الموضوع: هل ينفع التحويل من المدارس الازهرية للمدارس الحكومية ؟

[QUOTE=Ahmed Nouh;3872699141]يا راجل ده انت شردتنا فى الارض , بص معلش خلينى ارد على كلامك جزء جزء وانت من كلامك هتعرف انك مميز بجد علشان ازهرى



طيب على الاقل ختمت القران , لما تحب تحفظه تانى هتلاقيه محفور فى دماغك صدقنى ويسترجع بسهوله بس انت بس جرب كدا تجيب اى جزء وتحفظه هتلاقى نفسك شايف الكلام فى دماغك وسابق عينيك

ماشي معاك ودي اتفق معاك فيها

احنا صحيح غلطنا غلطه عمرنا ان محافظناش على الحفظ بس اهى غلطه ممكن تتصحح , غيرك مسلم وخريج مدارس حكوميه اقسم بالله قد كده فى السن ومش بيعرف يقرأ القران صح

يبقى انت مميز ولا لا ؟

كله بردو ييجي بالتعليم مش الازهر بس
انا معرفش حاجه عن احكام التجويد
وساعات بقرأ غلط
وده عشان مدرس القرءان في المدرسه كان هوا هوا مدرس العربي والنحو


يا راجل حد يقول على دراسه الدين دراسه عقيمه !! , ده كلام برده

كتب زمان وما قبل التاريخ دى هى كتب الدين ودى طبعا مفيهاش دين حديث وقديم وعلشان الجديد ماشى فى سكه مش كلها على الدين الحق يبقى الاسلم تعلم الدين من كتب السلف اللى كان فيها الخلاف للوصول للحق مش لكسب محبه الناس وترييحهم

كتب الادب واللغه القديمه فيها من الدسامه ما يجعلك على القدر اللى انت فيه دلوقتى من حب اللغه وفهمها وكفايه انك تعرف علوم الادب وقرأت فيها غيرك مبيعرفش يكتب العاميه من غير غلطات املائيه وهو ما شاء الله راجل مالى مركزه

يبقى انت مميز ولا لا ؟

انتا عارف كويس اوي اوي
اننا مبندرسش كتب قديمه ولا بتاع
وانتا عارف كويس مين اللي بيألف الكتب بتاعتنا
سيد بيه اوكيه الله يرحمه علي رأي الشيخ وجدي غنيم
واللي مفيش داعي لذكر اسمه دلوقتي لانه بين يدي رب كريم

فحتقولي علم شرعي لا
مخدناش العلم الشرعي الصح
احنا خدنا اللي علي مزاجهم
ومينفعش ادرس مذهب واحد واقول فتوي وتطلع مخالفه لرأي الاجماع
ده غلط وكان لازم يدي الاراء الاربعه
ولعلمك هما تداركوا الخطأ ده وبعد مانا خرجت من المدرسه اختي نزلوا كتاب جديد اسمه الفقه علي المذاهب الاربعه
بس بردو كان تأليف المذكور اعلاه (خدت بالك انتا من المذكور اعلاه دي ازهري ازهري يعني )
وطبعا كان بيقول بقي
عمرك قريت حكم المعازف والموسيقي اللي قاعدين نختلف عليه ده في الموضوع التاني في كتاب الفقه بتاعنا في اي سنه من السنين ؟؟


وانتا بردو عارف اننا مكناش بنستفيد اي حاجه من المكتوب في الكتب
وتفتكر بردو الاحكام اللي في الفقه العجيبه اللي كانت مكتوبه في الكتب

لو واحده جوزها حلف عليها بالطلاق لو خرجت من باب المنزل وراحت نطت من الشباك ايه الحكم
بالله عليك انا مال اهلي
متولع هيا وجوزها عالسلم وعالشباك اللي نطت منه

اللي عرفته بعد كده ان القصه دي قيلت في ذكاء وفطنه احد الائمه الاربعه في الشرع وسرعه استجابته للفتوي
يعني مش حاجه حكم مهم ولا مؤثر في الحياه

وحاجات من دي كتير بقي


وليه ميكونش بيحفظ فى المعهد ومعاه شيخ يتابع معاه , كدا تبقى انت صححت غلطتنا اننا نسينا بعد ما تركنا الدراسه ويبقى من كل علم بياخد نصيبه بدل ما الشيخ اللى برا يحفظه قران بس واكيد الشيخ ده مش هيحفظه قران ويعلمه فقه و نحو و صرف و بلاغه و توحيد وسيره وادب زى ما بيتعلم فى المعهد

يبقى برده انت كدا خسرت ابنك علم كتير هو احق بيه فى دنيته واخرته

يعني الواد يبقي بيتنفخ النفخ ده وكمان حجيبله شيخ
بالله عليك وانتا طالب كنت حطيقها
وبعدين انا يوم ما اجيب لابني شيخ حعرفه دينه
مش حديله نحو وصرف
هوا انتا بتستعمل الاستعاره المكنيه ؟؟؟
بتعمل حاجه بالاسماء الممنوعه من الصرف؟؟؟
حد سألك قبل كده في شغلك ايه المشبه والمشبه به

