الموضوع: الى خبراء البروتون والواجا بالذات

باشمهندس محمد

موضوع إن العفشة ذى بتاعت اللانسر ده كلام مش سليم خالص الواجا من لوتس مش من ميتسوبيشى و أفتكر المعلومة دى قرأتها قبل كده أكثر من مره بس مش فاكر موقع معين دلوقت

المهم تقدر تشتريه من مكانين :

شارع دمشق - مش مضمون أوى

أولاد منصور فى الجيزة وده على معلوماتى أكبر حد عنده قطع غيار بروتون فى مصر

بس سؤال إنت عايز تغير المقص ليه ؟؟؟ لحق ؟ ولا خبطة ولا حد إفتكس و قالك غيره من بتوع الزوايا إللى فيه منهم ناس مش فاهمه ؟

لو زوايا أنصحك تروح لدرش لو مخبوط مفيش حل غير التغيير

بورا !!!!!!

معلش مع إحترامى ليك بس جبت المعلومة الغريبة دى منين ؟

ميتسوبيشى - ممكن عشان التعاون بين بروتون و ميتسوبيشى

لكن فولكس ماينفعش

لأن العربية أصلا تصميم بروتون بالتعاون مع لوتوس المملوكة فى الأصل لبروتون .

ميمو باشا اشكر لك ردك السريع وده دايما اللي انا متوقعه منك ... لكن فعلا عفشة العربية الواجا هى هى أحد موديلات الميتسوبيشي واعتقد الجالانت او موديل معين آخر من اللانسر وانا جبت المقص ده من شارع دمشق بعد ما سألت كذا واحد... و على فكره اللي كان قاللي المعلومة دي احد مهندسين التوكيل بتاع عز العرب ... وفعلا لقيت كلامه صحيح الفرق الوحيد بينهم هو في الجزئية الخاصة بكيفية ربط مسمار البيضة مع العفشة...

وفعلا المقص بتاع عربيتي الواجا كان أخد خبطة وفيه انحناء بسيط حاولت اعدله عن طريق الدق عليه لكن ما رجعش لأصله برضه...

عموما انا هأجرب موضوع المقص الميتسوبيشي ده ولو ما نفعش هأضطر اغيره في التوكيل ب 700 جنيه وامري لله وعوضي على الله في ال 160 جنيه بتوع المقص الميتسوبيشي.

اللي غاظني في الموضوع ان الراجل بتاع شارع دمشق ما رضيش ابدا يقولي موديل العربية الميتسوبيشي اللي تركب مع الواجا...

وكمان معلومة اعتقد ان لوتس مالهاش علاقة بالواجا او الويرا خالص ... لوتس بس ليها علاقة بالموديلات الجديده زى الجين2 والبيرسونا وخلافه...