-
انا اتفرجت علي العربيه دي في معرض ابو غالي في مكرم عبيد بصراحه شكلها حلو و الخامات الداخليه كويسه بس العربيه فيها مشكله رهيبه بالنسبالي ان صالونها مش واسع و المسافه بين الكرسي الامامي و التابلوه صغيره جدا و كمان الكرسي عالي و المسافه بيم الكرسي الامامي و الكنبه الخلفيه صغيره برضه ..... للاسف انا طويل حبتين طولي 195 سم و العربيه دي بالنسبالي الجلوس بها كان مستحيل ......
اعتقد انها غبر مناسبه بالمره لطوال القامه
-
حكايتي مع الانجلون
سلام عليكم
هاحكي عن تجربتي وبكل حيادية
أولا أنا املك لانسر 2008 اوتوماتيك وبصراحة كنت ناوي من فترة ابيعها لظروف معينة وكن هاشتري عربية صيني في حدود السبعين فكان اول تفكيري في الام 11 وكنت مغرم بيها جدا وركبتها بس ماسوقتهاش لكن خاماتها جميلة بس طبعا مش زي خامات اللانسر المهم سمعت عن الجاك ووقعت في حبها الشرع بيحللي اربعة ههههههههههههه فقررت اجيبها ومش مشكلة ان توكيلها غير مشهور المهم انها بمواصفات جميلة وخاماتها في نفس جودة الام 11 وفعلا قررت احجز واحدة راحت اختي قالتلي اصبر شوية لانها سمعت عن عربية تانية في نفس الامكانيات والمواصفات بس أفخم وتوكيلها معروف قلت اصبر واستنيت لغاية ماأختي اشتريتها ماستنيتش لليوم التاني سافرت لاختي واتصدمت لما شوفت العربية على الواقع مرسيدس من غير كلام ولونها الاسود مالوش حل بصراحة احلى من الجاك والام 11 في الفخامة يعني ممكن نقول بالنسبة للشكل الخارجي:
ام 11 قوية
جاك ب 15 جميلة
انجلون فخامة مالهاش حل
بالنسبة للخامات الداخلية التلاتة بنفس الدرجة
بالنسبة للاتساع الجاك تكسب حاجة بسيطة خالص تكاد لا تذكر
بالنسبة للمنظر الداخلي رقم واحد الجاك تليها الام 11 تليهم الانجلون
اعتقد بالنسبة لقوة الموتور الام 11 1600 في حين الجاك والانجلون 1500 وعلى فكرة الفارق مش هايكون ملحوظ
نيجي بقى للقيادة طبعا انا معايا لانسر
سميت الله واتحركت بالانجلون على فكرة انا اديلي فترة ماسوقتش مانيوال ولكن اول طلعة كانت خشنة بسببي انا لكن بعد كده ماحكيش لكم على النعومة ماحسيتش بفرق نهائي بنها وبين اللانسر إلا في بعض المطبات شوية حاجات بسيطة خالص لكن والله جميلة جميلة جدا في سواقتها ونعومة ماتحسسكش بالفرق بينها وبين اللانسر المهم شغلت التكييف على اوتو في ثواني العربية تلجت ورا وقدام ومش مأثر في السحب والموتور شديد وجميل طبعا ده كله جوه البلد وماسافرتش بيها بس كان فيها شوية مشاكل بسيطة زي الشنطو علقت مرة الزجاج الامامي بيعمل صوت وهو بيقفل اعتقد في الصيانة كل ده هايتحل .
بصراحة عربية فيها كل ماتتمناه بس مشكلتي انا معاها التابلوه مش عاجبني مقارنة بالجاك والام 11 بس توكيلها محترم
كنت هانسى بالنسبة للاوبشنز طبعا انتم عارفين من غير ما أقول الصيني بيكسب بالاوبشنز بتاعتهم كل اللي نفسك فيه من اوبشنز هاتلاقيه فيها.
