المضوع المكتوب مفيش فية كلمة صح ولا يمت بصلة للدين المسيحى و ينم عن جهل صاحبة بالدين المسيحى وواضح انه ليس مسيحى وما هدف الموضوع اساسا .
هذا المنتدى خاص بالسيارات و لا يجب كتابة اى موضوع بة بخصوص الأديان وشكرا
---------------------
الأخ الفاضل
سيتم حذف الموضوع استجابة لطلبك ولكثيرين ولكن بعد عدة أيام ليس لجودة المكتوب ولا لجودة كاتبه ولكن لعرض ردود الأخوة مسيحيين ومسلمين عليه وإظهار ما يخفى من نواياه الغير سوية.
الإدارة4
أقولك أنا يا مينا (الحقيقى)، الأخ اللى مسمى نفسه مينا (المزيف) اسمه الحقيقى طارق الجوهرى، و كل شوية يدخل باسم علشان يعمل مشاكل لانه انسان مريض و شخصيته هستيرية، يعنى مينفعش يعيش من غير ميكون تحت الأضواء و هو مش مسيحى و اللى اعرفه انه (ملحد) حسب ما هو كاتب فى خانة معتقداته الدينية فى ال FaceBook
http://www.nilemotors.net/Nile/showt...A+%C7%E1%E1%EC
المهم بقاله فترة بيستخدم اسم مينا و عمال يلعب على وتر الدين علشان يولعها و موضوع التعميد ده دليل على كده و دليل كمان على غبائه المعهود - فعلا مابيخيبش ظنى فيه - هو راح عمل بحث على جوجل بكلمة (خطوات التعميد) و طلعلوا النتائج دى http://www.google.com/search?hl=en&q...=Google+Search
و هوب راح ضارب الخطوات من أول موقع مع انه موقع ملوش دعوة بالكنيسة المصرية.
البتاع ده مش هيبطل و هيفضل يلعب لعبته علطول، بس مش مشكلة، بيكشف نفسه بسهولة علشان غبى.
على فكرة لو مينا (المزيف) عنده كلام يكدبنى، ياريت ييجى المقابلة و يثبت لنا انه مش طارق الجوهرى و ساعتها هعتزر له قدام كل الناس.
يا عم حسام انا مصدقك من غير حاجة ياباشا
احنا ممكن نلقبك بـ مدير أمن المنتدي أومدير مخابرات المنتدي
أما مينا أو طارق أو أي اسم (كانو كتييير) ربنا يهديه و يتولاه
أتفق معا مينا برجاء حذف الموضوع
والله انا كنت عارف انه هوا نفس الشخص من الاول بس قلت الناس مش هتصدق لما اقول كده .... يا عمنا يا صاحب الانوس الفضى ملاكى القاهره 919214 ارحمنااااااااا
انا مش مع الادارة بابقاء الموضوع لعدة ايام انتظارا لردود الاعضاء ..
مادام الموضوع عرفت نوايا صاحبه .. و عرف ان به اخطاء ..فاعتقد الحذف السريع اولي في هذه الحالة .. اغلاقا لابواب ممكن ان تفتح مرة اخري.
الله الله
هى وصلت لمعرفة رقم و لون سيارة صاحب المشاركة ، كل ده من الاى بى نامبر
___________
انا كان عندى برنامج كدة زمان بس للاسف مسحته : )
________________
يا جماعة انتوا مينخفش عليكوا ، ما شاء الله المنتدى كله ناس مهذبة و يتمتعوا بالذوق و الادب و الاخلاق و طبعا بالعقلانية ووزن الامور بالميزان المظبوط و معرفة نوايا التى قد تكون وراء المشاركات ، و ده اللى مدى للمنتدى سحر خاص .
