بص يا عاطف... شكل الدنيا داخلة على بعضها اعندك فا انا حشرحلك القصة
الموضوع ببساطة هو ان بيض الطرف راكب على السكترة بقلاووظ طويل... و كل ما تربط او تفك القلاووظ دة العجل الامامى بيفتح او بيقفل و بيغير زاوية اسمها الTOE و دى اللى بتفرق فى حدفة العربية او استقامتها على الطريق
العربية بتتحط على جهاز الزوايا و هو بيختبر العربية و بيحدد فيه انحراف قد ايه فى كل عجلة و الضبط بيتم من عند بيض الطرف... لحد هنا الموضوع سهل...
بعد ما يتم ضبط الزوايا ممكن يبقى فيه انحراف فى الطارة سنة يمين او شمال... هنا العربية مش حتحدف لكن و هى ماشية عدل الطارة حتبقى عوجة سنة صغيرة
عشان دى تتظبط بتم التعديل من قلاووز البيض برضة... بس كل الفكرة ان التعديل اللى بتعملة يمين بتعمل عكسة شمال (لو ربطت يمين بتفك شمال) بالتالى كل اللى بيحصل ان وضعية الطارة بتتغير بالنسبة للعجل فى حين ان الزوايا مبتتغيرش
وصلت كدة ولا اشرح بشكل تانى للايضاح اكتر؟
MMamdouh
المفضلات