لمحبي تعديل الفليشيا و الفيفوريت

**crazylambada** · 23-05-2010 09:28 PM

السلام عليكم ورحمه الله وبركاته
الموضوع ده معمول لمحبي تعديل الفليشيا و الفيفوريت خصوصا للي شاف موضوع تعديل عربيتي و عاوز يعمل زيها
كنت النهارده عند التاجر الاستيراد اللي جبت منه النص اللي اشتريته و اتكلمت معاه ان فيه ناس سالوني لو فيه مكنه زي بتاعتي بكل تجهيزاتها قال انه ممكن يجيب التجهيزات كلها زي بتاعتي عدا اسكترا الباور و دي ممكن نشوف اسكترا عربيه تانيه بدالها
فدلوقتي اللي عاوز يجيب المكنه بتجهيزاتها زيي ممكن يدي للتاجر بتاعي عربون و هو يجيبهاله و لو حد عاوز يشرفني و يسقطها عندي في الزقازيق عند الميكانيكي اللي عملي العربيه و الكهربائي اللي دورهالي
انا تحت امره الموضوع للافاده و مليش فيه اي مصلحه علشان ميتقالش موضوع اعلاني

و اي استفسار انا تحت امركم في الموضوع ده يعني لو حد عاوز يعمل اي حاجه مش لازم تعديلات ميكانيكيه ممكن تعديلات في الشكل يسالني و ان شاء الله حقدر اجاوب عليها

و حيبقى ميزه الموضوع اننا حنقدر نجمع كل التعديلات في الشكل و الاداء في مجموع واحد من الالف للياء
و شكرا

**crazylambada** · 23-05-2010 09:31 PM

اول استفسار جالي هل ممكن تحويل الفليشيا العاديه لوش اوكتافيا و الاجابه للاسف لأ
لاختلاف قواعد تثبيت الرفارف و الفوانيس دا غير التكلفه العاليه جدا حيث الكبوت لوحده تمنه 1100 جنيه
و الحل هو بيع العربيه و تغييرها بموديل وش الاوكتافيا او تغيير ربع امامي للهاوي الموضوع

**crazylambada** · 23-05-2010 09:36 PM

الاستفسار التاني المواتير الممكن تسقيطها في الفليشيا او الفيفوريت
طبعا فيه كتير بس حقول افضل مواتير او احدثها
1300 الكبراتير بتاعها و فيه الانجكشن بتاعها او الهاف انجكشن
1600 كامه واحده انجكشن و دي نزلت استوك فيها و في الابيزا و البولو
و ممكن تسقيط مكنه 1400 كامتين بتاعت البولو بتدي نفس الاداء فرق 2 حصان فقط

المكن التالي محتاج تغيير في العفشه و يشمل الاتي

1600 بولو GTI كامتين 125 حصان
1600 Sr للجولف 4
1800 العادي و التربو بتاع الجولف 4

دي المواتير اللي اتسقطت في مصر

فيه موتور واحد ادعى بره مصر انه سقطه عليها و هو VR 6 بتاع الجولف 3 و 4 2800 سي سي :D بس مكنش فيه اي دليل صور او فيديو للي عمله
و اي استفسار انا تحت امركم