عايز اعرف اية احسن منطقة فى عين شمس يعنى تكون منطقة كويسة ,وهادية نوعا ما وشارع معقول فى المساحة ,وياريت لو فية مشاكل من اى نوع فى المرافق تقولوها ولو حد يعرف سعر المتر حوالى كام يبقى شاكر ليكم جدا
عرض للطباعة
عايز اعرف اية احسن منطقة فى عين شمس يعنى تكون منطقة كويسة ,وهادية نوعا ما وشارع معقول فى المساحة ,وياريت لو فية مشاكل من اى نوع فى المرافق تقولوها ولو حد يعرف سعر المتر حوالى كام يبقى شاكر ليكم جدا
سعر المتر فى عين شمس حدرتك متقدرش تدفع تمنه مع احترامى ليك خصتا لو انت عاوز ارض بالمساحه الى انت بتقولها .
انا على فكرى اقصد عين شمس الشرقيه.
لو شقة في عين شمس الشرقية المتر هيبقى مش اقل من 2000 جنيه
اقتباس:
المشاركة الأصلية كتبت بواسطة nedved
شكر لردك بس انا مش بتكلم على ارض انا عايز اعرف بس سعر المتر هناك كام بالنسبة لشقق
وعين شمس الشرقية دية فين
اقتباس:
المشاركة الأصلية كتبت بواسطة felix
هية فين عين شمس الشرقية انا شايف ان حضرتك ساكن هناك وياريت تقولى احسن مكان هناك اية
اولا عين شمس فين؟تركب المترو القديم بتاع حلوان - المرج وتنزل محطة عين شمس وطبعا هى اتجاه المرج وتطلع من الماكينة بتاعة التذاكر يمين (الشرقية) شمال (الغربية) وانا هكلمك على الشرقية
ثانيا احسن الاماكن زى ميدان النعام وشارع منشية التحرير-شارع متحف المطرية-شارع سليم الاول-شارع احمد عصمت-شارع ابراهيم عبد الرازق-- وده اللى فيه كلية الهندسة جامعة حلوان-شارع عين شمس-شارع صعب صالح-ودى شوارع رئيسية
وفى زهراء عين شمس الشرقية ودى منطقة اقل منها شوية واشهر شوارعها العشرين-الزهراء-6 اكتوبر وده اللى طالع على شارع جسر السويس وامتداده على الكلية الحربية عند الاستاد-احمد عرابى-مصطفى حافظ
وبالنسبة للاسعار مش عارف بس هتلاقى تفاوت حسب المكان انا بعتبرها فيها كل فئات الشعب
انت كدة جبت من الاخر بس عايز اضيف حاجة صغيرةاقتباس:
المشاركة الأصلية كتبت بواسطة afterburner
ياريت تبعد عن المزلقان اكبر مسافة تقدر عليها
بالنسبة لاحسن مكان هيبقى قبل المزلقان طبعا وما ادراك ما المزلقان بوقفتواقتباس:
المشاركة الأصلية كتبت بواسطة semsem kane
اقتباس:
المشاركة الأصلية كتبت بواسطة afterburner
شكرا جدا ياباشا
بس عايز اعرف ش العشرين دة كويس وهادى ولا زحمة واية نظامة معلش هتعبك معايا واروحة ازاى
+111اقتباس:
المشاركة الأصلية كتبت بواسطة felix
شارع مش هادى خالص وانصحك تبعد عنه ولو عايز تروحله بعد ماتنزل من المترو تسأل على ميكروباصات الزهراء وتركبه هيمشى فى شارع الزهراء وتنزل العشرين اخر الزهراء وده هيبقى فى نصف شارع العشرين الميكروباص هيدخل شمال ويكمل فيه لحد مايقابل المزلقان واسمه مزلقان العشرين مش هيعدى المزلقان هيدخل يمين وده شارع 6 اكتوبر ولو انت نزلت اخر الزهراء وتدخل يمين هتمشى فى العشرين لحد شارع احمد عصمت وانا رأيى تخليك فى عين شمس الشرقية نفسهااقتباس:
المشاركة الأصلية كتبت بواسطة semsem kane
