ايهما افضل : نيسان صني ام رينو سكالا؟
المقارنة دي في الصميم لو واحد مقبل على الشراء و عايز عربية جوده عاليه و متكونش غاليه زي الياباني و في فئة الكورولا و الصني و الانسر و السيفيك و الاكروز و الالنترا! حنلاقي الوحيده ياباني و كمان ارخص من الكوري هي النيسان صني بسعر اعتقد يبدأ من 82 الف حاليا مع توكيل محترم و مشهود له! و فجأه عملاق السوق الجديد EIM يقرر ينافس حصان نيسان الرابح و يقوم باستيراد نيسان الصني الجديده المصنعة في كوريا بسعر 89 الف! فارق ضئيل نسبيا مع ملاحظة التالي:
النيسان صني : المحرك:1600 سى سى، ثنائى الكامة ذو 16 صباب
تغذية الوقود: حقن إلكترونى متعدد النقاط(رشاشات ووحدة كومبيوتر)
نظام الإشعال: شمعات احتراق(بوجيهات) ذات ملفات رفع جهد منفصلة لكل شمعة( كل بوجيه له بوبينة صغيرة لوحده)
القدرة الفعالة: 108 حصان( البياعين بيقولو 118 بس الرقم اللى هم بيقولوه دا قدرة خرج المحرك اللى بيروح منها جزء فى نظام الجر)
نظام الجر: ناقل حركة يدوى ذو خمسة سرعات امامية وواحدة خلفية، او اوتوماتيك ذو اربعة سرعات امامية وواحدة خلفية، الجر أمامى باستخدام محرك مثبت بعرض السيارة، وناقل حركة مزود بعلبة تروس تفاضلية(كورونا) فى علبة واحدة مع ناقل الحركة، وعمودين جر غير متساوييى الطول ووصلات سرعة ثابتة (كبالن) (ببساطة هذا الكلام هو اللى موجود فى كل سيارات الجر الامامى)
نظام التعليق: مكفرسون ذو نوابض حلزونية(سوست) وروادع ارتجاج(مساعيدن) وقضبان توجيه(مقصات) وقضيب منع الإنقلاب(ميزان)) من الأمام، وروادع ارتجاج ونوابض حلزونية ووصلة تعليق متعددة النقاط فى الخلف
نظام التوجيه: علبة التوجيه من نوع الجريدة والبنيون مزوة بدعم التوجيه الآلى(باور ستيرنج) يشمل بالإضافة للعلبة مضخة زيت وخزان الزيت
طول السيارة: 450 سم
عرض السيارة: 170 سم
اقل ارتفاع عن الأرض: 18 سم
حجم الشنطة الخلفية: 450 لتر تقريبا
الوزن الفارغ:1180 كجم
السرعة القصوى 180 كم /ساعة تقريبا
ملامح عن أداء السيارة:
تسارع السيارة ممتاز من السكون الى السرعات المتوسطة(حتى 50 او 60 ك/ساعة) تقل كفائة التسارع من 60 الى 100 الى حد ما ثم تتحسن بشدة بعد 100 ك/ساعة
افضل مساحة لاداء المحرك هى 3500 الى 4500 RPM
المحرك صوته مرتفع الى حد ما اثناء التسارع، لكن فى السرعات الثابتة لا صوت له،حتى على السرعات العالية لا صوت له طالما انت ماشى على سرعة ثابتة مش بتكبس
الثبات ممتاز على كل السرعات، مع ملاحظة انه تحسن جدا بعد تليين السيارة، بتاخد بيها غرز على 130-140 ك/ساعة بكل اطمئنان، العفشة ذات طابع رياضى، يدعم الثبات على الأرض على حساب تخفيف الصدمات عن الركاب
ادوات السيارة مريحة جدا فى التعامل وموضوعة فى اماكن تسهل استخدامها تماما، الرؤية الأمامية والخلفية معقولة جدا، يعيبها فقط عدم امكانيه رؤية نهاية الكبوت نظرا لطول السيارة وشكل انحاناءتها
الكراسى الامامية مريحة جدا وقابلة للتعديل لكافة احجام السائق، يعيب الصالون ضيق مسافة الأقدام بين الكنبة الخلفية والكرسى الامامى
المكونات المصرية فى السيارة: الموكيت، الكراسى، الزجاج، الكاسيت والسماعات، كاوتش الأبواب، الخراطيم، ضفيرة الكهرباء، الردياتير، البطارية ، الشكمان
