مساء الخير لاأعرف كيفية استخدام الكمبيوتر وخصوصا كيفية عمل تصفير العداد برجاء المساعدة مع جزيل الشكر
عرض للطباعة
مساء الخير لاأعرف كيفية استخدام الكمبيوتر وخصوصا كيفية عمل تصفير العداد برجاء المساعدة مع جزيل الشكر
بس يا سيدي في الدراع اليمين زرار زي زرار الكلاكس بالظبط في نفس المكان ( ده في اليمين و ده في الشمال )
في سبع وظائف بسبع تكات كل تكه بوظيفة .
لما تدوس دوسة طويلة على الزرار إللى في نص التابلوه ( إللى بين عداد السرعة و الإ آر بي إم ) في زرار بارز للخارج دوس عليه دوسه طويلة هتلاقي كل حاجة إتصفرت ماعدا عداد الكيلومتر الرئيسي طبعا .
فهمت ولا أقول تاني .
شكرا على الرد ولكنى حاولت الضغط على هذا الزرار و لونه اسود وكان يغير الساعة فقط
شكرا ياباشا النهارره قمت بتصفير العداد عنطريق استخدام الزرار الأسودولكن عندك معلومات أكثر تفصيلا عن كيفية الأستخدام ملحوظة الكمبيوتر عندى بيقول أن متوسط الأستهلاك للبنزين 10,4 فى حين أن عدد من الأعضاء بيقول أن متوسط الأستهلاك مابين 7 و8 لتر فماتعليلك وشكرا
بص يا سيدي لو صفرت العداد و إنتا بتسخن الصبح مثلا يبقى إنتا إستهلكت بنزين من غير ما تمشي متر واحد ,
'طيب لو صفرته و إنتا ماشي و داخل على منطقة زحمة يعني إشارات و أولاني في تاني هتلاقي الإستهلاك يعمل 10 و 11 كمان ، إنما لو عايز تحسب صح إعمل الآتي : -
إطلع على طريق سفر و يكون مش زحمة و صفر العداد و بعد ربع أو نص ساعة شوف المتوسط إستحالة هيعدي 5,5 لتر لكل 100 كم و بالتكييف .
على فكرة إستهلاك العربية دي في البنزين رائع و أحسن من عربيات كتير 1300 سي سي .