لو عايز تروح بعربية قولى هتيجى منين واوصفلك
النعام احسن منطقي هنااك
او منطقة جنينة الشريف قبل النعام
ممكن اسال حضرتك اشمعنى عين شمس
انا اخويا كان ساكن هناك بالقرب من مصطفى حافظ لكن الحمد لله ربنا فك اسره من زمان
لو حضرتك بتدور على مكان معقول وهادى وقريب من عين شمس يبقى خليك ناحية سرايا القبة او حمامات القبة
الفرق كبير بينهم وبين عين شمس
وربنا يوفقك
نصيحة لوجه الله ابعد عن عين شمس وغنيلها
وفى فرق كبير فى السعر برضه:120146bاقتباس:
المشاركة الأصلية كتبت بواسطة dolly13
بس عين شمس فيها اماكن زى سراى او حمامات القبة كويسة برضه
انا عن نفسي الشارع اللي انا ساكن فيه يعتبر الي حد ما واسع ونضيف وجميل بس المشكلة انه بعد مزلقان عين شمس مش العشرين
وتقريبا احسن منطقة هي المنطقة اللي حوالين مدرسة الشمس
حضرتك عين شمس ملهاش دعوة بحمامات وسراي القبةاقتباس:
المشاركة الأصلية كتبت بواسطة afterburner
اكيد يقصد انها قريبة بس المشكلة ان سراي القبة اسعارها غالية اوياقتباس:
المشاركة الأصلية كتبت بواسطة أبومريم
+111اقتباس:
المشاركة الأصلية كتبت بواسطة felix
انا الشارع بتاعي هادي جدا و ببوص علي المترو من البلاكونة و كمان انا في هندسة المطرية يعني خمس دقائق من البيت
انا شاكر ليكوا جدا على النصايح اللى قولتهالى بس انا كنت عايز اعرف بس اسعار المناطق واية احسن اماكن قبل ماجيب شقة
فواحد ابن حلال راح قايلى عين شمس جميلة وبنتى ساكنة هناك فقولت اما اشوف الدنيا هناك فيها اية وطبعا كالعادة قبل ماعمل اى حاجة سألت اخواتى
متشكر ليكوا جدا
بص يا سيدي عين شمس أنضف منطقة فيها النعام و النعام أصلا كانت عبارة عن فلل واستراحات لعلية القوم زمان يعني كانو بيروحوا يقضوا الويك اند في النعام بس دلوقتي كل الفلل دي بتتهد وبيطلع مكانها عمارات 10 ادوار والمشكلة الحقيقية إن البنية التحتية للمنطقة دي يا دوب كانت شايلة عدد السكان وتضاعف عدد السكان دا بيأثر على المرافق فتلاقي كل كام يوم المجاري مغرقة شارع من الشوارع وكل يومين بالكتير تلاقي الكهربا قطعت عشان كدا قلتلك بلااااااااااش عين شمس
بص ياباشا انا من سكان شارع سليم الاول يعني قريب من النعام و عين شمس و دي احسن حتة و بجد منطقة جميلة جدا جدا عندنا في عمارة بتطلع في وشي المتر 1700 و 2000 و بجد منطقة حلوة اوي اوي بس ابعد عن عين شمس و النعام نفسة دي في الوسط شارع سليم الاول جنب كنتاكي و عمر افندي و البنك الاهلي و منطقة حلو ة وحيوية شارع عمومي بس المشكلةو دوشة شوية لانة شارع عمومي اتمني اكون فيدك علي قد ما اقدر و اسف علي الاطالة
اقتباس:
المشاركة الأصلية كتبت بواسطة evram
شكرا جدا ياباشا على مجهودك وتعبك
بص ياباشا من عن احمد عصمت وانت نازل للحلمية كل دة مية مية ومناطق كويسة كتير عن عين شمس نفسها اللى هيا بعد المزلقان
انا فى النعام عن موبيل
المتر من 2000 لحد 2500
والشقق فى الابراج الجديدة من 250000 لحد فوق عشان مساحتهم كبيرة