واخيرا السلام ختام وحتى الان انا لسه ماقررتش اجيب ايه:majd(4):
-
أولاً السلام عليكم من واقع خبرة فى العربيات الصينى و التجربة المباشرة سواء فى الصين او فى مصر
الانجلون هى إحدى ماركات شركة جيلى . الماتور هو صناعة جيلى 100 % . هذة السيارة هى تطوير لموديل موجود عند جيلى تقريباً أسمه أم كه و كانت توب جير طرحت من قبل هذا الموديل لكن النسخة ال1800 سى سى لكن لارتفاع السعر لم تحقق اى مبيعات و تم نقله الى شركة مابل التى أنجلون إحدى أحدث الماركات التابعة لها و بعد عمل تعديلات على الخارج و الدخل من اجل رفع أسهم الماركة الجديدة أنجلون تم التطوير فى احد بيوت التصميم الصينى . و ال حد كبير العربية شبة المرسيدس و دة أتجاه فى أغلب موديلات جيلى بكافة موديلاتها حتى هذا العام مع العام القادم فى تغيير فى الشكل الخارجى لكل موديلات جيلى . و الشبة دة لان صاحب شركة جيلى نفسة يعمل حاجة شبة المرسيدس .!!!!
بالنظر فى السوق الصينى من حيث المبيعات للموديلات الثلاثة خلال ال6 شهور الماضية من هذا العام ستجد أن المبيعات على الترتيب الجاك بمعدل 8000 عربية فى الشهر تليها الشيرى أم 11 متوسط 4000 عربية , أخير الانجلون 2000 عربية شهرياً
أعتقد كدة الصورة واضحة امامك !
ال أم 11 حسب ما قرأت فى المنتدى إن فى ناس بتشتكى من مشاكل فيها , بس بصراحة العربية تحفة ممكن تكون مظلومة فى مصر لأسباب لا أعلمها , بس مش كل العربيات فيها مشاكل , لاتزال حالات فردية لان فى ناس بتشكر فيها , بس عوامل الامان مفيش إرباج و غيره , بس العربية من احسن أنظمة التعليق الموجود فى السوق بس فيها عيب صغير المساحة الداخلية ضيقة شوية .
الجاك عن تجربة شخصية خلال شهرين طاحن العربية عملت بيها 10000 كيلو متر الحمد الله العربية أكثر من ممتازة كل حاجة كويسه , ظهرت بعض المشاكل البسيطة جدا و غير مؤثرة ممكن تشوف التقرير اللى انا عملة فى نفس القسم ثبات العربية حتى 190 كيلو ممتاز التكيف رائع الخامات أفضل الموجود فى الصيني حاليا الشكل الخارجى مفيش تقليد ذات شخصية منفردة و نصيحة هى الافضل حالياً يمكن علشان عندى الجاك برشحالك بس فعلا العربية جيدة .
الانجلون مجربيتهاش بس اعتقد هى عربية كويسة هى جيلى بس فى ثوب جديد
الوكيل بتاع الجاك و عن تجربة مش وحش يعتبر كويس و عايز يحقق شي مع الموديل دة بالذات .
إستخير الله و ربنا يوفقك للخير (جاك بى 15 إن شاء الله ) :)
و تحت امرك فى اى معلومات عنها .
-
انا شفت الانجلون فلشارع
مميزاتها
سعر منافس
توكيل محترم
توفرها بشكل كبير واستلام علطول
اعتقد الجاك تتفوق في الشكل المنفرد
الطبلوة الرائع وخامات التقفيل
الوسع الداخلي وقاعدةعجلات بفارق 20سم عن الانجلون ودةبيدي راحة غيرطبيعية للي قاعد ورا مع فتحة تكيف ورا
عفشتها مش مريحة زي الالماني والاوروبي
بس اديها جيد فقط
تكيفها رائع فنظري
مجرببتش الثبات لاني مبحبش الجري
لكن في المجمل انامعايا جاك
والله اربعة بيركبو ورا وبالتكيف والسحب مبيتأثرش التأثير الشديد خالص
بس لماركب 4 ورا حكت فمطبين فاضطريت اعرض علمطبات ادام العدد 4 و4 كبار مش صغيرين
اجمالا انا مقتنع بالجاك
والقرار قرارك وربنا يوفقك للاحسن سواء الجاك السندريلا او الانجلون الجميلة او الاف 3 الي بدأت تنتشر بشكل ممتاز
-
-
انا معى السيارة وهى ممتازة وتم تعديل نظام الهواء للتبريد المحرك لمروحتين بدلا من واحدة فقط وتعمل بحالة ممتازة...
Content Relevant URLs by
vBSEO 3.6.0 PL2