
ان شاء الله انا (واثيق من فوز) لأن المصرى طول عمره مشهور بجبروته.
ههههههههههههههههههههههههه ههههههههههههه
اللى فوق هزار، الجد بقى انى مش هزعل من اى نتيجة علشان اللعيبة مقصرتش و طلعوا رجالة و مش مهم حاجة تانية.
ان بصراحه مش متطمن من سيد معوض
بس شفت علي النت تشكيله جامده جدا واحد اخترعها
قال بدل سيد معوض نعمل زي ماتش انجولا اننا نحط 2 في الجبهه دي عشان ايبواه
باننا نلعب باحمد حسن لاعب ارتكاز تالت ناحيه الشمال مع سيد معوض
و نشيل متعب كده كده ملوش لازمه اساسا
فيبقي التشكيل الحضري
ادامه شادي ( اكتر خبره من فتح الله ) وائل و هاني سعيد
احمد فتحي و سيد معوض
3 ارتكاز شوقي عبد ربه ( يزيد في الهجوم ) احمد حسن
زيدان ( و ابو تريكه الشوط التني كالعاده )
عمرو زككي
ايه رايكو
تيجو نبعتها لحسن شحاته
اي نتجه مش حزعل عشان الاعيبه ولا الجهاز الفني اقصرو بس انا نفسي نكسب عشان ديروجبا يبطل غرور
إن شاء الله هانكسب
بس أنا خوفى إن الكاميرون تغلب غانا و نقابلهم فى النهائى - وقتها هانلعب و إحنا واثقيين من نفسنا بزيادة عشان إحنا قطعناهم --هب يخطفونا و يخطفوا الكاس :)
مشكلتنا إن لما بنطمن للنتيجة مابنلعبش و نتغلب
ان شاء الله هانكسب باذن الله ونرجع بالكاس
ربنا يستر عليهم
لو عدينا من افيال كوتديفور من غير ما ننداس منهم عندي احساس ان الكاس لمصر باذن الله ... بس يا رب الدفاع يصحصح.
ان شاء الله هنعدي بضربات الجزاء و الحضري هيكون له دور في الفوز بإذن الله
اهم حاجة اننا نمسك روحنا شوية قدام دوروجبا و كايتا و اروونا و بكاري و كوليه يا لهوي ايه دا الفرقة كلها وحوش استر يا رب
مش مطمن خالص ... الفرقة مش تقيله كده ماتحسسكش بالثقه ... زى كده اللى يقول انا جدع وعند اول قلم يجرى
حاسس اننا هانلاعب الكاميرون على التالت والرابع بس يارب يارب ابقى غلطان
إن شاء الله حنكسب بس بضربات الجزاء
بصوا بقا مبدئيا كده الكسبان من ماتش مصر والكوت ديفوار هوا بطل هذه البطولة
وإن شاء الله يكون مصر
ودا من باب المتفائلين بيشجعوا مصر
ااما الواقع فأنا امنية حياتي التشكيل دا
عصام الحضرى حارس مرمى أمامه ليبرو هانى سعيد ومساك واحد وائل جمعة ثم ظهير أيمن أحمد المحمدى وظهير أيسر سيد معوض فى وسط الملعب ثلاثى أرتكاز محمد شوقى حسنى عبد ربه أحمد فتحى ثم ثنائى هجومى عمرو زكى جناح أيسر و محمد زيدان مهاجم متأخر وأمامهم عماد كتعب كمهاجم صريح
او فتحي بدل سيد معوض واحمد حسن في وسط الملعب
المهم هنشوف الشيخ اللي محضره حسن شحاته سره باتع ولا لأ
حنكسب ان شاء الله 2 الى 1
لازم نكون واقعيـــــيــــن
منتخب كوديفوار منتخب قوى ماخسرش ولا ماتش من بداية البطولة
منتخب مصر فاز كل المبارايات ماعدا التعادل مع زامبيا
منتخب مصر وكوديفوار الاثنين عايزين الكأس بالرغم من انها ليست المباراة النهائية
ولاكن فوز فريق يؤهله للكأس بالتالى هنشوف مباراة قوية
من الجانبين وتكتيكية ايضا لذلك لا يمكن توقع نتيجة المباراة
ولاكن بمأنى مصرى متعصب لمنتخب مصر فأنا اتمنى فوز منتخب مصر
إن شاء الله واتوقع (ضربات ترجيحية)
نرجو عد إستخدام اللون الاحمر لأنه مخصص للإدارة فقط
الإدارة -3
مهما كنت النتيجه لازم نفرح بالمنتخب و الانجاز اللي حققه لحد دلوقتي.
