لمحبي تعديل الفليشيا و الفيفوريت

**crazylambada** · 22-08-2010 02:58 AM

بص المشكله ان انا مسافر بره مصر فمش حعرف اسالك و بعدين لو حتركب فتيس اتوماتيك حيبقى فتيس بولو و هل ينفع يركب على الموتور بتاعك و لا لأ فلازم تاجر استيراد هو اللي يقولي على الموضوع بالنسبه للباور فهو عادي

**ArafatEHegazy** · 24-08-2010 04:23 PM

المشاركة الأصلية كتبت بواسطة crazylambada

بص المشكله ان انا مسافر بره مصر فمش حعرف اسالك و بعدين لو حتركب فتيس اتوماتيك حيبقى فتيس بولو و هل ينفع يركب على الموتور بتاعك و لا لأ فلازم تاجر استيراد هو اللي يقولي على الموضوع بالنسبه للباور فهو عادي

ترجع بالسلامة ان شاء الله.
وعلى كده التكلفة بتاعتهم هتبقي في حدود كام؟ ولو هجيب فتيس بولو دا بيجي كامل بكل حاجه ومعاه دراع الفتيس ولا هدور على دراع يركب عندي. وهل دا في بهدلة للصالون وقص صاج و تخريم؟
أنا كنت فاكر ان في فتيس فليشيا اتوماتيك بينزل استيراد ولا حاجه.

**crazylambada** · 24-08-2010 11:09 PM

بص اصبر لحد ما انزل لان الاسعار بتتغير من وقت للتاني
على العموم ممكن تنزل الحرفيين و تروح لمحل اسمه بيت الجولف فشارع مرسيدس تقريبا و اسال الراجل هناك خليه يشوفلك العربيه و الموتور ينفع و لا لأ

**misoalex** · 09-09-2010 08:28 AM

طب ممكن سؤال هى الفرامل الخلفيه للفليشا عامه ممكن تتحول لطنابير بدل الطبله
زى الاوكتافيا كده يعنى

**moataz200730** · 09-09-2010 02:02 PM

معلش عايز اعرف هو لو واحد عمل تعديل و سقط موتور اوكتافيا يبقى فى تعديل ف الفرامل ؟؟ و هل ممكن يكون فى abs???

**crazylambada** · 11-09-2010 12:59 PM

اسف على التاخير

المشاركة الأصلية كتبت بواسطة misoalex

طب ممكن سؤال هى الفرامل الخلفيه للفليشا عامه ممكن تتحول لطنابير بدل الطبله
زى الاوكتافيا كده يعنى

اه ممكن بس حيبقى فيها تعديل جامد

المشاركة الأصلية كتبت بواسطة moataz200730

معلش عايز اعرف هو لو واحد عمل تعديل و سقط موتور اوكتافيا يبقى فى تعديل ف الفرامل ؟؟ و هل ممكن يكون فى abs???

اكيد لازم يحصل تعديل في الفرامل و ممكن تشغل الاي بي اس بس حتحتاج ضفيره كامله للعربيه بالتابلوه بتاع الاوكتافيا او تابلوه تاني ممكن توصل ليه اشارات الحساسات بتاعت الاي بي اس

**misoalex** · 12-09-2010 01:31 AM

اه ممكن بس حيبقى فيها تعديل جامد

ازاى وايه الى حيتعدل وحتحط ليها طنابير ايه ممكن معلومات

**Adham** · 12-09-2010 01:58 AM

المشاركة الأصلية كتبت بواسطة mahsoona

ده فى حاجه كمان الواحد مكانش واخد بالو منها خالص ,العربيه ثلاثه سلندر فلو ركبت موتور تانى أربعه سلندر لازم أغير فى الشكمان كمان لأن الهيدر الموجود بتاع تلاته سلندر فقط ,بس هل انا كده هكون عايز شكمان من أوله لأخره ولاهاعدل حاجات فى إلى راكب بس

أي موتور استيراد بييجي بفرن الشكمان و دة بس اللي انت محتاجه بقية الشكمان زي ماهو

المشاركة الأصلية كتبت بواسطة crazylambada

المكنه بالفتيس بالكنترول بالضفيره يعملوا 3.5 و تكييف 2 و حتحتاج دوره التبريد 500 يبقوا 6000 جنيه
حط تكاليف تسقيط ميكانيكا و كهربا لو في القاهره 2500 لكن في الزقازيق عندي 1500
يعني الموضوع كله يخلص على 7.5 - 9 الاف

