اختار انهى قسم !!!!

**esraatefa** · 24-05-2010 03:57 AM

السلام عليكم ورحمه الله وبركاته
الحقيقة انا محتاجة رأيكم فى موضوع شغالنى جداا انا فى سنة اولى فى كلية الاعلام والكلية فيها 3 اقسام
1- إذاعة وتليفزيون
2- صحافة
3- علاقات عامة وأعلان
المفروض ان علشان ادخل قسم الاذاعة أو الصحافة لازم الاول ادخل INTERVIEW لو نجحت ادخل القسم لو لا قدر الله منجحتش ادخل قسم العلاقات العامة والاعلان اجبارى
دلوقتى الAPPLICATION بتاعت قسم الاذاعة المفروض نملاها واخر ميعاد كمان اسبوعين
(على العلم ان الانترفيو بتاع الاذاعة صعب اووى والصحافة سهل اوى انما العلاقات ملهاش انترفيو اصلا) انا بقى محتارة جدا ومش عارفة اصلا اختار اى قسم من الثلاثة .بس انا حسه ان فرص العمل بالنسبة للعلاقات والاعلان اكتر من البافى فمشورتكم معايا بليزز

و.يا ريت يا جماعة الى لية دراية بالموضوع دة او عندة خبرة الافضل فية لانى فعلا محتارة ومتهيقلى مساعدتكم ليا هتكون العامل الاكبر انى اخد القرار الصح لان دة مستقبل وقلقانة من الاختيار بصراحة ......

**ali.mahmoud** · 24-05-2010 04:24 AM

والله انتى تحاولى تدخلى الانترفيو ولو ربنا وفقك يبقى كده تمام ولو منجحتيش لقدر الله يبقى كده نصيبك واعملى اللى عليكى وربنا يوفقك ان شاء الله

**ali.mahmoud** · 24-05-2010 04:26 AM

وشوفى انتى دماغك فى ايه وادخليه وان شاء الله تنجحى

**ahmad--ezzat** · 24-05-2010 04:31 AM

صحافه قسم هايل

**د.محمود صلاح** · 24-05-2010 07:09 AM

ممكن تستشيري زميلاتك الأكبر اللي في سنة رابعة مثلاً .. ممكن يعطوكي خبراتهم وبتوفيق الله يا اسراء .

**dolly13** · 24-05-2010 01:13 PM

لازم تشوفى ميولك تجاه اى قسم وتحاولى تلتحقى بيه ولو منفعش يبقى على الاقل انتى حاولتى
وربنا يوفقك

**cyborg_ift** · 24-05-2010 01:38 PM

بصراحه طول عمري بعمل حاجه جميله أوي وديه قاعده عندي

دلوقتي حضرتك بتقولي إن إختبار الإذاعه أصعب حاجه فده دليل إنه أحسن حاجه

فلو أنا كنت هعمل الأتي أخش إختبار الإذاعه وطبعا مش هعديه كالعاده فميأسش أقوم داخل إختبار الصحافه وطبعاً هيبقى زي اللي قبليه فملقيش طبعا غير أخر حاجه ممكن تلمني

فنصيحه خشي أعلى حاجه وربنا يوفقك وتنجحي ومتبقيش زيي