هوا انا لازم اخد كل حاااااااااااااااااااااااا ااااااااجه وبعدين ابقي اختار
واحد حيطلع عالم فيزيائي
يتنيل ياخد نحو ليه

واحد في علمي علوم
ياخد نص كتاب الفيزياء والكيمياء
والنص التاني ملغي

وتاخد ان واخواتها وكان واخواتها وتتلغي لعل واخواتها

هوا ده مش علم ؟؟؟
اللي ميوله علميه ياخد الي يحتاجه
انما مش علمي ياخد زي ادبي ياخد زي علمي رياضه ويلغوا الاحياء من علي علمي رياضه ويلغوا رياضه 2 من علمي علوم
وقفص الجوافه بتاع ادبي ده ميمدش ايده علي فيزيا وكيمياء خالص
ويفضل ياعيني ياخد في كان واخواتها لحد ما اخوتها يخلفووا



اهو دول بقا احسن كلمتين يثبتو انك مميز , مبقاش ببالغ لو قولت ان 40% من المسلمين ميعرفوش مين الائمه ؟ ويعنى ايه خلاف ؟ وايه الهدف منه ؟ وفين الدليل والحجه ويعنى ايه حكم

انت عارف وليك كمان مذهب مغلطتش لما قولتلها الحكم بس احنا اتعودنا ناخد الحكم وخلاص منسمعش كل الاراء ونلتزم بمذهب

وبالمناسبه انت مغلطتش لما قولتلها كدا انت استندت على رأى إمام من الائمه الاربعه مش حد قليل فى الدين

يبقى انت برده مميز ولا لا ؟

ماحنا اتفقنا اننا مينفعش ناخد برأي امام من الائمه مع وجود اجماع
والا يبقي كده رأي الامام بن حزم في الغناء صحيح ويؤخذ به


يا راجل حرام عليك , ليه بس كدا هو ده جزاه اللى اتعلم فى الازهر الشريف اللى الناس بتجيله من شتى بقاع الارض تتعلم منه الدين واللغه العربيه

ناس ايه اللي بتجيله من شتي بقاع الارض دي
تقصد الماليزيين والصوماليين اللي موجودين في سوق السيارات..
ياراجل دول قربوا يبقوا لاجئين
اهم بيتعلموا حاجه عجيبه عليهم
بيتعلم لغه عربيه
بس الراجل ده جي برجله
هوا عاوز ده
وبيرجعوا تاني بعد ما يكون اتعلم اللغه العربيه واجادها وخلاص علي كده

وبعدين شتي بقاع الارض دي كانت زمان
ايام ما كان الازهر بيطلع الشيخ الشعراوي
هوا ده الازهر
علم شرعي بجد ودراسه لامهات الكتب بقي وطحن
بس اللي حيطلع حيطلع داعيه الي الله
يبقي لازم يكون ملم بقي بكل حاجه

مش محاسب اديله نحو وصرف


بقا فى وسط مجتمع يسوده الفساد اسمه صفيحه زباله !!!!!! , قد يكون الازهرى مكروه زى ما انت بتقول ومش عارف بصراحه ايه اللى حصل معاك اثبت لك كدا بس انا اهه ازهرى الحمد لله دخلت اكبر شركات واشتغلت فى اماكن كتير وفى جامعه خاصه وليا اصحاب من كل شكل ولون وعمرى ابدا ما قابلت حد كرهنى علشان ازهرى

انا مش مكروه شخصيا ولا ازهريا
انما منبوذ دراسيا
وزي ما قلتلك يمكن انتا من دفعه جديده معاصرتش رابعه ثانوي والدفعه المزدوجه

كنت كل ما اقول لحد من قرايبي رابعه ثانوي يقولي اييييييييه
كأني شتمته بالام


وليا اصدقاء كتير فى مراكز مرموقه من شركات كبيره قوى وخريجين ازهر

في النهايه بقي بيتساووو
بس شخص بيكون سوي نفسيا
والتاني بيكون اصيب بعقد نفسيه
زي واحد صاحبي كمل في تجاره ازهر
الواد انفجر بقي

بقي ماشي بيعاكس اي حاجه ترمز لاي انثي حتي لو يافطه
طالما فيها تاء التأنيث


مين قال ؟ , مودرن بتاخد ازهر انا ليا اصحاب هناك ولو انها اساسا مش المكان اللى يتشرف بدخول الازهريه فيه يعنى مستواها اقل ما يكون

والله العظيم والله العظيم انا كلمت مودرن ساعه ما كنت بقدم
انا ساكن في مدينه نصر ومودرن بالنسبه لي اقرب بكتير من 6 اكتوبر
وقالولي مبنقبلش