معلش ماتأخذنيش و تقبل احترامي بس الاسعار دي مبالغ في بعضها قوي

يعني تكييف ب 2000 جنية كتير لان الكمبريسور في الموتور اصلا و اللي بيتضاف بس الكويل و السربنتينة و الخراطيم و الفلتر , هل دول ب 2000 جنية

و ميكانيكي و كهربائي ب 2500 جنية لتسقيط موتور دي انا شايف انها صعبة شوية ولا التوكيل

المشاركة الأصلية كتبت بواسطة crazylambada

لا من غير التكييف بكباس التكييف و ده قوته اكبر من بتاعي ب30 حصان فرق و ممكن تجيبه اتوماتيك

تاني ماتأخذنيش . عمري ماسمعت ان فية تكييف عربية الكباس بتاعه اكبر ب 30 حصان من كباس تاني , هو كباس تكييف العربية اصلا قوتة كام حصان ؟؟؟

المشاركة الأصلية كتبت بواسطة crazylambada

الاستفسار التاني المواتير الممكن تسقيطها في الفليشيا او الفيفوريت
طبعا فيه كتير بس حقول افضل مواتير او احدثها
1300 الكبراتير بتاعها و فيه الانجكشن بتاعها او الهاف انجكشن
1600 كامه واحده انجكشن و دي نزلت استوك فيها و في الابيزا و البولو
و ممكن تسقيط مكنه 1400 كامتين بتاعت البولو بتدي نفس الاداء فرق 2 حصان فقط

المكن التالي محتاج تغيير في العفشه و يشمل الاتي

1600 بولو gti كامتين 125 حصان
1600 sr للجولف 4
1800 العادي و التربو بتاع الجولف 4

دي المواتير اللي اتسقطت في مصر

فيه موتور واحد ادعى بره مصر انه سقطه عليها و هو vr 6 بتاع الجولف 3 و 4 2800 سي سي :d بس مكنش فيه اي دليل صور او فيديو للي عمله
و اي استفسار انا تحت امركم

طالما موتور جولف سقط فيها يبقى اي موتور جولف تاني حايسقط لأن كلهم نفس الاماكن بتاعه القواعد, يعني بالكتير فية قاعدة و للا اتنين حايتغيروا انما العربية اللي يسقط فيها موتور جولف 1600 يسقط فيها ال 1800 و ال 2000 و ال vr6 و ال g 40 وال g60 زيها زي الكورادو واللي بيختلف في العفشة بس مشرشر الكوبلن اذا اختلف

**crazylambada** · 12-09-2010 02:50 AM

المشاركة الأصلية كتبت بواسطة adham

معلش ماتأخذنيش و تقبل احترامي بس الاسعار دي مبالغ في بعضها قوي

يعني تكييف ب 2000 جنية كتير لان الكمبريسور في الموتور اصلا و اللي بيتضاف بس الكويل و السربنتينة و الخراطيم و الفلتر , هل دول ب 2000 جنية

و ميكانيكي و كهربائي ب 2500 جنية لتسقيط موتور دي انا شايف انها صعبة شوية ولا التوكيل

تاني ماتأخذنيش . عمري ماسمعت ان فية تكييف عربية الكباس بتاعه اكبر ب 30 حصان من كباس تاني , هو كباس تكييف العربية اصلا قوتة كام حصان ؟؟؟

طالما موتور جولف سقط فيها يبقى اي موتور جولف تاني حايسقط لأن كلهم نفس الاماكن بتاعه القواعد, يعني بالكتير فية قاعدة و للا اتنين حايتغيروا انما العربية اللي يسقط فيها موتور جولف 1600 يسقط فيها ال 1800 و ال 2000 و ال vr6 و ال g 40 وال g60 زيها زي الكورادو واللي بيختلف في العفشة بس مشرشر الكوبلن اذا اختلف

بالنسبه لاسعار التكييف انزل و اسال ده سعرها و خش على مواضيع لاعضاء تانيين التكييف مش كمبروسر بس
و 2000 شامل التكييف لان انا بتكلم على تكييف كامل يتركب على موتور مفيهوش تكييف