تحياتى
للاسف هو فعلا انسان كداب وانا اتعمدت اكشف كدبوا امبارح مرتين فى الموضوع دا
http://www.nilemotors.net/Nile/showthread.php?t=15093
بس انا معرفش اذا كان هو طارق ولا لاء
ما شاء الله ما شاء الله
سيادة اللواء حسام حسن اهنيك على حسك الامني العالى بس بصراحة شغل مباحث جامد
وعارف كمان كتب ايه وفين يوووووب
الواحد يخاف منك وانا اللي كنت فاكر اني انا بس اللي بفكر بالطريقة دي واحط نفسي مكان الخصم
حبيب قلبي يابو ليليا
------
استاذ حسين مساعد مدير الامن
ايه الحس الامني ده
امال لو ادينالكم الايبيهات اتللي دخل بيها هاتعملوا ايه
هاتجيبوا بيسمع ايه دلوقتي في الانوس الفضي 919214
ها ها ها
ومش بعيد ترشقوا شريحة جي بي اس في العربية ونشوف رايح فين وجاي منين
الله ينور عليكوا يا نايلموتورزاوية
حسام باشا أحنا عندنا فى المصنع عايزين مدير أمن - شغال الموضوع دة معاك ولا اية :-)
يا كربم باشا ورديات شغله فى السوق الحرة بالمطار سهل تتعرف و كمان عربيته بتبقى مضلمة الباركينج كتير، يعنى حكاية شريحة الجى بى اس سهلة أكتر و بجد هو صعبان عليا علشان هو محتاج يتكلم مع دكتور نفسانى بخصوص المشاكل اللى عنده.
بالنسبة لشغلانة مدير الأمن يا محمد، للأسف ماانفعش فيها علشان مبحبش ابقى مدير، بس عموما ربنا يخليك علشان فكرت فيا.
ربنا يزيدك كمان وكمان - بس لية متنفعشى تبقى مدير - مصيرك فى يوم من الأيام تبقى مدير ورئيس مجلس أدراة أو عضو منتدب كمان فى شركة تحفة أنت تستاهل كل خيراقتباس:
للأسف ماانفعش فيها علشان مبحبش ابقى مدير،
يا جامد يا حسام
هو الواد دا مافيش فايده منه و كل مرة غباؤه بيكشفوا
على راي القصبجي
هو بوشه بغباوته بشكله العكر
فعلا ما بيتعلمش من اخطاءه ابدا ولازم يسيب ديل وراه
ها ها
للأسف إتخدعت فيه :(
و كان عامل نفسه طيب و متدين و معرفش إيه و رحت دافعت عنه
أنا شفت هو جايب الكلام ده منييين ..... لقيته جايبه من مقالة بتتكلم عن طائفة المندائيون فى العراق و لبنان تقريباً ........ بس دول مش مسيحيين أساساً ....... واضح إن الأخ طارق ده ملوش مله و لا دين لما كل شوية يعمل نفسه تبع طائفة ... معلش يا جماعة ... بس دلوقتى إتأكدت إنه هو طارق و إستخدمت نفس الطريقة اللى إنت إستخدمتها يا أستاذ حسام و وصلت لنفس نتيجتك :D كان المفروض أصدقك من الأول :o
هو كل شويه يتنيل يقرفنا فى المنتدى !!!
بس فى كلمة زنقانى .... بس يا ريت محدش يفهمها غلط :confused:..... هقولها و أمرى لله :)
أنا قريت موضوعه و كان أهم حاجة كنت مهتم بيها فى هذا الموضوع هى الردود .. عشان أعرف رد فعل الأعضاء على أى موضوع دينى
و للأسف لقيت عضو واحد رد بتعصب ..... بس الحمد لله مكنش زى المواضيع اللى فاتت كنت بلاقى يجى خمسة ستة
تعليقى على الحكاية إن برضه فى ناس لسه بتعتبر إن الأخر ملهوش حق زيه
بغض النظر عن إن ده منتدى سيارات و كده لكن برضه كان فى إنتقادات واضحة ليه و لموضوعه و كمان لعقيدته ..... و مأظنش العضو الكريم اللى قام بإنتقاد الموضوع كان يعرف إن ده طارق أو واحد عاوز يوقع الناس فى بعض !!!