وليا اصحاب ازهريه فى جامعات خاصه كتير وكبيره ومشوفتش مانع من الجامعات دى فى قبول طلبه الازهر , يمكن هما جامعتين ثلاثه بأدارات اجنبيه لا تقبل خريجى الازهر ودى سياسه برا لمعاداه التوجه الاسلامى بشكل عام مش الازهر نفسه



طالب الازهر تعليمه يختلف كليا عن طالب المدارس الحكومه , احنا بناخد كل المواد بتاعتهم بس هما مبياخدوش اى حاجه زياده من اللى بناخدها

يبقى انا ينفع اروح لهم سهل لكن انقل من حكومه لأزهر صعب لانى اساسا مش متأسس على نفس النهج بتاع طلبه الازهر ومع ذلك التحويل متاح حسب ما اعرف وشوفت ناس حولت بس شروطه صعبه قوى وده طبعا من حق الازهر ميبقاش طالب كان بياخد صف مواد فى اعدادى يصل ل 16 ماده وبتاع الحكومه بياخد 8 بس وفى الاخر يتساوى بيا ويحول عندى فى ثانوى ويستفاد بالمجموع القليل وخلاص

دى حاجه اساسا موجوده فى اى مؤسسه تعليميه نظامها يختلف عمن حولها

وهوا يعني اللي نفسهم يروحوا كليه شريعه اسلاميه دول يروحوا يموتوا؟
بلاش اللي بره لان مفيش حد اهبل حيخش الازهر برجليه

احنا
ليه الكليه غصب واقتدار يعني
ليه لازم ارفع قضيه في المحاكم واضيع سنه من عمري عشان اخش جامعه عين شمس بالعافيه
هوا انا ناقص رجل يعني ولا ناقص ايد
مش عاوز اكمل في الازهر
مش قادر علي نظام الدراسه
اجرمت انا ؟


ههههههههههههههههههه , مع ان الفلاحين زى الفل يعنى مش بالجلابيه الرمادى والطاقيه البنى اللى قرفونا بيها فى المسلسلات دى بس صدقنى المنظر ده فى كل جامعات مصر ومش باين فى الازهر قوى غير علشان انك بس كل اللى معاك بنين فالجو مخنوق قوى مفيش حاجه تطرى المدرج وتجيب طراوه

الناس مش مهتمه بلبسها بس ده ايه علاقه الازهر كمؤسسه تعليميه بيه ؟ , دى مشكله بنى ادمين ولو كان بالمثل فى القاهره ولا عين شمس مكنتش هتقدر تقوله متدخلش كدا الجامعه يعنى

وبعدين انا كنت فى تجاره ازهر على فكره بس حولت منها من قبل ما ادخلها لكن رحت اتفرج كدا مره مكنش بالبشاعه دى يا راجل صحيح موجود بس يتعد على الصوابع

وخلى بالك ان الظروف صعبه على شاب زى ده سايب اهله وظروفه صعبه ومتشحطط علشان العلم ويمكن مظهره مش فارق معاه فى حاجه علشان هو كل دماغه فى العلم , بدليل ان الناس دى دايما اوائل الدفعات

ياباشا مايطلع اول الدفعه
فاهم حاجه؟؟
مش فاهم حاجه
دوده كتب زي ما بيقولوا
بيحفظ وينقش وييجي اخر السنه يدلق في الورقه

ومش بتكلم عن الفلاح عموما
ما كلنا فلاحين واصولنا فلاحين

انا بتكلم عالشكل العام
ايه الي يجبرني اقعد جمب واحد اول ما يقعد جمبي يقلع الشبشب ويربع في المدرج يعني
وريحه رجليه دانهل ديزاير

ليه طيب
هوا الحارس اللي واقف عالبوابه وشايف الطالب اللي داخل بالجلابيه وتحتها بنطلون البيجامه والشبشب ده احول ولا اعمي

ده يدخل كده ليه
ماهوا لو بيدرس في كليه بره وعارف ان فيها بنات وحيشوفوه بالمنظر ده
كان اتلم ولبس واحترم نفسه
انما هيا مش موضوع بنات
النضيف نضيف والله حتي لو قاعد لوحده
وانا شايف ان مش عيب عالطالب
العيب علي الكليه ونظامها

انا شايف ان دى بس كدا تكفى انك تدخل ابنك ازهر , شوف هتغير حياته ازاى وهتخليه مسلم فاهم دينه ازاى

هتحطه على الطريق اللى يبقى فيه الابن البار اللى يعرف حقوق والديه عليه علشان يشيلك فى الكبر

وهتخليه الشاب المسلم التقى اللى يشفع لاهله يوم القيامه ويكون تربيتك ليه وصلاحه سبب فى دخولك الجنه

انت بتضع ابنك على طريق الجنه ودى كفايه قوى فى حسم القرار


مانا بقولك
حدخله ابتدائي بس
واحوله
واكمل الباقي تعليم خاص
صدقني حيطلع فاهم اكتر ما ياخد حاجات تجيبله اكتئاب