بس انا اتوقع اننا حنطلع التاني برضه مش عارف ليه
انا عندي رأي بالنسبة للمنتخب يا جماعة و هو اننا مش حاسين انه جامد لأن اللعيبة دي ادام عنينا علي طول !
زي بالزبط اللي عنده عربية هامر مثلا .. اما يشوفها في الشارع مش هيحصله انبهار بيها .. لأنها عنده و حفظها و خلاص كتاب مفتوح بالنسبة له ..
عكس منتخب كوت ديفوار مبنشوفوش كتير الا في البطولات و اما اتفرجنا قلنا ياه ده منتخب جامد .. بس برده منتخبنا تقيل و الناس بتتكلم عليه برة دلوقت و علي لعيبته .. و اما ناس متعرفوش و متعرفش لعيبته اتفرجت عليه للمرة الاولي انبهرت بيه
فا في رأيي الماتش متكافئ .. و حالة الخوف غير مبررة .. و كوت ديفوار بنفس لعيبته و تشكيلته الحالية هو اللي كسبناه في القاهرة مرتين و اتعادلنا معاه ودي
اعتقد ان الماتش هيفضل 2-1 لواحد من الفريقين و الاهداف كلها هتبقي في الشوط الاول بعد كدة شوط تاني مقفول جدا و الفريق الفائز يحرز هدف في اخر الماتش يقطع بيه امل الفريق التاني
و إن شاء الله يكون الفريق المصري
هو دا بالظبط اللي انا خايف منهاقتباس:
المشاركة الأصلية كتبت بواسطة memo_hefnawy
نغلب ساحل العاج بدعاء الملايين و دعاء الكروان و نطلع نلاقي الكاميرون في وشنا في الحالة دي انا متاكد انهم هيسفلتونا
ربنا يستر لأن فعلا المستوى ميطمنش خالص و بالذات الدفاع و أحمد حسن تحس انو أحمد حسن تاني مش اللي احنا عارفينه وشادي ووائل طبعا معروفين بالغلطات المميزة
ربنا يستر
يارب يطلع كل الكلام اللى جاى غلط واطلع مابفهمش فى الكورة وكفاية عليا العربيات
للأسف اللى تابع منتخب كوت ديفوار السنة دى من اول البطولة ..مختلف تماماً عن البطولة اللى فاتت فى تغييرات جامدة اوى حصلت مع المدرب الجديد بتاعهم و فى رأى اهم ملاحظات عليهم السنة دى :
- بيلعبوا لعب جماعى جداً و تخلوا عن الانانية و الانفرادية الافريقية المعهودة
- دو روكبة بقى بيسمع كلام المدرب و بينفذة بالظبط حتى لو طلب منة يساند الفاع او يقوم بدور صانع العاب لزمايلة
-فى تكتيك الطاحونة الهولندية القديمة (فاكرنها ) بينفذوة بمهارة عالية و انضباط
-فى التزام خططى كبير جداً بيقوموا بية
-بيوزعوا لياقتهم البدنية على التسعين دقيقة
-بيلعبوا مع كل فريق على أدوة و بما يتناسب معاة
-فى ضغط كبير على الفريق من بلدهم (مادياً و اجتماعياً) انهم يجيبوا البطولة
النقطة الكويسة فى الموضوع بقة انهم لسة ماقبلوش فريق كبير ذى مصر طوال مدتهم فى البطولة و بالتالى هايكون عندهم حاجتين
-الخوف الشديد من مصر اثناء تنفيذ الفكر الجديد دة (ودة ممكن يوقعهم فى الغلط)
- لو ان شاء الله اتقدمنا بى اول هدف و سيطرنا شوية بعدية (ممكن ينهاروا تماماً)
عناصر الفوز لينا على ما اظن تبقى فى :
- تقليل الميس باص بقدر الامكان
-الدفاع من نص ملعبنا مش (دفاع منطقة )
-ترك دو روكبة وعدم الاهتمام بية و اللى يمسكة هو الاعب القريب منة فى كل كورة
واخيراً عدم نزول الاسماء التالية الا بعد صفارة النهاية
احمد حسن -عماد متعب -شادى محمد
............ وبلاش حد يقولى متوقع اية .. ويطلع الكلام دة كلة هلوسة ...........
