-
طلب استشارة من الجميع
السلام عليكم و رحمة الله
يا جماعة انا بفكر فى مشروع و بصراحة ما فيش حاجة محددة فى دماغى مثلا اول حاجة بكر فيها جدا انى استورد عربيات مستعملة متقطعة من برة بالاخص جولف انا عندى واحد صاحبى فى اوروبا ولما كلمته قالى ان الموضوع من عنده سهل جدا بس المشكلة عندى فى مصر .
1- ايه مشورتكم لى فى الموضوع عامة.
2-ممكن لو فى حد يعرف اى حاجة عن الموضوع ده يقولى.
ياريت يا جماعة تنصحونى و ربنا يجزيكم خير
-
استيراد قطع غيار مستعملة مشروع ماشي وحلو ,, ويفيدوك الإعضاء الخبراء أكثر مني
-
صراحة ما كنت متوقع ان حد يرد على بالسرعة دى جزاك الله خير يا أستاذ محمود.
يا ريت يا جماعة لو حد يعرف حاجة عن اى اجراءت يقولى.
-
فكره ممتازه وربنا يوفقك فيهه
متابع بإهتمام
-
الاول ربنا يوفقك لما فيه الخير لك ..
المشروع كويس جداً و هيشتغل كويس جداً ان شاء الله بس له كام حاجه انت لازم تفكر فيها الاول كمتطلبات قبل ان تتوكل على الله
1- عايز مكان مخزن يكون كبير و مؤمن من السرقة تخزن فيه الحاجات اللى جايه من بره على بال ما تفككها و تصنفها
2- عايز محل مساحته كويسه تعرض فيه البضاعه دى
3- عايز عربيه ربع نقل او نصف نقل تنقل عليها الحاجات دى من الميناء الى المخزن الى المحل لانك لو اعتمدت على العربيات النقل بالمشوار هيتخرب بيتك (مشوار من ميناء العين السخنه لنقل كونتينر على عربيه نقل كان بألف و مائتى جنيه غير الاكراميات )
4- لو عايز تشتغل بما يرضى الله بعيد عن شغل محلات قطع غيار الاستيراد (فى رأييى الشخصى) يبقى تتفق مع ميكانيكى ثقة يشوف البضاعه دى لما تقطعها و يصنفها حسب الجودة و يشوف ايه اللى فيها شغال كويس و ايه لأ لأنك لو بعت حاجه لحد و و كانت مش كويسه و عملت مشكلة معاه هيطلع على المحل سمعه مش كويسه ان بضاعته دى خلع من عربيات و مش كويسة و انك لا سمح الله حرامى و نصاب و ياريت كمان تعمل حسابك قصاد كل 4 قطع غيار تتباع من نوع واحد (لنفرض مثلاً مواتير) تشيل واحد احتياطى تستبدله لاى حد تحصل عنده مشكله و بكده تضمن ان سمعه المحل و اسمك هيفضلوا كويسين جداً
5- اعمل دراسه جدوى بمصروفات التشغيل كلها الاول و احسب المكاسب هتبقى ايه و لو لقيت انك كسبان 20% على الاقل يبقى توكل على الله اقل من كده يبقى الموضوع مش جايب همه (مثلاً : ايجار المحل 1000 جنيه و المخزن 2000 جنيه و العماله 2000 جنيه و كمان 500 جنيه كهرباء و مياه و حى و اكراميات و نثريات يبقى المجموع 5500 جنيه يبقى لازم المكسب من المبيعات يكون 7000جنيه على الاقل علشان تغطى مصاريفك و تبقى كسبان 25% )
اخيراً ادعو لك مره اخرى بالتوفيق ...
-
-
شكرا للكل من اهتم بى .
كلامك مفيد جدا و وضح لى نقط ما كانت فى حساباتى جزاك الله خير يا ((مواطن مصرى)).
يا ريت لو حد عنده فكرة عن شروط الجمرك يعنى مثلا ينفع تكون العربية نصفين فقط ولا لازم تكون كل حاجة فيها منفصلة تماما عن بعض .
التعريفة الجمركية بتتحسب أزاى .
Content Relevant URLs by
vBSEO 3.6.0 PL2