عايزين طر يقة عمل دراسة جدوى من محاسبين المنتدى

**زينة الله** · 25-05-2010 12:38 PM

على فكرة انا دخلت على الموقع اللى حضرتك حطيت الرابط بتاعة
فعلا شارح كل حاجة باستفاضة .... شكرا جزيلا
لكن لو ممكن حد من المحاسبين يشرحلنا باختصار
باعتبار انهم فاهمين فى الموضوع ده اكتر
ومنعا للملل بالنسبة للمبتدئين

**زينة الله** · 26-05-2010 10:50 AM

طيب ياحماعة ايه رأيكوا ناخد مثلا مشروع من الافكار اللى جاية دى نعمل عليه دراسة جدوى كمثال عشان الكل يستفيد
1 - استغلال قش الارز فى صناعة الورق أو العلف ودى محتاجة مكان ريفى وحاجات تانية نقولها مع بعض...
2 - أو اعادة تصنيع البلاستك (زى الاكياس السوداء) محتاج مكنة بلاستك فى حجم المكتب الصغير تقريبا
وهكذا حاجات بتعتمد على خامات رخيصة ورأس مال صغير يصلح لاى شاب مبتدأ
3 - أو مثلا الطباعة على الخشب بالليزر و دا محتاج كمبيوتر وطابعة ليزر للطباعة على الخشب و سوق للتوزيع
ارجو المشاركة و نختار الاول مشروع وبعدين نشتغل عليه

و تقبلوا جزيل شكرى وفائق احترامى

**MaZaGAngeE** · 26-05-2010 05:20 PM

ده موضوع كبير جدا
اسمحولي أعمل موضوع يكون مثال لدراسة جدوى و انت خده و طبقه على أي مشورع عايزه
كل المشاريع سواء كانت صناعية , تجارية , خدمية متشابهه على وجه العموم و فيه اختلافات بسيطة نقدر نحددها لكل حالة

**الغزالى** · 26-05-2010 06:37 PM

المشاركة الأصلية كتبت بواسطة A.Saad

انت بتقدر
الايرادات
المصروفات

الربح بتاعك

الايراد بيتحدد حسب حالة السوق والحصة اللى هتاخدها وسعر البيع بتاعك

المصروفات هتشمل
مصروفات البيع وتكلفة البضاعة والمصاريف الادارية
وهيا نوعين
ثابت
ده بيدفع بغض النظر انت بعت ولا لا
زى الايجار

متغير بيكون مرتبط بالمبيعات
كل ما تبيع اكتر هتدفع اكتر زى عمولات المندوبين

الدراسة بتعتمد على مبدأ اسمه التدفقات النقدية
يعنى عتدفع كام ويججيللك كام
كفلوس نقدية
مش بتعتمد على مبدأ الاستحقاق اللى معناه ان كل فترة بتتحمل باللى يخصها من ايراد ومصاريف
يعنى
لو هدفع تمن شرا بضاعة هتكفينى 3 سنين
والبضاعة ب 90000 جنيه

مبدا الاستحقاق بيحسب على كل سنة 30000 كتكلفة
لكن الدراسة هتقول انك هتدفع 90000 اول سنة
يبقى لازم النقدية دى تبقى عندك او تقدر تاخدها اجل
ومصاريف كل سنة هتكون 30000

اىسؤال تحت امرك

لا بس محاسب محاسب

شغل عصافت واضح اهو ولا محضرتهوش

**A.Saad** · 26-05-2010 08:33 PM

المشاركة الأصلية كتبت بواسطة tifana2010

شكرا جزيلا
وياريت يا جماعة
تكلمونا عن الشراكة
التعامل مع البنوك (اذا لزم الامر)
التعامل مع الضرائب
التعامل مع التأمينات (عن نفسك أو الشركاء أو العاملين اذا كنت تحتاجهم فى المشروع)

الشركاء لازم يكون في بينهم عقد يحدد كل الاعلاقة
مين مسئول عن الادارة
الارباح ناللى هتتوزع سبتها اد ايه وكل ادايه
مين له حق التوقيع

**MaZaGAngeE** · 26-05-2010 10:00 PM

المشاركة الأصلية كتبت بواسطة tifana2010

انا مش عارفة ليه حضرتك كررت الموضوع تانى و شتته
بس ما علينا ياريت لو ينفع تضمهم على بعض للنفع العام
و ياريت بخبرتك تختار معانا مشروع يكون ارخص تكلفة انت قابلتها

أنا حبيت يكون موضوع كامل بأمثلة لدراسات جدوى لمشروعات صناعية آسف جدا لو كنت شتت الموضوع
أرخص تكلفة دي حضرتك تحدديها على حسب فكرة المشروع اللي عايزة تعمليه
كل المشروعات الليفي الدنيا ناجحة بس احنا اللي بنفشل لو اخترنا مشروع مش مناسب في مكان مش مناسب في زمن مش مناسب
ياريت تقري الموضوع التاني كويس و انتي تقدري تطلعي منه النقط المناسبة للمشروع بتاعك و لو احتجتي حاجة تحت أمرك و أكيد فيه زملاء هنا فاهمين أكتر مني كتير

**زينة الله** · 26-05-2010 10:12 PM

المشاركة الأصلية كتبت بواسطة mazagangee

أنا حبيت يكون موضوع كامل بأمثلة لدراسات جدوى لمشروعات صناعية آسف جدا لو كنت شتت الموضوع
أرخص تكلفة دي حضرتك تحدديها على حسب فكرة المشروع اللي عايزة تعمليه
كل المشروعات الليفي الدنيا ناجحة بس احنا اللي بنفشل لو اخترنا مشروع مش مناسب في مكان مش مناسب في زمن مش مناسب
ياريت تقري الموضوع التاني كويس و انتي تقدري تطلعي منه النقط المناسبة للمشروع بتاعك و لو احتجتي حاجة تحت أمرك و أكيد فيه زملاء هنا فاهمين أكتر مني كتير

طيب يا باشا لو عندك فكرة عن مشروع يقوم على صناعات من عفش الرز (ورق - خشب حبيبى- علف)
أو مشروع تصنيع اكياس بلاستك
اختار واحد و ساعدنى نعمل دراسة جودة ليه
مع تحياتى

**MaZaGAngeE** · 26-05-2010 11:29 PM

المشاركة الأصلية كتبت بواسطة tifana2010

طيب يا باشا لو عندك فكرة عن مشروع يقوم على صناعات من عفش الرز (ورق - خشب حبيبى- علف)
أو مشروع تصنيع اكياس بلاستك
اختار واحد و ساعدنى نعمل دراسة جودة ليه
مع تحياتى

ماشي يا باشا ندرس المشروعات دي مع بعض
بس أول ما أخلص الموضوع التاني
بعدها نبدأ على طول

-

-

الموضوع: عايزين طر يقة عمل دراسة جدوى من محاسبين المنتدى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

دراسة جدوى مصنع كربونات الكالسيوم

دراسة جدوى

بتفكر تعمل مشروع ؟ أول خطوة هي دراسة الجدوى - أتفضلوا دراسات جدوى لمشروعات كتير

ممكن مساعدة من محاسبين المنتدى

طلب دراسة جدوى ...

الكلمات الدلالية لهذا الموضوع

المفضلات

المفضلات

ضوابط المشاركة