الموضوع: قالولي روح للعصابة

السلام عليكم
إزيكم ياعصاااااااااابة...


أقولكم القصة من الأول
كنت راحي المقابلة بتاعت إسكندرية إلي فاتت..سبت عربيتي(لانسر2001) في طنطا
وروحت مع الدكتور أحمد عبدالغني في عربيته(لانسر 2006 تقريبا)..
المهم
لاحظت إن عزل الكابينة عن الموتور مش تمام..وصوت العربية نسبيا عالي..وعلشان كنت قاعد في الكنبة ..مع اي مطب هوا في الطريق كنت -تقريبا-راسي بتلزق في السقف
أنا عندي كل العيوب دي في عربيتي ..وكنت فاكرها عيوب فردية في عربيتي أنا بس
وجربت عربيات لانسر بعد كده..لقيت العيب ده في كل العربيات
عزل الكابينة...صوت الموتور ...العفشة الخلفية
المهم
وأنا راجع من المقابلة
ركبت في عربية خالد أيمن(أوبل فيكترا 2008)...ولما وصلنا
نزلت وبيني وبين نفسي قولت...يخرب بيت الياباني .............
بسم الله ماشاء الله....ربنا يباركله فيها يارب
عربيته تحفة في كل حاجة...عزل الكابية..صوت الموتور ..العفشة أمامي وخلفي ...السحب والغرز
قولت بقا لازم أركب ألماني(مع إني لسه شاري الانسر وماسجلتهاش لسه)
المهم
عاوز ألماني في حدود الميزانية

أوبل فيكترا مو2000 ...1600 سي سي مانيوال
لو حد قدامه حاجة حلوة ونظيفة ..يقولي