مش عاااايز اخش الجييش (قرفاااااان)

**pedooooo** · 24-05-2010 04:28 AM

بص يا باشا انا كنت بقول زيك كده
وكنت عايز حد يخرجنى باى طريقه حتى لو خد اى فلوس
انا دفعه 87 و كنت واقع ف الكليه سنه و كمان شلت ماده ف اخر سنه
فا اتاخرت عن دفعتى كتير و كنت مرعوب و اعدت اربع شهور بعد ما خلصت استنى معاد الكشف
و طول الفتره دى كنت بدور على اى واسطه
طبعا شوفت الكلمنجى و اللى عايز 5 الاف جنيه و اللى عايز 10 و ارقام خياليه
بس فى الاخر قولت هسيبها لربنا و زى ما تيجى
وروحت و كشفت و اترشحت ظابط منه لله الجيم بقى اتغرو فيا
واعدون 10 ايام عشان نسمع الارجا يوم 17 اللى فات
و الحمد لله مخدوش ولا يوم فى شهر 10 اللى هو شهر ميلادى وجت من عند ربنا
و ان شاء الله هاخد ورقه التاجيل فى شهر 7
معلش طولت عليك بس انا حبيت اقولك انك بس صلى و سيبها على ربنا
انا عارف ان الجيش مقرف و ممل و بيضيع تلت سنين على الفاضى بس شر لابد منه
صلى انت بس و سيبها على الله وربنا معاك يا باشا

**shaddadfalcon1** · 24-05-2010 05:00 AM

ربنا يكرمك ويفكك منه خالص
انا كنت مرشح ظابط واتقبلت وكان اسمي نازل في كلية الظباط الأحتياط بس الحمد لله ربنا فكني
صحابي اللي كانو معايا عقبال ماخلصو كنت انا اتجوزت وخلفت واترقيت في الشغل وجبت عربيه - 3 سنيين مش شويه
يعني لو لازم يبقي حاول تخليها سنه واحده

اهم حاجه لو مترشح ظابط - يوم كشف الهيئه خليك عبييييييييييييييييييييييي ييييييييييييييييييييييييي يط
يعني هما هيوقفوكو طوابير وتدخلو علي لجنه فيها رتب كبيره تقول اسمك وسنك وموهلك ووظيفة والدك - حاول ساعتها (ده يعني لو وصلت للمرحله دي وان شاء الله متوصلهاش) تبقي عبيط وتتهته وتقطع في الكلام وهدومك تبقي مبهدله عشان علي الأقل تنزل عسكري وساعنها لو حبيت تشوف حد ينزلك تبقي حنينه شويه)

بجد الجيش اليوميين دول الجيش بقي مضره جامده قوي بالدين والصحه وكل حاجه ومفيش اي استفاده غير المرمطه والبهدله
ممكن بعض الناس تقولك استفدنا بس ده بيرجع للمكان اللي خدمو فيه وبرده بيرجع للخبرات اللي كانت عندهم

تغور الخبرات اللي لازم اخدها من واحد معهوش ابتدائيه والمفروض اني اقف اضربله تعظيم سلام

**mrwho1982** · 24-05-2010 07:37 AM

في لعبة حلوة واحد معايا في الشغل عاملها الا وهي ان هو رففع قضية علي الجيش وفي الحالة دي بناخد اعفاء نهائي وبتاخد بطاقة تجنيد بالكلام ده وبيكون مكتوب فيها رقم القضية

في حالة ان القضية نجحت ....... خير وبركة

لو فشلت .............. غرامة 3000 جنيه

وبالشفا

**newhansol** · 24-05-2010 07:45 AM

هييييييييييييييييييييييية دونيا غرورة مالهاش امان

لا تخلى الماشى ماشى ولا القاعد قاعد

يا عم ماتوجعش دماغك اية الى هايحصل يعنى ماحصلناش حاجة اهة دخلنا وخلصنا وزى الفل اهة بالعكس دة خلى الواحد يتعامل مع بشر وشخصيات عمرك ما كنت تحلم تتعامل معاها

وبعدين مش جايز تاخد تأجيل

ماتقدرش البلاء قبل وقوعة

كلمة اهمس بيها فى ودنك من اخوك العسكرى السابق دة لو رسيت على عسكرى يعنى الجيش ما هوة الا (مركز التدريب )
عديتة يا بطل من غير ماتتعقد وتعيطلك مرةولا اتنين يبقى انت كدة جدع قوى وجيشك عدى على خير والباقى كلة كلام فاضى

ربنا معاك ويسهلك الحال وتاخد تأجيل

**fadod** · 24-05-2010 07:54 AM

نفس احساسك بالظبط ، سافرت وخلعت من الجيش والبلد كلها وانا في أخر رابعة ، بسبوري كان طالب ،وكنت مسافر قبل ما باسبوري يخلص بثلات أيام ومعايا ختم يسمح له بالسفر بدون مطالبته بمستند التجنيد ، الظابط كان هيفرقع في المطار. جيت هنا ومخنوق من البلد وحلفت ما هانزل غير بالبسبور الازرق . خدت الجنسية وكل عيال العيلة لغاية درجة ثانية إتعفو من التجنيد علشاني . عملت فيهم ونفسي معروف. الحال دلوقتي إتغير وكل حاجة بقت صعبة. دنا فكر خدمة عسكرية قبل مسافر كانت إسبوعين وكنت قربت أشد في شعري .

ربنا معك ومتفكرش في الموضوع كتير ، ربنا أكيد شيل لك الصالح ،محدش عارف الخير فين

**alaa_dash** · 24-05-2010 09:55 AM

ان شاء الله خير ..ما تسبقش انت بس .. :).
ــــــــــــــــــ
fadod باشا ...شايف الموضوع ده
قصه نجاح ..وقصص فشل(تجربه حياه) الجزء الثانى
و اضح ان حضرتك عندك تجربة ثرية
عايزين موضوع مشابه :)....

**wesam_salom** · 24-05-2010 10:03 AM

الجيش تجربه صعبه جدا

بس بتغير تفكير الانسان

يعنى قبل الجيش وطول مدته بتلعن اليوم اللى اتولدت فيه

بعد ما تخرج بسنه تقريبا

هتكتشف انك انسان تانى

وانك اتعلمت حاجات مكنتش هتعرف تتعلمها طول عمرك