و بالنسبه للمصنعيه ياريت تنزل تشوف التعديل ابسط حاجه فك التابلوه في توكيل بيجو مثلا ب850 فالاسعار مش زي التوكيل و الموضوع مش سهل زي ما انتا متخيل الاسعار ديه قدامي لناس دفعوها و دفعتها و الله لو عرفت تعملها بسعر اقل يبقى كويس

بالنسبه للمواتير لأ لان ببساطه ممكن حوض العربيه حجمه ميكفيش الموتور غير هل هيكل الحوض حيستحمل الموتور بقوته و العفشه حتستحمل قوه المكنه و لا العربيه حتبقى موطيه لقدام علطول و مركز الثقل بتاعها مش مظبوط

بالنسبه لموضوع التكييف انا بتكلم على المواتير مش التكييف ياريت تفهم كلامي ككل مش تلقط جمله انا بتكلم ان الموتور اكبر ب 30 حصان الموتور كمجمل اكبر من بتاعي ب 30 حصان الكلام واضح
وشكرا على الاهتمام

**Adham** · 12-09-2010 03:09 AM

المشاركة الأصلية كتبت بواسطة crazylambada

بالنسبه لاسعار التكييف انزل و اسال ده سعرها و خش على مواضيع لاعضاء تانيين التكييف مش كمبروسر بس
و 2000 شامل التكييف لان انا بتكلم على تكييف كامل يتركب على موتور مفيهوش تكييف

انا مقلتش كدة,انا قلت الكومبريسور في الموتور بييجي معاه و فقطتلك بقية التكييف فوق:

كويل و سربنتينة و خراطيم و فلتر قوللي انت كل حتة فيهم بتتباع بكام ؟؟ كلهم مايعملوش 1200 ج

و بالنسبه للمصنعيه ياريت تنزل تشوف التعديل ابسط حاجه فك التابلوه في توكيل بيجو مثلا ب850 فالاسعار مش زي التوكيل و الموضوع مش سهل زي ما انتا متخيل الاسعار ديه قدامي لناس دفعوها و دفعتها و الله لو عرفت تعملها بسعر اقل يبقى كويس

هو انت حاتفك التابلوة في التوكيل علشان تسقط موتور !!! كهربائي بكام يضبط ضفيرة و ميكانيكي بكام علشان يسقط الموتور و يعدل قواعد و يدور الاتنين على بعض ب 2500 ج لية ولا حتى 1500 جنية !!! خللي بالك انت مش بتكلم واحد مابيعرفش انت بتكلم واحد شد اكتر من 15 عربية و سقط 7 او 8 مواتير و تعديلات و شغل مابين جولف و شيروكو و هوندا مش لسة بنتعلم

بالنسبه للمواتير لأ لان ببساطه ممكن حوض العربيه حجمه ميكفيش الموتور غير هل هيكل الحوض حيستحمل الموتور بقوته و العفشه حتستحمل قوه المكنه و لا العربيه حتبقى موطيه لقدام علطول و مركز الثقل بتاعها مش مظبوط

حوض العربية واحد و العربية الجولف ال 1600 هي هيه نفس العربية اللي بيتسقط فيها الVR 6 او ال G 60 حوض الجولف من مصنعها واحد مابيعملوش احواض اوسع و أضيق و لا هيكل الحوض حايختلف لان تخانة الصاج واحدة سواء جولف 1300 و للا 1800 و للا في ار 6 كبيرها حا تركب فيها شداد بين الكارتيرتين
زيادة من عندك
اخيرا تقبل مروري و اعذرني ان كان كلامي ضايقك

الموضوع: لمحبي تعديل الفليشيا و الفيفوريت

LinkBack

أدوات الموضوع

عرض

-

-

-

-

-

-

المواضيع المتشابهه

تعديل لنيسان صني ex لمحبي الثبات و القياده السريعه

مساعده من اصحاب الفليشيا..محتار فى سعر الفليشيا ... وركوبتها

تعديل فرامل خلفي إلي دسكات ينفع (في الفيفوريت )

تعديل الفليشيا

الي خبراء الفليشيا<الفليشيا افضل ام الريجاتا>

الكلمات الدلالية لهذا الموضوع

المفضلات

المفضلات

ضوابط المشاركة