عاوز اروح نادى المهندسين باكتوبر

**maka** · 24-05-2010 01:47 AM

عاوز اروح نادى المهندسين باكتوبر بس ياريت اللى يشرح يبداء من طريق الواحات علشان معرفش غيره فى اكتوبر

**ehaaab** · 26-05-2010 10:44 PM

نادى المهندسين بأكتوبر على المحور مباشرة بعد ميدان جهينة بحوالى 2 كم على اليمين

**aif** · 26-05-2010 10:55 PM

من طريق الواحات بعد دريم بشوية ح تلاقي دخله يمين مكتوب عليها ميدان جهينة ..... ومن ميدان جهينة ح تتجه شمال الي 6 اكتوبر ..... بعد حوالي 2 كيلو ح تلاقي النادي على ايدك اليمين

**م. عصام مهنى** · 27-05-2010 12:28 PM

لو انت جاى من وسط البلد هتطلع كوبرى مايو وتكمل على المحور على طول لحد ما تلاقى مستشفى دار الفؤاد ، النادى أمام المستشفى على اليمين وانت رايح على اكتوبر
بس له حارة منفصلة عن الطريق قبل النادى بحوالى 2 كم علشان لو عديتها هكمل لحد اول دخله شمال وتلف وترجع لحد دار الفؤاد وتدخل شمال تانى وتدخل فى الحارة بتاعت النادى أوعى تنسى !!

طريق الواحات على اساس انك جاى من الرماية
هتمشى على الطريق عادى كانك داخل على اكتوبر هتلاقى جهاز مدنية 6 اكتوبر على شمالك هتكمل على المحور كانك نازل رمسيس لحد ماتلاقى مستشفى دار الفؤاد بعديها بحوالى 2 كم أو اقل هتلاقى هتخش شمال وبعدين هتلاقى فى حارة لوحدها على اليمين منفصلة عن الطريق هتدخل فيها لحد ما توصل امام النادى وعلى فكرة فى park عاملينه امام النادى كبير جدا

أخوكم
م.عصام مهنى

**maka** · 29-05-2010 01:33 AM

شكرا ليكم و جزاكم الله كل خير

و الحمد الله فهمت 90% من الطريق

**jack_gamal2002** · 04-09-2010 08:32 PM

لو من فيصل اعمل ايه

**aymanay32** · 04-09-2010 09:47 PM

المشاركة الأصلية كتبت بواسطة jack_gamal2002

لو من فيصل اعمل ايه

ممكن تدخل من ترعة المريوطية و تمشى لحد مطلع الدائرى و تدخل جنب المطلع و متطلعش الدائرى و تمشى على طول متن تحت الدائرى و تكمل على طول و اول يوترن تلف منه و ترجع تانى و انته على شمالك ترعة المريوطية و كانك راجع على فيصل و لما تقرب من الدائرى هتلاقى مطلع للدائرى تطلع المطلع و تمسك الدائرى على طول هتلاقى منزل على اليمين لمصر الاسكندرية الصحراوى تنزل فيه و تفضل ماشى كانك رايح اسكندرية لحد ما تلاقى كوبرى المحور تعدى من تحته و تاخذ شمال و تلف من اول يوترن بعد المحور و ترجع تانى كانك راجع الى الرماية و عند اقترابك من المحور تلاقى فتحه يمين او مطلع يطلعك على المحور تطلع معاه و تفضل ماشى على طول و تخلى بالك من المطبات الصناعية اللى هتلاقيها و بعد ما تعدى هايبروان بشوية هتلاقى نادى المهندسين على ايدك اليمين تركن عنده و تنزل من العربية و تحمد ربنا انك وصلت فى زمن قياسى