عرض للطباعة
أنا لسا شاري عربية مستعملة بوما 2006 النهاردة
و إكتشفت بالليل إن نور الفرمل مش بينور بس اللمبة الحمرا إللي في السبويلر بتنور
و كمان لمبة الإشارة الشمال مش بتنور و لاحظت إني لما بدي إشارة شمال السهم في التابلوة بينور و يطفي بتردد سريع عن الإشارة اليمين.
دا ممكن يكون ايه.
و هل أروح عند كهربائي و لا أروح التوكيل ولا أروح فين بالظبط
اهلا بيك لانسراوى جديد
بالنسبه لمشكلتك كلها مشاكل لمبات
وممكن تقوم بالعمليه دى كلها بنفسك
بالنسبه لنور فرامل الفوانيس الخلفيه هتحتاج مفك صليبه فقط
هاتفتح الشنطه هتلاقى مسمارين للفانوس هاتفكهم وتشد الفانوس لبره بحذر لانه متثبت بكليبسين
هتلاقى اربع دوايا تشوف ايه اللى بايظ منهم وتفكها وتجيب زيها وتركبه تانى بحذر
اما عن الاشاره سرعه تنبيه الاشاره سريعه ياعنى فى لمبه مش شغاله
هاتشغل الانتظار وتلف على العربيه وتشوف انهى واحده وتغيرها
واغلى لمبه هى بتاعه الاشاره الخلفيه و الالمانى ب 11ج
الكلام دا لسه حاصل معايا امبارح بالضبط
وهى مشكله الاشاره كان فيه شويه سمكره فى الرفرف ففكيت اللمبه بتاعت الاشاره بعد مفكتها وبعطى اشاره يمين مكان المبه اللى فكتها لقيت الاشاره اسرع كتير من الشمال فرحت مركب الاشاره تانى اشتغلت مظبوط ولما شلتها تانى بقت سريعه
استنتجت من كدا ان الاشاره لما تكون اللمبه مش متركبه فيها بتعمل المشكله دى
اعتقد لو انته غيرت لمبه الاشاره الشمال واشتغلت معاك هتتظبط لوحدها
وممكن تكون مشكلتلك ان الكابل اللى واصل فى الاشاره الشمال مش متوصل كويس فيها لذلك المشكله بتحصل معاك
شكراً يا شباب على الاستجابة و سرعة الرد
أنا بس مش مطمئن علشان مش طبيعي إن اللمبتن بتوع الفرامل تتحرق مرة وحدة و شاكك إن فيه مشكلة في التوصيلات