انا بهزر معاك بالذمة عجبك الكليب و ضحكت و لا لسة زعلان ومكتئب
عرض للطباعة
انت هتتعب ف الاول عشان هتلاقي هناك ناس وظيفتها تحولك من انسان مدني الي انسان عسكري احترام المواعيد و الشده و القسوه انا كنت برضه مضايق اني هخش الجيش بس صدقني استفدت من التجربه عرفت ناس كتيير و اكتسبت خبرات و انعلمت اكل اللي قدامي و الصبر و هتحس بالكلام ده لما تخلص
سيبها على الله
قل لن يصيبنا الا ماكتب الله لنا
الى عاوزه ربنا حيكوووووون
ماشي انا ماختلفتش معاكوا في كل الكلام الجميل دة
وكل واحد بياخد نصيبو
بس انا عايز احاول اعمل اي حااجة تسقطني طبي مثلا حاجات زي كدة
بص يا باشا
انا مرشح ظباط احتياط وهاروح الكلية الحربية كمان اسبوعين
طبعا انا مش هاوصفلك احساسى ايه دلوقتى اكيد انتا عارفة
بس انا عايز اقولك على حاجة اللى ربنا كاتبة هوة اللى هايكون والله غصب عن اى حد
انا قلبت الدنيا وسايط وفى الكوميسيون نفسة اللى هوة اصعب حاجة
وبردة عديت ازاى ماعرفش
فى الزمن دة مافيش حاجة مضمونة
انا مش بقولك كدة علشان اعقدك لاسمح الله
والله انا اللى بقولك كان فى زمايلى بيعيطو علشاان داخلين بصراحة انا اللى كنت مضايق انى داخل ما استرجلتهمش
لان دا قضاء وقدر وربنا والله مابيكتب حاجة وحشة للبنى ادم
لوعلمتم الغيب لاخترتم الواقع ممكن اوى تاخد اعفاء اوتاجيل وتفضل اعد مستنى شغل فترة كبيرة وممكن تدخل وتلاقى الشغل مستنيك وهاتطلع من الجيش بتجربة تستفيد بيها وتتحمل مسؤلية اكبر من سنك
فانا عايزك تركز فى مذاكرتك كويس اوى دى اهم من الجيش وكل حاجة
وبعد كدة لما ربنا يكرمك وتنجح يبقى ربنا يسهلها
وان شاء الله تاخد تاجيل او اعفاء وتعزمنا بقى على بيبسى
ماشى .................... معلش انا طولت عليك
متفرحش بالمعافاه التأجيل أفضل بكتيييير
الشركات اليومين دول ما تيجى تشتغل ان شاء الله هيعملولك كشف طبى
ولما يلاقوا فى شهادة الجيش أعفاء يبقى فيك حاجه الجيش سابك علشانها
هيسألوك ايه هيه الحاجه ديه وممكن تترفض .
انت بتفكرنى بنفسى زمان
كنت زيك بالظبط وبدور على اى طريقه اخلص بيها
ومادخلش لكن قدر الله انى ادخل الجيش
وعلى فكره انا خلصت الجيش سنة 94 يعنى من 16 سنه
وصدقنى طول ال16 سنه دول عدت عليا مواقف صعبه جدا
يمكن ماكنتش اقدر استحملها ابدا لولا انى اتعلمت الصبر والكفاح
الحقيقى هناك
طبعا انا عارف انك مهما قولتلك مش هتقتنع وهتقول ده كلام انشا
لكن لوقدر لك الله انك تدخل الجيش هييجى يوم وتعرف حقيقة الكلام ده
الجيش بيصنع رجال وكلمة رجل يعنى تحمل المسؤليه
ولو كل شاب فكر بنفس الطريقه يبقى مش هنلاقى حد يدافع عن الوطن
خلي بالك انت لسه في بداية حياتك وممكن تجيلك فرص للسفر او فرص للعمل بظروف صعبة شوية .. وطالما انك مش وش بهدلة يبقى مش هاتكمل في اي شغلانة.. ومش بس في الشغل .. في كل تعاملاتك في الحياة ..
زي ما بعض الاخوة ذكروا هنا ان الجيش هايغيرك فعلا وهايفرق معاك كتير في حياتك ونظرتك للأمور ..
يعني كلمة الجيش مصنع الرجال كلمة صح بنسبة كبيرة جدا..
و الله كلمكوا دة ريحني
بس مش عارف انا متحير قوي
معلش بقي استحملوني ....
يرجى تحري الدقة في كتابة لفظ الجلالة
مشرف القسم
10ب
2:57 ص
26:05:2010
ولله كلامكم ريحني..........هو في حد أستفاد مالجيش في مجال شغله؟..بالذات خريجي هندسة ؟؟
ياباشا اعمل زيي واشرب كل يوم مش ااقل من لترين حاجه ساقعه وتاكل كتير لاحد ما وزنك يزيد وتاخد اعفاء زيي ان شاء الله (وزن زائد مع سمنه مفرطه) وبعديها ابقى خس
انا مليش جيش
انا وحيدة :(
لا انا اخواتي ولاد...اقصد بنت وحيدة
وبعدين اي القلب الاسود دا...فاكرهالي من ساعتهااااااااااااااااا
ألا قولولى هوا أعفاء النظر من كام :11: ?
