انت كده هتخلينى اخش فى حوار فنى معقد على البعض انا تجاوزته للتسهيل على الاخوه ووصلتهم الى النتيجه مباشره بدون ما الففهم معايا فى كلام ممكن يتوهوا منى فيه
زى كده
وابقى كده موصلتش الى هدفى وهو المعلومه المبسطه
نخش بقى فى المناقشه الفنيه والتى تتضمن ردود على كل الاستفسارات اللاحقه لردك الكريم
اولا صورة الجدول للوصلات المختلفه
view image: Octaneselection.jpg
من خلال الصوره هنلاقى ان فيه اربع ظبطات اختزلتها انا الى ثلاثه للتسهيل وبدون حدوث خلل فى الاداء
1 بنزين 83 وده اقل ظبط للشراره حولتها الى 80 يبقى الفرق فى رقم الاوكتان 3 درجات فقط
مش هيعملوا التسقيف الموجود مع ظبطت ال 87 وده انسب حاجه
صح كده !
2 بنزين 87 وده مش موجود برده فى مصر تجاهلت ظبطته تماماٌ لاننا كلنا عارفنها لانها اللى بتنزل بيها العربيه والظبطه دى مع ال 80 بتسقف ( لان الشراره متقدمه كتير ) ومع ال 90 بتهبط العربيه ( لانها مأخره الشراره )
طيب والشركه بتظبط .كده ليه ؟
علشان تمسك العصايه من النص وتمشى على اى بنزين
صح كده !
3 بنزين 91 وبرده مش موجود فى مصر ولاكنه الاقرب لل 90 وهتبقى مقدمه كهرباء سنه بسيطه بتساعد اوى فى الجرى والشد وده اللى انا قولتلكم عليه
صح كده !
4 بنزين 95 وطبعاٌ مفيش حد راكب دايو هيحط بنزين 95 فأنا حولتها الى بنزين 92
ليهههههههههههه ؟
لانى كده مقدم كهربة العربيه 3 درجات مقبولين اوى وفايدتهم تحقيق اداء اكتر من ممتاز
صوت العربيه على السلانسيه ناعم وجميل وفى الشد ( غالباٌ بيبقى صوت الدايو زى البطه اللى بتبقبق مكتوم كده وده لتأخير الكهرباء اللى بتبقى عليه )
مع الظبطه دى اقرص على المتور تلاقى صوت زئير الموتور صوته بيدل على قوه ( انا مش قادر اوصفه ) بس اكيد انتم فاهمنى
اللى انا عملته كل ركيبة العربيات الكربراتير والاسبراتير العاده عارفينه ( طبعاٌ خبراء الجرى ) مش اختراع يعنى
الفكره هنا انك ازاى تعمله فى عربيه كومبيوتر
وعلى العموم كل اللى انا قولته فى موضوعى عن تجربه فعليه لكل ظبطه
وثقوا تماماٌ انى قبل ما اقول اى كلمه على المنتدى ببقى مجربها وعارف نتيجتها قبل ما اقولها
لسببين مهمين اوى
1 الامانه فى توصيل المعلومه
حاجة الناس مش لعبه ولا مجال انى اجرب فيهم
( كل الموضوعات اللى انا عملتها قبل كده مجربها فى عربيتى من زمان وقولت افيد الناس بيها فبنزلها تباعاٌ )
2 حرصى على عدم الوقوع فى اخطاء حتى لاتنصب لى المشانق ( كعادتنا العرب ) متسرعين اوى فى اطلاق الاحكام جزافاٌ بدون حتى الاستفسار من اصحابها عن السبب من وراء قيامه بذلك
ومع ذلك جل من لا يسهو
على العموم كل اللى انا قولته مش مرغم حد انه يجربه اللى مقتنع يجرب ويقولى النتيجه حتى تتحقق الفائده للجميع
اللى مش مقتنع ميجربش ويكتفى بالمتابعه
انما يحكم بالايجاب او السلب بدون تجربه على ارض الواقع فده انا مقبلوش
لانه بيعمل بلبله فى اراء الناس بدون فايده
على العموم لو كنت دايقت حد بموضوعاتى او بكلامى
فتقبلوا اسفى ولكم منى كل التحيه
وسلام مؤقت