خلاصة الكلام فى ظبط فيشة الاوكتان ( بالصور )

**aagomaa** · 24-05-2010 09:41 AM

جزاك الله خير على المجهود .. لكن فى موضوع سابق عن فيشة الأوكتين و موجود فى اهم موضوعات القسم كان الأخ محمد ممدوح قال ان هناك خيارين فقط 1- نركب الفيشة و نحط بنزين اقل من 92 او ---- 2- نشيل الفيشة و نحط بنزين 92 لكن لم يذكر موضوع تغير مكان السلك فى الجامبر للتشغيل على بنزين 92

و شكرا

**aagomaa** · 24-05-2010 10:25 AM

سؤال صغير لو سمحت .. معنى كدة ان فى التوصيله بتاعة 92 بنوصل البنى بالأسود ؟ بدل من البنى ابيض بالأسود و هو الوضع الحالى .... صح كدة

**asemma** · 24-05-2010 10:33 AM

الف شكر استاذ عصام و ربنا يبارك فيك و يشفى زوجتك و اولادك و مرضى المسلمين جميعا وجزاك الله خيرا

**aymantop1** · 24-05-2010 10:54 AM

شكراً عزيزى .. معلومات فى منتهى الاهمية
لو ممكن طلب من حضرتك أنا عايز أعمل التوصيلة الأخيرة الخاصة ببنزين 92 وكنت عايز اعرف الوان الاسلاك إللى بيتوصلو ببعض علشان أنا عندى الفيشة مش موجوده ومن خلال شرح حضرتك إستنتجت إن اللونين هم الاسود والبنى فهل ده صحيح ؟.

**swimmer25** · 24-05-2010 11:16 AM

موضوع ممتاز
بس انا لاحظت حاجة......انا شيلت الفيشة وفولت 90 مرة و92 مرة تاني كملت علي 92
علي كلامك لما تشيل الفيشة يبقي تحط بنزين 90 بس انا لاحظت ان استهلاك البنزين بيبقي اعلي
يعني

الفيشة متشالة + بنزين 90 -> استهلاك اعلي ويمكن اداء اعلي سنة بسيطة (اقل من 10 كم للتر..يعني 9.7 او 9.5 كم مثلا)
الفيشة متشالة + بنزين 92 -> استهلاك اقل ويمكن اداء اقل سنة بسيطة (اكثر من 10 كم للتر..10.5 كم)

علي كلام الكتالوج دي التظبيطة(الصورة من دايوتك):
View image: Octaneselection.jpg

يعني علي شرحك اخر تظبيطة دي هي تظبيطة ال 95
يعني انا بستنتج انك فعلا ممكن تاخد اداء اعلي من الموتور بس الاستهلاك اعلي كمان

ياريت تحسبلنا استهلاكك بالظبط عشان اذا طلع فعلا كلامي مظبوط يبقي كده عرفنا فعلا كل واحد عايز يظبط فيشته علي ايه ويحط بنزين كام.........

وعشان نبقي مطمنين من جهة الفرق في العربيات.....
يبقي ياريت تحسب استهلاكك في حالتين:
1- الحالي علي التظبيطة دي (الاخيرة في شرحك) مع بنزين 92
2- تشيل الفيشة مع ينزين 92

**hazemhassan** · 24-05-2010 11:40 AM

والله برافو عليك
بس فى سوال
انا عايز اشيل الكرسى ازاى عشان مش عارف

**popahly** · 24-05-2010 11:54 AM

الله يباركلك ويبارك فيك يابو فارس على الشغل الرائع بتاعك ودايما إتحفنا بمواضيعك الأكثر من رائعة دى ومدعومة كمان بالصور ربنا يباركلك ياربك انت وزوجتك وأولادك ويشفيك ويكفيك شر كل سوء

**MMamdouh** · 24-05-2010 12:08 PM

فيه حاجات مش صح فى موضوعك يا عصام...

اولا فيشة الاوكتين ليها 4 ضبطات مش 3 و هى ممكن تتظبط على بنزين 83 او 87 او 91 او 95... طبعا بالنسبة لمصر فا ال 83 مقابل لل80 و ال87 مقابل لل90 و ال91 مقابل لل92

بالنسبة للضبط نفسة فا فيه شوية لخبطة فى موضوعك...

ضبطة ال 80 هى توصيل ال3 فرد مع بعض و دة لا خلاف علية...

ضبطة ال87 اللى هى 90 بيبقى السلك واصل بين فتحة رقم 1 و 2

ضبطة ال 91 اللى هى 92 بيبقى مفيش اى توصيل او بمعنى اصح الفيشة متشالة

ضبطة ال95 بتبقى توصيل بين فتحة 2 و 3

انا اقتبست صورة من موضوعك و عدلتها لتوضيح الضبطات الصح حسب درجات الاوكتين المتوفرة فى مصر

MMamdouh

**swimmer25** · 24-05-2010 12:28 PM

ده كلام الكتالوج فعلا

بس اللي انا عايز اوصله انك ممكن اما تحط اوكتين اقل من ظبطة الفيشة او اكثر من ظبطة الفيشة

اللي انا مستنتجه لحد دلوقتي انك
لما تحط بنزين اوكتين اقل من ظبطة الفيشة الاستهلاك يكون اعلي والاداء اعلي
لما تحط بنزين اوكتين اكبر من ظبطة الفيشة الاستهلاك يكون اقل والاداء اقل

كلامي ده استنتاج محتمل لسه مش اكيد

انا مستني رد عصام بس كمان عايز اسال اللي بيستخدموا بنزين 80 ومظبطين الفيشة علي 83 استهلاك البنزين عندهم قد ايه

ممكن نجرب بفرق كبير
يعني 1- نظبط الفيشة علي 83 ونحط بنزين 92 ونجرب
2- ونظبط الفيشة علي 95 ونحط 90 ونجرب