و نعرف نقول بيب بيب مصر بكرة (ان شاء الله ..باءذن الله ..و من غير مقاطعة )
يا رب .. اهو عالاقل يبقي فيه حاجة في مصر بتفرح !
الواقع و المنطق و الحسابات بيقول كوت دى فوار لان كلهم بيلعب فى اكبر انديه اوروبا وكمان فى انسجام بينهم
على فكره مجدى عبد الغنى علق على فريقهم بعد ماتش غينيا و قال (دا فريق ميقدرش عليه غير ربنا)
بس الحقيقة اللى مدينى امل كبير و جود حسن شحاته !!!!!!!!
لأن ربنا بيوفقو توفيق كبير (ربنا يديمها نعمه) و دا ميمنعش انو مدرب كويس جدا
و اقنع الناس كلها فى البطوله دى
يا ترى مين وراه ؟؟؟؟؟
والله أنا وجهة نظري بعيدة شوية عن الماتش ده بالتحديد .. كانت أمنيتي إن المباراة التانية تكون بين فرقتين تانيين غير الكاميرون وغانا .. يعني فرقة منهم بالتأكيد هتوصل النهائي ، ولو كسبت البطولة غانا أو الكاميرون هايعادلوا رقم مصر بخمسة بطولات ..
لذا فريقنا يلعب ضد الفرق وضد التاريخ .. ده في حد ذاته هدف لازم اللعيبة والمدربين يموتوا عشانه .
بصراحة أنا ما كنش عندي أمل نعدي من الدور الأول.... و ما صدقتش نفسي بعد ماتش الكاميرون.... لكن بصراحة برضه مستوى الفريق ما يطمنش.... ما فيش غير دعاء الوالدين سلاحنا الاساسي من ١٩٨٦ :d
يا رب النصر لمصر
المباراة صعبة جدااااا لذا لا يمكن ان نتوقع الفوز لفريق على الاخر
الحسم هيكون فى كوماسى فى غانا بكره ان شاء الله
انتظرو المبارة افضل فى النهاية المباراة صعبة جدااا على المنتخب المصرى
ودليل ما قاله حسين فهى الحقيقة
اقتباس:
كلهم بيلعبو فى اكبر انديه فى اوروبا وكمان فى انسجام بينهم
على فكره مجدى عبد الغنى علق على فريقهم بعد ماتش غينيا و قال (دا فريق ميقدرش عليه غير ربنا)
بس الحقيقة اللى مدينى امل كبير و جود حسن شحاته !!!!!!!!
بس برضو لازم نتفائل ليه بقى
رغم شكلنا الوحش في ماتش انجولا بس دا كان شغل مدربين و توجيهات المعلم حسن شحاته و الدليل ان محدش يقدر يذكر فرصة خطيرة في الشوط التاني لما قرر حسن شحاته يحافظ على الجونين و يلعب مدافع يبقى احنا ممكن برضو نخطف جونين مع ساحل العاج و نكمل بقى بطريقة و الله زمان يا سلاحي على رأي المستكاوي
من الأخر ربنا يستر
إن شاء الله هانكسب
الكاس لمصر باذن الله