انا سمعت خبر بس تقريبا صح.
انا حاجز العربية من أبوغالي و المفروض يبتدو يسلموا من يوم 20/5 بس هما اتأخروا.فسألتهم علي سبب التأخير فكان الرد
إن السبب هو انة فية خبرا صينين جم مصر علشان يحلوا المشكلة بتاعت علبة الدركسيون و هايبتدوا يسلمو العربيات من يوم 27/5 بالتعديل الجديد في علبة الدركسيون.
ياريت لو حد يعرف إذا كان الخبر ده صح ولا لا يقولي
خبرا صينيين؟
تقصد صنايعية من الصين؟
وهى المشاكل لازم تتحل على أرض الواقع؟ ماتتحل هناك ويقولولهم الحل بالتليفون!!!
بيتهيألى انها كذبة لتبرير التأجيل
بالفعل تم عمل التعديل لكل السيارت المسلمه بدا من اخر فبراير 2007
واظن ان دى حجه من ابو غالى علشات تاخير الاستلام
لانه بالفعل كل من استلم من اواخر فبراير العربيه متعدله
حلوه صنايعيه دي
هي اكيد كانت لازم تقولك اي حجة
تبرر موقف التاخير دة
وموضوع المشكلة وحلها بصراحة انا مش عارف
بس فعلا كان في ناس من الصين في التوكيل الكلام دة حقيقي
وقرايتة في اخبار او اهرام السيارات
وبالمناسبة انا معجب اووي
بنشاط ابو الفتوح
لازم كل اسبوع تلاقي خبر شكل
مرة هو يسافر
ومرة هما يجوا
أنا حاسس أنه فى سبب تانى هو اللى مأخر التسليم ..
لأنه لا يوجد أى سيارة فى المعرض التى تبيعها فورى أيضاً ..
ولا أعرف السبب .. لأنه لدى زملاء بالعمل ذهبوا إلى أكثر من معرض فى مصر والسويس وكل المعرض أكدت أن التسليم نأخر لمدة أسبوعين من المصنع .. أكيد هناك شئ ما يتم ولا نعرف عنه شئ ..
ممكن بردة
اللة اعلم :roll:
يمكن الجماعة الصينين اللى شفتوهم همه اللى الاستاذ كريم منير شافهم فى سوق السيارات ---- :lol: همه شكلهم عاملين حجة ومبرر ضعيف لانهم اتأخروا--
قلبى حاسس انهم اكتشفوا عيب جديد وبيحاولوا يتاووهاقتباس:
المشاركة الأصلية كتبت بواسطة محمد المرسي
أو بيتقلوا على الحاجزين شوية
أو عايزين أخبار السيارة تبقى فى الصحف دايما
بالفعل أنا عملت التعديل ده بس والله وبكل أمانة أنا شايف إنه مفيش الفرق الملموس قوي..اقتباس:
بالفعل تم عمل التعديل لكل السيارت المسلمه بدا من اخر فبراير 2007
هو صحيح صوت الدبدبة خف لكنه لم ينته تماماً
فلازم الصنايعية بتوع الصين (على رأي د/أحمد) يجوا ويحلوا المشكلة دي للمهندسين بتوعنا !!
أنا سمعت حاجة شبة كدة بردة ، و بردة من أبو غالي لما رحت أدفع الفلوس
أنا كنت أتأخرت بعد يوم 4 في شهر مايو، فكانوا خلاص قفلوا شهر خمسة و قالولي تعالي إدفع في أول شهر ستة، فسألت ليه طبعا لأني رايح أدفع فلوس علشان استلم و هما مش عايزين ياخدوها، فرد عليا واحد هناك قالي "أصل احنا عندنا تأخير من أبو الفتوح من شهر 4، علشان بيصلحوا علبة الدركسيون و بيغيروا تيل الفرامل إللي بيطلع مع العربية علشان التيل كان وحش"، ده إللي قالهولي بالحرف الواحد
على العموم نستنى شوية و كله هايبان (كل شئ هاينكشفين و يبان)
لو طلع هما دول الخبرا تبقي مصيبةاقتباس:
المشاركة الأصلية كتبت بواسطة جنيدى
لانهم صيع بجد وهايحطو بدل علبة الدركسيون علبة زبادي عشان يبقي خفيف ومايحماش
:lol: :lol: :lol:
و ماله يا أستاذ كريم ، علبة زبادي ، علبة زبادي :lol:
المهم مايبقاش فيه دبة :lol: :lol:
دبه !!!