....و علىَ أن أتوقع إنى لو نشرت موضوع دينى يخص المسيحيين (مع إنى مش ناوى إلا لو فى حاجة هتلقى إهتمام من كل الأعضاء زى مقالات البابا شنودة فى جريدة الأخبار كمثال) إنى هلاقى نفس ردود الأفعال و أبقى عارف إن موضوعى هيلقى نفس المصير بتاع كل موضوع من هذا النوع .... يتطور الحوار و تحصل خناقات بين الأعضاء و فى الأخر يتقفل و شكراً :cool:
عامة هى ثقافة منتشرة و هتاخد وقت على ما تتغير
نفسى كل الناس تعرف إن زى ما إنت بتاخد حقوقك ... متحرمهاش على غيرك ...... مش بس فى الدين .... فى كل حاجة فى حياتنا حتى فى السواقة .
بس برضه أرجع و أقول صوابع إيدى مش زى بعضها و مش كل الناس هتبقى على هوايا
شكراً للإدارة و للأستاذ مينا على إنه تابع الموضوع :) و أسف إنى دافعت عنه قبل كده بس طلع كلامكم صح فى ناس بتلعب على وتر خطير جداً ...... و للأسف بنصدقهم.
انا مكنتيش هعلق على الموضوع الا انى لقيت فية كلام لا يمت بصاة للدين المسيحى تحت مسمى التعميد للمسيحيين وفية جرح للاخوة المسلمين زى ما انتوا شايفين مش كلوا اتقبل الموضوع وعموما هو كلامة الى فضح جهلة و محاولتة لاثارة المشاعر .
لو جبت مقالات البابا شنودة محدش هيعترض لأنة كلام للمنفعة العامة ولا يجرح مشاعر أحد.
و انا من المؤيدين لعدم فتح مواضيع دينية فى منتدى سيارات .
رجاء من الادارة حزف الموضوع فى الحال و عدم الانتظار وشكرا لادارة على تفهم الموضوغ و لكل الاخوه على تعليقاتهم المفيدة
اضم صوتى للأخوه بضرورة حذف الموضوع فوراً ... انا حاولت ارد على الموضوع واوضح انه مالوش اى علاقه بالمسيحية بس الموضوع كاناتقفل
ترك الموضوع كده مش هايجيب غير المزيد من المشاكل والتساؤلات والبلبله خللى بالك مش كل واحد بيقرأ الموضوع ده بييجى هنا يقرأ الردود .. إلا لو الإداره مشكوره تحط لينك فى الموضوع الاصلى انه فى ردود عليه هنا
انا بصفتى عضو مسيحى فى هذا المنتدى اللذى اقضى فيه 90% من وقتى على النت ولايمكن ان يمر يوم بدون ان اتصفحه اشكر جميع الاخوه الاعضاء اللذين طالبو بحذف الموضوع لعلمهم بسوء نية كاتبه وصدقونى لم اتفاجىء بهذا الموقف لانى اعلم تماما ان الغالبية العظمة من اعضاء هذا المنتدى شخصيات مثقفه ومحترمه ولديها وعى اخلاقى ودينى و احترام ومحبه للاخر وكلنا يعلم انه لم يعد امامنا جميعا مسلمين ومسيحيين سوى مواجهة من يحاول المساس بوحدة هذا البلد لاننا فعلا مش ناقصين كمان فتنه طائفيه . كفايه قوى ظروف البلد اللى لا تسر عدو ولا حبيب . ومنه لله اللى يحاول يمس هذه الوحدة . والشكر كل الشكر لكل من ساهم بالرد .
