مش عاااايز اخش الجييش (قرفاااااان)

**wahba87** · 26-05-2010 11:22 PM

المشاركة الأصلية كتبت بواسطة mostafa-stabs

ألا قولولى هوا أعفاء النظر من كام

?

على حسب ما اسمع , العينين على بعض اكتر من 8-

**magyver** · 27-05-2010 04:21 AM

المشاركة الأصلية كتبت بواسطة magyver

النهاردة كنت بدردش مع واحد خبرة يعني في الحاجات دة

بيقلي المشكلة بس لو اترشحت ظابط احتياطي
وانا كنت مفكر ان انا اللي بختار اكون ظابط احتياطي ولا عسكري :c_laugh[1]:
وانا طبعا هايكون معايا بكالريوس تجارة من (اكاديمية النيل للعلوم قسم محاسبة )
بيقلي مش بيطلبو التخصص دة في الجيش مش عارف كلامو صح ولا غلط

واية اكتر التخصصات اللي بيطلبوها في الجيش

هااااا
اية رايكوا في الكلام دة
بقي انا كنت مقلق من سنة يقوم يقلي 3 سنين

looooooooooooooooool

**ahmed_h_g** · 27-05-2010 05:38 PM

يارب تاخد تأجيل 5 سنين

**heshamzaky** · 28-05-2010 01:55 AM

معلش يا رجالة يوجد زميل اكبر سنا كاتب موضوع عاوزكم تشوفوة و تقولو رأيكم و الموضوع منقول من المنتدى

المشاركة الأصلية كتبت بواسطة ahmedsmg

قصة حقيقية صادفتها وأردت أن أشارك بها

قصة بطولة الشهيد فؤاد النجار

بعد ما شبابنا عبر القنال قام مهندسينا بعمل 5 رؤوس كبارى على طول الضفة عشان الدبابات والمعدات تعبر بيها ، وكانت الكبارى دى عبارة عن مجموعة وصلات كل وصلة بتتعشق مع الوصلة التانية بطريقة معينة وهكذا لغاية ما الكوبرى يكمل
وكنا إحنا واقفين مع أطقم المدفعية بنساعدهم
وبدأت قواتنا بالعبور دبابات ومدرعات وعربيات نقل جنود ابتدت تعبر
وفجأة وفى الكوبرى التانى وقبل نهايته بوصلتين لقينا وصلة فكت من جهة وفضلت ماسكة من الجهة التانية والكوبرى كان مليان من كل حاجة !! فراح كله واقف !! ولقينا المهندسين بيلفوا حولين نفسهم !!
وطبعاً دى كارثة لأن إحنا كده بقينا هدف سهل أوى لأى طيارة اسرائيلية بصاروخ واحد هتفجر كل ده !!

وفجأة ظهر فؤاد النجار ( مكنتش أعرف اسمه ساعتها )
وفؤاد النجار كان سايق دبابة برمائية فى القنال وكان بيعدى بيها للناحية التانية مع 6 دبابات تانية ولما شاف الوضع المتأزم بتاع الكوبرى قام طالع من الصف بتاعه ورايح ناحية الكوبرى وهو بيصرخ :
إنتم بستهبلوا !! ده أى طيارة تعـدى هتفرتكنا !!!

وراح مصرخ تانى وقايل : وسع يا جدع منك له !!
وراح نازل بدبابته تحت الوصلة السايبة ومعلق الرفاص !!!!!!
وعشان تفهم يعنى إيه رفاص هاقولك
الدبابة البرمائية فيها حاجة اسمها الرفاص اللى بيخليها تطلع لفوق دايماً إذا غطست فى المياه عشان ماتغرقش بس الدبابة البرمائية مش مصممة للغطس فهى مفتحة من كل حتة وممكن تغطس 5 ثوانى بس مش أكتر !!

فهمت اللى عامله فؤاد يابنى الغالى بقى ؟؟
فؤاد نزل بدبابته تحت الوصلة السايبة وشغل الرفاص وهو تحت الوصلة عشان الدبابة ترفع الجزء السايب وتخليه فى مستوى الكوبرى تقوم المعدات تعدى !!!
وطبعاً معنى كده إنه هيموت غرقان لأنه تحت الميه والدبابة مفتحة !!!
وأصابنا ذهول لولا صوت المرحوم القائد بتاعتنا وهو بيصرخ ويقول : يالله عدوا بسرعة ! ماضيعوش اللى عمله !!!!
وقد كان !!!
طوال 16 دقيقة كاملة عبرت المعدات للضفة التانية وبعدين قمنا بتأمين المعدات اللى لسة ماعبرتش ورفاص الدبابة لسة شغال !!!
ونطيت فى المية بسرعة مع خمسة من زمايلى لقيت منظر عمرى ما هنساه أبداً
الشهيد فؤاد النجار كان ميت وهو حاضن الرفاص فى جهة الطلوع ورابط نفسه بقايش حديد عشان أما يموت مايسبش الرفاص وتغرق الدبابة وتتعطل الوصلة تانى !!!!!!!
وكان ماسك الرفاص بإيديه الاتنين ومتبت عليه لدرجة إحنا فكينا إيده بالعافية !!!!
والغريب إن الدبابة رجعت تشتغل تانى وكملت الحرب كله !!! والمهندسين بتوعنا أصلحوا العطل فى نص ساعة
وشفت اسمه واتحفـر فى الذاكرة ... فــؤاد النجـــــار