النهاردة كنت بدردش مع واحد خبرة يعني في الحاجات دة
بيقلي المشكلة بس لو اترشحت ظابط احتياطي
وانا كنت مفكر ان انا اللي بختار اكون ظابط احتياطي ولا عسكري :C_laugh[1]:
وانا طبعا هايكون معايا بكالريوس تجارة من (اكاديمية النيل للعلوم قسم محاسبة )
بيقلي مش بيطلبو التخصص دة في الجيش مش عارف كلامو صح ولا غلط
واية اكتر التخصصات اللي بيطلبوها في الجيش
بص.. كل اللي بيتقدم للجيش بيكون اما فئة (أ) تقريبا يعني خالي من العيوب بيبقى مترشح اتوماتيك ظابط (بس مش شرط يبقى ظابط)
أو فئة (ب) بيبقى جندي على طول بس لازم يكون فيه حاجة (مثلا نظر ضعيف - فلات فوت - ...)
واللي بيترشح .. المفروض بيروح اللي في حلمية الزيتون مش فاكر اسمها ايه..
لو لقوا عدد الناس اللي عايزين يدخلوا ظباط يكفي العدد اللي هما عايزينه بيكتفوا بيهم.. لو مش كفاية بيختاروا ناس تانية..
واساسي بنسبة كبيرة جدا . خريجي هندسة وطب ظباط..
وماتقلقش يا بطل.. ان شاء الله بعد ماتخلص الجيش بسنة ولا سنتين كدا (فترة النقاهة) هاتقول كانت ايام جميلة اوي..
انا لسه خارج من الجيش فى شهر 10 اللى فات وكنت ضابط احتياط عشان انا هندسة طيران وفى كذا قسم كده ببتاخد ضوابط ذى الهندسة النووية والحمد لله فترة وعدت واتعلمت فيها حاجات كتير وبالتوفيق سواء دخلت او مدخلتش
عينان لا تمسهم النار عين بكت من خشية الله وعين باتت تحرس
ده حديث عن الرسول صلى الله عليه وسلم
كمان لو انت دخلت الجيش واخد الشهادة بتقدير جيد جدا او ممتاز بتنفع فى الشغل لانها بتتدل على اخلاق وتحملك لضغط الشغل
اخوكم يوسف
يا رجالة لو الراجل اخذ الشهادة بتقدير غير (((( قدوة حسنة )))) معنلها انة ممكن يكون خد سجن قدوة حسنة يعنى مش محبوس و لا يوم مع ان ارانيك الذنب ممكن تكون كتيرة بس مش حبسجى مع ان السجن فى الجيش عادى ووارد جدا بس لازم يكون ناشف و مفتول العضلات او سليط اللسان علشان محدش يشتغلة بالبلدى كدة وعلى فكرة أرانيك جمع كلمة أورنيك يعنى ابليكشن او استمارة
بعض الكلمات الواجب معرفتها بلغة الجيش برطوس ودى لم تعد تستعمل مكانها كلمة عنبر و هو مكان النوم . البيادة الجزمة البوت . الجراية يعنى العيش . اورنيك يعنى فورمة او ابليكشن . الطبخة السوداء الباذنجان . الميز مكان الاكل الريستوران يا رجالة . رديف يعنى باقيلة 3 شهور و يخلص جيش . المخلة يعنى زى الشوال تستلمها و بداخلها كل مهماتك . المهمات كل ملابسك . النمرة يعنى البطانية . التحويلة يعنى السنترال . السلاحليك مكان مخزن الذخيرة و الاسلحة ........... و هلم جر المهم يا رجالة خليكو حديد علشان و الله لو حسو انك شاب كول حيبقى نهارك أسود مش حيسبوك و حتبقى فاكهة الموسم و يمسكوك طريقة المطلوب انك تتحور من انسان مهذب الى شاب مخربش و مش عاوز اقلككم و كلة يعدى يا وحوش
معلش اتأخرت عليك فى الرد
اه الحمد لله دخلت الورش الرئيسية للطائرات انا ومعايا 8 زمايلى واتوزعنا جوه وفيه اللى اشتغل بأيده فى صيانة المحركات والهيكل والباقى اتوزع على باقى الورش ومتقلقش كله له علاقة بالهندسة
وفى ناس اتوزعت على قواعد ومطارات زى الماظة وغرب وانشاص واللى عايز يستفيد دى حاجة بترجعله
اخيرا انا كنت بتكلم على القوات الجوية عشان انا ليه زمايلى برية اتوزعوا فى حتت بعيدة ومبيشتغلوش فى تخصصهم زى تجارة وحقوق وكده
اللهم لك الحمد والشكر :C_laugh[1]:
يارب تاخد تأجيل 5 سنين
بص ياباشا , نصيحتي لك بلاش تبين نفورك من الجيش , لان في واحد صديقي بعد ما اتخرجنا كان عامل زيك كده و كاره الجيش , و سمع نصيحه واحد قاله ربي لحيتك و لو حاولوا يقولوا لك و ضغطوا عليك عشان تحلقها قلهم لا ! سألوه انت عايز تخش الجيش؟ و ببراءه قالهم لأ مش عايز ادخل , قالوا له و بتحدي انت هتخش الجيش !!, جه بعد كده فعلا قالوله هتحلق لحيتك و لا ايه حكايتك ؟ البيه قالهم لا انا عايز اخدها امني !!! طبعا انا مسكته وقتها و اخد اللي في النصيب من تقريع وما اي ذلك و انه كده هيدمر مستقبله لانه مش عارف هو بيعمل ايه , عارف عملوا فيه ايه ؟ ركنوه سنه كامله و في الآخر بعد سنه لبس عسكري و خدم في براني عند السلوم كده ! قلت له ما كان من الأول اديك ضيعت سنه وافتكرت انك عديت و حملت نفسك عبء نفسي مضاعف بدون داعي , فبلاش نسمع نصايح و نجرب و نشيل الغم بعد كده , الجيش مش هياكلك هو طبعا قرف بس هتتعلم منه و بلاش تقدر البلاء قبل وقوعه .