ارجو حزف الموضوع فوراا لا مجال للانتظار ممكن ان يحدث صدامات
بين الاعضاء بسبب هذا الموضوع لذلك ارجو حزف الموضوع فورا
شكراا يا حســــــــــــــــــــام لكشف حقيقة مينا حسبى الله ونعمة الوكيل فيه
يا خبر أبيض هو فيه ناس كده :eek::eek:
إيه حكاية الاخ طارق ديه أظن إن فيه ناس و أنا منهم ما يعرفوش حاجة عنها :confused:
على العموم الامر لم يخلى من منفعة و أدينا شفنا ردود محترمة جدا من الاعضاء مسلمين و مسيحيين...... ياريت الردود ديه ما تتحذفش و نحذف بس رأس الموضوع
بارك الله فيكم جميعا و ربنا يهدي الجميع
100++++++++++++++++++++++اقتباس:
المشاركة الأصلية كتبت بواسطة sharky
ميزا-مينا - ماجد
كويس انكم عرفتم ان هناك من يحاول زرع الفتنة بيننا
وان الالحاد من اخطر الاشياء زي ما قولتلك قبل كدة يا ميزا لو تفتكر
لانه مالوش كبير ومالوش مقدس يحترمه
ليس له اله
اما عن الثقافة الحوارية فاكيد دي واحدة واحدة هاتتغير
واديكم شفتم طبيعة الردود انها مش زي الاول وانه في تغيير للافضل حواريا
بس بيني وبينكم هو حط الموضوع بطريقة مستفزة مش مجرد مقال عايز بيه منفعة
لاء ده حطه بطريقة ايجاد الفتنة
اما عن المواضيع الدينية وشكلها واسلوبها فالادارة في طريقها لمناقشتها على ان يتم التوصل لقواعد يلتزم بها الجميع
لكم مني كل احترام
كريم منير
+100000000000اقتباس:
المشاركة الأصلية كتبت بواسطة Hassan Khalil
و أنا أتفق معك يا أستاذ كريم فى إن الملحد خطر جداً جداً على المجتمع ..... أنا لم أعارضك فى ذلك .... لكن كان الإعتراض على كيفية التعامل معهم خصوصاً إنهم عندهم حالة عِند رهيبة .... دى كانت كل الحكاية .... لكن بالطبع دول أخطر شىء على المجتمع و ترابطه لأنهم زى ما قلت حضرتك قبل كده ملهمش كبير ..... أنا موافقك الرأى تماماً ... الإختلاف فقط كان فى طريقة التعامل مع الموضوع ........ بس كدهاقتباس:
المشاركة الأصلية كتبت بواسطة karim_monir
و بالنسبة للثقافة الحوارية فى المنتدى . فأنا شايف إنها كانت فى الأول خالص -أول ما إشتركت- ممتازة جداً و الناس كانت ذات ذوق رفيع نادراً ما كنت أجده فى معظم الحوارات على النت ...... بعد فترة إبتدت ناس جديدة تشترك فى المنتدى بأعداد متزايدة .... فعادت لغة الحوار إلى الإنحدار قليلاً .. و كنت بلاقى كلام يشل بصراحة فى المنتدى و ساعات كان بيوصل للتلفظ بألفاظ خارجة لم نعتاد عليها و طريقة حوار غير لائقة .... لكن الإدارة و الأعضاء القدامى لاحظوا ده و أنا فاكر إن الأستاذ سبعاوى نبه على الموضوع ..... و إبتديت أشوف عقلانية فى الحوار تانى .... و لما بيكون فى موضوع ملهوش لازمة فى المنتدى أو فى معلومات خطأ .... كنت بلاقى رد عقلانى جداً من الإدارة و الأعضاء .... بدلاً من السلبية ... و ده شىء مطمئن بصراحة ..... لأننا قدرنا نضم شريحة جديدة فى المنتدى و فى نفس الوقت نحافظ على لغة الحوار الراقى
و نحن فى إنتظار تلك القواعد من الإدارة ....... عشان نعرف راسنا من رجلينا و فين الصح و فين الخطأ
و مزيد من التقدم لنايل موتورز إن شاء الله .... أنا متفأل بالمنتدى الجميل ده :)