اقتباس:
المشاركة الأصلية كتبت بواسطة hmatchy
انا موش مع فكرة اللى عاوز يجيب عربية اول مرة يجيب حاجة يوسد يتعلم فيها ويخبط براحتوا
طب ماهو هيخبط فيا و فيك ممكن يخبط بنى ادام ساعتها موش هتفرق زيرو او مستعمل
الفكرة ان اللى يركب عربية ايان كانت يكون بيعرف يسوق
يتعلم كويس فى الاول موش بنقول ياخد غرز ويجرى ويمشيها على عجلتين
لكن على الاقل يكون قلبوا جمد
كلنا فاكرين اول مرة سوقنا فيها بس بعد كدة خلاص بيتولد ثقة فى النفس
انا معارض فكرة عربيه اتعلم فيها علشان احنا بنتكلم عن ارواح ناس
بالعكس بقة لما يجيب زيرو هيخاف عليها وهتساعدو فى السواقة وتلحقوا
موش مثلان يجيب عربية قديمة بتحدف منوا ولا فراملها واطية او فيها مشكلة
المفروض ان السواقة موش فيها فصال
اما بيعرف يسوق و اما محترف
مفيش حاجة اسمها اجيب عربية و اتعلم
ينزل يسوق بليل او فى اماكن فاضية لحد ما يتمكن من انو يعرف يمشى بالعربية ويبطل يبوص على الدوسات تحت رجليه
و فى النهاية كلها نصيب و موش شرط تكون سواق كويس علشان موش تخبط لان للاسف السواقة ملهاش كبير و موش كل واحد مسئول عن غلطوا وبس علشان انت دايماً لازم تتوقع الخطاء من الاخرين او حد جايب عربية يتعلم فيها و يخبط فى الناس لحد ما يتعلم
أوافقك الرأي بشدة
مش فاهم أنا يعني إيه يخبط بيها براحته ... زي مايكون اللى هايخبطه دا مش بني آدم له الحق إنه مايلاقيش بني آدم آخر لمجرد إنه لسة بيتعلم ومش فارق معاه بقى لأن عربيته قديمة بيخبط فيه
أي إنسان بيحترم نفسه (حتى لو راكب عربية قديمة) لازم يكون عنده الحرص إنه مايخبطش خلق الله كدا عمال على بطال أكتر من حرصه على نفسه
يعني لو جاب عربية جديدة هايخاف يخبطها لمجرد إن هية جديدة .. ولو قديمة يبقى يخبط براحته ... طب والناس اللى بتتخبط في الحالتين مالهاش قيمة في المعادلة دي خالص
اقتباس:
المشاركة الأصلية كتبت بواسطة maka
هو العربية القديمة هتعلمه سواقة و صيانة وميكانيكا و ازاى يتعلم يصلح الحاجة بايده وازاى يتعامل مع الصنايعية
لكن من تجربتى مع تعليم اخواتى وقريبى فيه نوعين من الناس نوع بيشرب السواقة يخبط له خبطة ولا 2 و يبقى قرد سواقة ونوع تانى ممكن يفضل يتعلم سنة بحالها و خايف يسوق وبيخبط كتيير
انا راى يشترى حاجة حديثة فى الشعبى لانوس فيرنا ..... يبقى جديد بمميزات القديم ويوم ما ينوى يبيع 1000 واحد يشتريها
رأي جميل يتفق مع واقع المجتمع
بس برضه لو الشخص ده نفسه في سيريون مثلا أو شارك أو سيفيك وعنده قدرة مادية يجيبهم مش معقولة أقوله إركب فيرنا أو لانوس عشان إنت لسة بتتعلم ... لأن حتى فرق سهولة التعلم على كل واحدة فيهم مختلف
أنا فاكر لما زوجتي كانت بتتعلم ,,, كنت بعلمها على البيجو 505 موديل 80 ... يعني عربية قديمة جدا وكمان بدون أي أوبشن فيها (ولا باور ولا تكييف ولا أي حاجة) هية كانت تركبها مرة وتقعد تقول مش عايزة أتعلم سواقة خالص لأنها عربية تقيلة جدا وصعبة في سواقتها ...
لغاية ما جابت نوبيرا أوتوماتيك فول أوبشن كمان ... لاقيتها بدون مبالغة بتتعلم السواقة لوحدها يمكن إرشاداتي ليها كانت قليلة جدا ,,, وفعلا الموضوع كان سهل جدا بالنسبة لها
وحتى لما باعتها وجابت الألتو المانيوال إتعودت على تغيير النقلات فيه بسهولة شديدة ...
تصدقوا بقى دلوقتي إن هية بتركب البيجو عادي جدا ساعات ومش بتشتكي غير من تقل الدركسيون أو الدبرياج مثلا لكن بتسوقها زي الفل