كماليات السيارة: (الحديث هنا عن الموديل ex-saloon ): عدد4 زجاج كهرباء مع تحكم من باب السائق او الأبواب الجانبية مع زر فى باب الساق يلغى تحكم الأبواب الجانبية، سنترال لوك مع زر اضافى فى باب السائق يسمح بغلق الثلاثة ابواب الأخرى وابقاء باب السائق مفتوح، مرايات كهرباء، فتح الشنطة من داخل السيارة او من الريموت كونترول كهربائيا، فتح التنك من الداخل(شداد)، رفع وخفض الديريكسيون، رفع وخفض نقطة تعليق احزمة الامان، مكيف باربعة سرعات، عداد كيلومتر ديجيتال مع عدادين رحلات، عداد RPM، ساعة ديجيتال فى التابلوه، امكانية التحكم فى زيادة او انقاص السرعة البطيئة للمساحات الامامية، سلك إزالة الشبورة على الزجاج الخلفى،ايرباج امام السائق،حامل أكواب، باور ستيرنج، كاسيت و4 سماعات، مقابض خارجية نيكل،إنذار وريموت كونترول
الألوان المتاحة للسيارة: فضى، ذهبى، نبيتى ميتاليك، ابيض،جنزارى غامق ميتاليك
مميزات اعجبتنى فى السيارة:
قضيب حماية محترم اسفل المحرك ، وصلة تعليق العفشة الخلفية مميزة تماما عن السيارات المماثلة،لا توجد بها قطعة البلاستيك التى ابتلانا بها كل صناع السيارات الجديدة والتى تغطى المحرك وتعيق اى صيانات ولا هدف من ورائها سوى اضفاء منظر حديث على المحرك، إطارات بريدجستون يابانى 15 بوصة، التابلوه انيق جدا متعدد الألوان وخصوصا البيج ، نسب تخفيض الجيربوكس ممتازة(الموتور بيكون 3000RPM لما العربية بتكون ماشية 120 كم/ساعة) ، اماكن تخزين متعددة بالتابلوه
اشياء لم تعجبنى فى السيارة:
الصاج الخارجى خفيف زى كل اليابانى (نفس صاج اللانسر والكورولا)، المفتاح مش بيخرج من الكونتاكت غير والفتيس على وضع البارك(بالنسبة للأوتوماتيك فقط)، استهلاك البنزين عالى شوية(مع ملاحظة ان سيارتى اوتوماتيك)بتعمل ال 200 جوة البلد بالعافية،الكاسيت صوته عادى جدا، الإيريال يدوى،الكنبة الخلفية مافيهاش مخدع، لما بيكون راكب معايا واحد قدام و 2 ورا الشكمان بيحك فى المطبات ، بس برضه انا لما شفت العربية وهى مرفوعة مقلقتش من الحك لأن الشكمان هو اللى بيحك وهو متركب على حوامل كاوتش بتاخد وتدى، صوت الهواء اسفل السيارة يكون مسموع فى السراعت العالية(بعد 110 )
(باقتباس من سبعاوي)
الرينو سكالا :
محرك 1600 سي سي ، 107 حصان بناقل حركة مانول خمس سرعات أو أوتوماتيك بتكنولوجيا CVTC "التحكم المستمر في توقيت عمل الصمامات" والذي يقوم بتغيير عمل الصمامات حسب حالة تشغيل المحرك وسرعة دورانه مما يزيد من عزم التدوير في السرعات المنخفضه والمتوسطه ويزيد من قوة المحرك و ادائه في السرعات المرتفعه ويحسن جزئياً من إستهلاك الوقود , مع خزان وقود سعة 55 لتر
سير الكاتينة معدني "جنزير" مصمم بتكنولوجية خفض الضجيج
التعليق الأمامي بنظام ماكفرسون / التعليق الخلفي تعليق مستقل مع أذرع تحكم ، هيكل السيارة مصمم لإمتصاص الصدمات العنيفة وحماية الركاب لأقصى درجة.
التجهيزات و الأسعار
1- منوال (89000 جنيه)
- عجلات حديديه مقاس 14 بوصة مع اطارات مقاس 175/70R14
- فرش المقاعد من النسيج العادي
- وسادة هوائيه للسائق
- نظام إيموبليزر للحمايه من اخطار السرقة
- باور ستيرنج
- عداد رحلات
- زجاج عازل للحراره مظلل
- مصابيح أمامية هالوجين
- مصابيح ضباب اماميه
- مصباح توقف ثالث إضافي
- تكيف هواء
- نظام قفل مركزي للأبواب
- زجاج أمامي وخلفي كهربائي
- مراية جانبية يمكن التحكم فيها كهربائياً
- إضاءة لحيز الأمتعة
- راديو CD مع خاصية تشغيل ملفات MP3
- عدد أربع سماعات
(مقتبس من مراج)
شارك برأيك ايهما تشتري؟ نيسان صني صناعه مصري شكل قديم ب 82 الف و توكيل محترم
نيسان صني صناعه كوري شكل احدث ب 89 الف و ايضا توكيل محترم؟