انا سمعت عن زبادي بالعسل
زبادية بافواكة
لكن زبادي بالدبة دي جديدة
ممكن يكون تمرين رياضي جديد للاسبرانزواية :mrgreen: :mrgreen: :mrgreen:
ازيك يا باشمهندس محمد واخبارك ايه
بقالي كتير ماشوفتلكش مشاركات
ولا انا اللي مابجيش هنا كتير
ماهو يا أستاذ كريد الزبادس إللي بالدبة ده هو الصحي (بتاع الرجيم يعني) علشان بيخسس :wink: :wink:
والله كنت مشغول جدا اليومين إللي فاتوه، و بعدين الاخوة ما بيخلوش فرصة لحد يرد يقول حاجة، دائما جهزين
بالإضافة إني بصراحة ما بحبش أخوش في جدالات ممكن تكون غير منطقية أو فيها كلاشات بين الناس ، فا ببعد و أراقب من بعيد
بس الدنيا هدية شوية أهيه و الناس رجعت تعمل مشاركات فنية تاني، فكتن لازم العودة والمشاركة من جديد
يارب يحلو كل المشاكل علشان الجماعة بتوع الهجوم المضاد يسكتو شوية عننا ويدورو عن سيارة اخرى ينتقدوها اصل منتقدى السيارة وخاصة شريف بك ! هيزعلوا علشان مش هيلاقوا حاجة يهاجموا بها السيارة
عموماً ياخبر بفلوس بكرة يبقى ببلاش
والله يا أستاذ محمد، علشان ما حدش يهاجم العربية فيه حاجة من ثلاثة:
1 - إن ما يبقاش فيه حد بيشتكي من أي حاجة في العربية (أي حاجة أي حاجة) و ده طبعا مستحيل (الكمال لله وحدة).
2 - أو عربية تانية تنزل بسعر كويس و تقلب السوق تاني، علشان تسحب الإنتباة ليها.
3 - أو كمان سنتين إن شاء الله (أعطنا الله جميعا العمر) و تكون عملت اسم زي اللي موجود في السوق دلوقتي.
و بعدين معلهش ، أي حاجة جديدة لازم تتهاجم علشان بيكون في منها قلق و خوف (الناس أعداء لما جهلوا) فده رد فعل طبيعي لعربية جديدة نازلة السوق (صيني) و بسعر حلو
عارف يا أستاذ محمد لو العربية ديه كانت نزلت ب 90000 ألف أو 80000 ما كانش حصل كل ده
عندك مثلا الجالينا شوف بكام ، ماحدش إتكلم عليها نص كلمة !!!!!!!!!!!!!!
ال A620 نفس الماتور و نفس كل حاجة ، الناس عمالة تقول صيني ... صيني !!!!!!!!!
و ماحدش يلوم الناس في ده بردة، لسبب بسيط جدا ، إحنا هنا (أقصد كمصريين) في السوق المحلي إتعرضنا لحجات كتير و شوفنا حاجات كتير خلتنا فقدنا الثقة تماما "إن ممكن أخد حاجة كويسة بسعر منطقي و ما يكونش حد ضاحك عليا"، يا جماعة شوفوا العربيات المستوردة برة مصر بكام و هنا بكام هاتلاقي إن العربية إللي برة مصر عربية متوسطة أو حتى تحت المتوسط هنا في مصر مش أي حد يركبها (مع الأخذ في العلم طبعا تدني مستوى الدخل في مصر) !!!!!!!!!!!!!!
بجد (و ده رأيي الشخصي) إحنا هنا في مصر أوضعنا مقلوبة جدا (وبالذات بالنسبة لسوق العربيات) العربيات هنا أغلى من برة و مستوى الدخل أقل جدا من برة !!!!!!!!!!!!!!!!!!!!!!
ربنا يرحمنا جميعا و يوفق الجميع
فتح الله عليك ياباشمهندس محمد صبرى كل كلامك معقول ومقبول تماماً اما بالنسبة للاوضاع المقلوبة لى سؤال ابحث له عن اجابة
هو انتى عايز ولاد المواطنين العاديين يركبوا زى المواطنين السوبر ؟ ياشيخ حرام عليك ! دا حتى كلام غير مقبول
على رأى واحد صاحبنا ايختلط الزيت بالماء ؟؟؟؟؟؟؟؟؟؟؟؟
تصدق فعلا يا أستاذ محمد
فاتتني ديه ، و فعلا "أيختلط الزيت بالماء" !!!!!!!!!!!!!!!!!!!!!!!!!
بس عندي سؤال --هل يختلط الزيت بالماء؟--ولا يمكن عايزين الزيت يتخاط بالماء--دة اللي ناقص--- الزيت يتخلط بالماء--غريبة---يمكن-
خلط الزيت بالماء دي من اجمل ماسمعت من اسبوع---بل من ابلغ ماسمعت
dr/ehababdelhafeez
اسبيراتزاوي32